Information Plus
ສູນໂທ Danuri
1577-1366
ການໂທປຶກສາດ້ານຄອບຄົວ
1644-6621
한국생활안내 정보더하기 사이트로 이동
  • ສະຖາບັນເກົາຫຼີເພື່ອຄອບຄົວທີ່ມີສຸຂະພາບດີ

ສູນໂທ Danuri : 1577-1366

가족상담전화 : 1644-6621

2021 Web Award Winner 2023 A.N.D Award Winner

21F, 173, Toegye-ro, Jung-gu, Seoul (Chungmuro ​​3-ga, Namsan Square Building)

Copyright ⓒ KOREA INSTITUTE FOR HEALTHY FAMILY. All Rights Reserved

이전 페이지로

ລະບົບການສຶກສາຂອງປະເທດເກົາຫຼີ

  • Home
  • ການສຶກສາຂອງເດັກ
  • ລະບົບການສຶກສາຂອງປະເທດເກົາຫຼີ

ລະບົບການສຶກສາຂອງປະເທດເກົາຫຼີ

01ສະພາບລວມຂອງລະບົບການສຶກສາໃນປະເທດເກົາຫຼີ

ລະບົບການສຶກສາໃນເກົາຫຼີ ປະກອບດ້ວຍຊັ້ນປະຖົມສຶກສາມີ 6 ປີ, ຊັ້ນມັດທະຍົມຕົ້ນ 3 ປີ, ມັດທະຍົມຕອນປາຍມີ 3 ປີ ແລະ ຢູ່ມະຫາວິທະຍາໄລ 4ປີ (ສຳລັບ ວິທະຍາໄລ ແມ່ນ 2ປີ). ໂດຍທີ່ຫຼັກສູດຫົກປີທີ່ຊັ້ນປະຖົມສຶກສາແລະຫຼັກສູດ ອ3ປີ ຢູ່ຊັ້ນມັດທະຍົມ ຕົ້ນແມ່ນເປັນພາກບັງຄັບແລະບໍ່ຕ້ອງເສຍຄ່າຮຽນໃນຊ່ວງໄລຍະນີ້.

02ຫຼັກສູດການສຶກສາ

ໃນເກົາຫຼີ, ປີການສຶກສາໄດ້ແບ່ງອອກເປັນສອງພາກຮຽນ. ພາກຮຽນທີ 1 ແມ່ນແຕ່ວັນທີ 1 ມີນາ ເຖິງວັນທີທີ່ອຳນວຍການໂຮງຮຽນໄດ້ກຳນົດໄວ້, ໂດຍພິຈາລະນາຈຳນວນມື້ຮຽນ, ວັນພັກຜ່ອນ ແລະ ຫຼັກສູດການຮຽນການສອນ. ພາກຮຽນທີ 2 ເລີ່ມຕົ້ນໃນມື້ສຸດທ້າຍຂອງພາກຮຽນທີ 1 ແລະ ສິ້ນສຸດໃນມື້ສຸດທ້າຍຂອງເດືອນກຸມພາຂອງປີຕໍ່ໄປ. ໂດຍທົ່ວໄປແລ້ວ, ພາກຮຽນທີ 1 ຈະເລີ່ມໃນຕົ້ນເດືອນມີນາ ແລະ ພາກຮຽນທີ 2 ເລີ່ມແຕ່ທ້າຍເດືອນສິງຫາຫາຕົ້ນເດືອນກັນຍາ. ຫຼັກສູດການຮຽນການສອນຊັ້ນປະຖົມ, ກາງ ແລະ ມັດທະຍົມຕອນປາຍ ແບ່ງອອກເປັນ 2 ພາກຄື: ຫຼັກສູດມາດຕະຖານ ແລະ ກິດຈະກຳການຮຽນຮູ້ທີ່ສ້າງສັນດ້ວຍຕົນເອງ.

03ຄວາມຊ່ວຍເຫຼືອດ້ານການສຶກສາ ສຳລັບນັກຮຽນທີ່ມີພູມຫຼັງເປັນຜູ້ອົບພະຍົບ

ຫ້ອງຮຽນພາສາເກົາຫຼີ (ຫ້ອງຮຽນພາສາເກົາຫຼີແບບໄປສອນເຖິງທີ່, ຫຼັກສູດພາສາເກົາຫຼີເບື້ອງຕົ້ນ ແລະ ອື່ນໆ.)

ໂຮງຮຽນລະດັບປະຖົມສຶກສາ, ມັດທະຍົມຕົ້ນ ແລະ ມັດທະຍົມປາຍ ເປີດສອນ ຫ້ອງຮຽນພາສາເກົາຫຼີສຳລັບນັກຮຽນທີ່ມີພູມຫຼັງເປັນຜູ້ອົບພະຍົບ ລວມທັງນັກຮຽນອົບພະຍົບໃນໄວຮຽນ ແລະ ນັກຮຽນຕ່າງປະເທດ ເພື່ອຊ່ວຍພວກເຂົາຮຽນຮູ້ພາສາ ແລະ ວັດທະນະທຳເກົາຫຼີ. ປັດຈຸບັນມີຫ້ອງຮຽນພາສາເກົາຫຼີ 526 ຫ້ອງ ໃນໂຮງຮຽນ 359 ໂຮງຮຽນທົ່ວປະເທດ (ຂໍ້ມູນປີ 2024) ແລະ ຖ້າໂຮງຮຽນຂອງລູກຫຼານຂອງທ່ານບໍ່ມີຫ້ອງຮຽນພາສາເກົາຫຼີ, ພວກເຂົາສາມາດຮຽນຮູ້ພາສາເກົາຫຼີໄດ້ຜ່ານ ຫ້ອງຮຽນພາສາເກົາຫຼີແບບໄປສອນເຖິງທີ່ ຫຼື ຫຼັກສູດພາສາເກົາຫຼີເບື້ອງຕົ້ນທີ່ຈັດຂຶ້ນໂດຍສະຖາບັນໃນພື້ນທີ່. ທ່ານສາມາດຄົ້ນຫາຫ້ອງຮຽນພາສາເກົາຫຼີໃນພື້ນທີ່ຂອງທ່ານໄດ້ຜ່ານທາງຫ້ອງການສຶກສາເມືອງ/ແຂວງ ຫຼື ສູນການສຶກສາຫຼາກຫຼາກວັດທະນະທຳແຫ່ງຊາດ (National Center for Multi-culture Education) (www.edu4mc.or.kr)

Korean for Everyone, ຫຼັກສູດຮຽນພາສາເກົາຫຼີອອນລາຍ

ດ້ວຍຫຼັກສູດ Korean for Everyone (korean.edunet.net) ນັກຮຽນທີ່ມີພູມຫຼັງເປັນຜູ້ອົບພະຍົບ ເຊັ່ນ ນັກຮຽນອົບພະຍົບໃນໄວຮຽນ ແລະ ນັກຮຽນຕ່າງປະເທດ ສາມາດໃຊ້ຄອມພິວເຕີ ຫຼື ແທັບເລັດ ເພື່ອປະເມີນຄວາມສາມາດທາງດ້ານພາສາເກົາຫຼີຂອງຕົນ ແລະ ຮຽນຮູ້ພາສາເກົາຫຼີຜ່ານເນື້ອຫາທີ່ອອກແບບຕາມລະດັບຄວາມສາມາດຂອງແຕ່ລະຄົນ ໄດ້ທຸກທີ່ທຸກເວລາ. ລູກຫຼານຂອງທ່ານສາມາດໃຊ້ໂປຣແກຣມນີ້ໄດ້ ບໍ່ວ່າຈະໄດ້ລົງທະບຽນຫ້ອງຮຽນພາສາເກົາຫຼີຫຼືບໍ່ກໍຕາມ.

ການຮຽນສອງພາສາ

ເພື່ອອໍານວຍຄວາມສະດວກ ແລະ ປັບປຸງການສຶກສາສອງພາສາ, ປຶ້ມແບບຮຽນສອງພາສາ ແລະ e-books ໄດ້ຖືກພັດທະນາ ແລະ ແຈກຢາຍ. ການແຂ່ງຂັນເວົ້າສອງພາສາແມ່ນຈັດຂຶ້ນທຸກໆປີ. ທ່ານສາມາດເຂົ້າໄປທີ່ມູນນິທິ MiraeAsset Park Hyeon Joo (foundation.miraeasset.com) ຫຼື ຊ່ອງທາງສູນການສຶກສາຫຼາຍວັດທະນະທຳ (Multicultural Education Portal) (www.edu4mc.or.kr) ເພື່ອດາວໂຫຼດປຶ້ມແບບຮຽນສອງພາສາ (ພາສາທີ່ຕ້ອງຮຽນຮູ້ກັບແມ່ ແລະ ພໍ່)*, ແລະອື່ນໆ). ການປະກວດສຽງເວົ້າສອງພາສາໄດ້ຄັດເລືອກເອົານັກຮຽນຜ່ານການປະກວດໃນໂຮງຮຽນ ແລະ ທ້ອງຖິ່ນ ດ້ວຍການປະກວດລະດັບຊາດທີ່ຈັດຂຶ້ນທຸກໆຕົ້ນເດືອນທັນວາ.

  • ສີ່ພາສາຂອງຈີນ, ຫວຽດນາມ, ຍີ່ປຸ່ນ ແລະ ຕາກາລັອກໄດ້ຖືກຕິດຕັ້ງສໍາລັບ Mirae Asset Park Hyeon Joo Foundation, ແລະ ຫ້າພາສາລັດເຊຍ, ກໍາປູເຈຍ, ໄທ, ມົງໂກນ ແລະ ອິນໂດເນເຊຍໄດ້ຖືກຕິດຕັ້ງຢູ່ໃນປະຕູການສຶກສາຫຼາຍວັດທະນະທໍາ.
ນັກສຶກສາປະລິນຍາຕີທີ່ໃຫ້ຄໍາປຶກສາແກ່ ນັກຮຽນຜູ້ທີ່ມີພູມຫຼັງເປັນຜູ້ອົບພະຍົບ

ນັກຮຽນຜູ້ທີ່ມີພູມຫຼັງເປັນຜູ້ອົບພະຍົບ ຜູ້ທີ່ຍັງຂາດທັກສະພື້ນຖານທາງວິຊາການ ຫຼື ຄວາມສາມາດທາງດ້ານພາສາເກົາຫຼີ ຈະໄດ້ຮັບການຈັບຄູ່ແບບ ຕົວ-ຕໍ່-ຕົວ ກັບນັກສຶກສາປະລິນຍາຕີ ເພື່ອຊ່ວຍໃຫ້ພວກເຂົາປັບຕົວກັບຊີວິດໃນໂຮງຮຽນ ແລະ ພັດທະນາທັກສະທາງວິຊາການ. ທີ່ປຶກສາທີ່ເປັນນັກສຶກສາປະລິນຍາຕີຈະໄປພົບນັກຮຽນທີ່ໂຮງຮຽນ ຫຼື ສູນການສຶກສາຫຼັງເລີກຮຽນ ຫຼື ໃນຊ່ວງປິດເທີມ ເພື່ອໃຫ້ການສະໜັບສະໜູນ ເຊັ່ນ ການສອນບົດຮຽນ ຫຼື ໃຫ້ຄຳປຶກສາໃນການປັບຕົວກັບຊີວິດໃນໂຮງຮຽນ. ທ່ານສາມາດເຂົ້າຮ່ວມໂປຣແກຣມນີ້ໄດ້ໂດຍສະໝັກຜ່ານໂຮງຮຽນ ຫຼື ສູນດູແລເດັກໃນຊຸມຊົນ.

ສິ່ງທີ່ຄວນຮູ້ໄວ້!
ໂຮງຮຽນສຳຮອງນາໆຊາດ

ຢູ່ໃນປະເທດເກົາຫຼີ ຍັງມີໂຮງຮຽນສຳຮອງ ທີ່ສາມາດຢັ້ງຢືນການສຶກສາ ເພື່ອນັກຮຽນ ທີ່ມາຈາກຄອບຄົວຫຼາຍວັດທະນະທຳ ທີ່ໄດ້ອອກໂຮງຮຽນແລ້ວ ຫຼື ນັກຮຽນ ທີ່ຕ້ອງການລະບົບການສຶກສາໃຫ້ສອດຄ່ອງກັບຈຸດພິເສດຂອງຕົນເອງ

다문화 대안학교 : 학교명, 학교급, 특징, 교육비, 문의처를 포함한 표입니다.
ຊືໂຮງຮຽນ ຊັ້ນ ຈຸດພິເສດ ຄ່າຮຽນ ເບີສອບຖາມ
ໂຮງຮຽນຈິກູໂຊ່ນ (ເມືອງກູໂຣ, ເຊອຸນ)
www.globalsarang.com 		ໂຮງ​ຮຽນ​ປະ​ຖົມ · ໂຮງ​ຮຽນ​ມັດທະຍົມຕົ້ນ · ໂຮງ​ຮຽນມັດທະຍົມປາຍ
  • ບໍລິການສິດສອນສອງພາສາ ຄືພາສາເກົາຫຼີ, ອັງກິດ ແລະ ພາສາຕ່າງປະເທດອື່ນໆໄປພ້ອມກັນ
 ບໍ່ເສຍຄ່າ 02-6910-1004
ໂຮງຮຽນອຸດົມທ່ອງທ່ອງດາໂຊມເຊອຸນ(ໂຮງຮຽນດາໂຊມເຊອຸນ, ເມືອງຈົງໂນ, ເຊອຸນ)
www.sds.hs.kr 		ອຸດົມ
  • ບໍລິການຝືກອົບຮົມວິຊາຊີບ ເພື່ອສ້າງຄວາມເຂັ້ມແຂງໃນການຊອກຫາວຽກເຮັດ, ສິດສອນພາສາເກົາຫຼີ, ໂປແກມການທ່ອງ ທ່ຽວ ແລະ ການບໍລິການທ່ອງທ່ຽວ
ບໍ່ເສຍຄ່າ 070-8685-7798
ໂຮງຮຽນອຸດົມໂປລິເຕັກດາໂຊມເກົາຫຼີ (ເມືອງເຈຊ່ອນ, ແຂວງຊຸ່ງບຸກ)
dasom.kopo.ac.kr 		ອຸດົມ
  • ບໍລິການຝືກອົບຮົມເຕັກນິກວິຊາຊີບ ເພື່ອເສີມສ້າງຄວາມສາມາດໃນການສະໝັກວຽກ ໃຫ້ໄດ້ດີ
  • ມີຮຽນວິສະວະກອນຄອມພິວເຕີ
  • ຮຽນທາສີ ແລະ ໄຟຟ້າ
 ບໍ່ເສຍຄ່າ (ມີຫໍພັກໃຫ້ຢູ່ຫຼ້າ) 043-649-2800
ໂຮງຮຽນອິນຊອນຮັນນູຣີ (ເມືອງນຳດົງ, ອິນຊອນ)
(segyero.icesc.kr) 		ປະຖົມ, ມັດທະຍົມ ແລະ ອຸດົມ
  • ບໍລິການສອນພາສາເກົາຫຼີ ແລະ ວິຊາສະເພາະພິເສດຫຼາຍໆຢ່າງ(ກະຈາຍຄວາມຮູ້, ສ້າງແຜນອານາຄົດ, ຈັດການທັດສະນະສຶກສາ ) ນັກຮຽນ ທີ່ສັງກັດປໍ5 ຂື້ນປ ສາມາດເຂົ້າຢູ່ຫໍພັກໂຮງຮນໄດ້.
ປະຖົມ ແລະ ມັດຖະຍົມ ແມ່ນບໍ່ເສຍຄ່າ ອຸດົມ : ຕ້ອງເສຍຄ່າຮຽນ (ບວກຄ່າຫໍພັກອີກ) 032-442-2104
032-442-2109
ໂຮງຮຽນເຮມິ່ນ (ເມືອງຮົງຊ່ອນ ແຂວງກັງວອນ)
(haemillschool.com) 		ມັດທະຍົມ
  • ໂຮງຮຽນເຕັກນິກຂະໜາດນ້ອຍ (ແຕ່ລະຊັ້ນ20ຄົນ)
  • ການສຶກສາລວມໝູ່ລະຫວ່າງ ນັກຮຽນລູກຊ໊ອດ ແລະ ນັກຮຽນເກົາຫຼີ
  • ສອນພາສາເກົາຫຼີ ແລະ ພາສາຕ່າງປະເທດປະເທດ(ພາສາຈີນ ແລະ ຍີ່ປຸ່ນ)
 ບໍ່ໄດ້ເສຍຄ່າ (ລວມທັງຄ່າຫໍພັກ) 033-433-8761
ໂຮງຮຽນຕ່າງປະເທດ

ໂຮງຮຽນຕ່າງປະເທດ ແມ່ນສະຖານບັນການສຶກສາ ທີ່ເປີດສຳລັບນັກຮຽນທີ່ພໍ່ແມ່ ເປັນຄົນຕ່າງຊາດ ຫຼື ນັກຮຽນເກົາຫຼີ ທີ່ໄປຢູ່ຕ່າງປະ ເທດ ບໍ່ຕ່ຳກວ່າ 3 ປີ ຂື້ນ ໂດຍທີ່ບໍ່ໄດ້ພາສາເກົາຫຼີດີເທົ່າທີ່ຄວນ ຊຶ່ງພວກນັກຮຽນເຫຼົ່ານີ້ ຈະບໍ່ສາມາດຮຽນ ເປັນຫຼັກສູດພາສາເກົາຫຼີ ນຳນັກ ຮຽນເກົາຫຼີທົ່ວໄປໄດ້, ຈຶ່ງຈຳເປັນຕ້ອງໄດ້ໄປຮຽນ ໃນໂຮງຮຽນນາໆຊາດ. ໃນປະຈຸບັນ, ໂຮງຮຽນນານາຊາດ ໃນປະເທດເກົາຫຼີ ມີທັງໝົດ 38 ແຫ່ງ ໃນນັ້ນ ຢູ່ເຂດນະຄອນຫຼວງເຊອຸ່ນ ມີ 17 ແຫ່ງ, ແຂວງກ່ຽງກີ 6 ແຫ່ງ, ແຂວງບູຊັນ 5 ແຫ່ງ, ເມືອງອີນຊອນ 2 ແຫ່ງ, ແຂວງກຽງນຳ 2 ແຫ່ງ, ເມືອງແດກູ 2 ແຫ່ງ, ແລະ ຢູ່ແດຈອນ, ກວາງຈູ, ອຸ່ນຊັນ, ກັງວວນ ແຂວງຈອນບຸກ ເຂດລະ 1 ແຫ່ງ.

  • ສະຖານະປັດຈຸບັນຂອງໂຮງຮຽນນານາຊາດໃນເກົາຫຼີທົ່ວປະເທດ ຈະມີການເຜີຍແຜ່ເທິງເວັບໄຊຂອງກະຊວງສຶກສາທິການທຸກປີ.
ເງື່ອນໄຂຂອງເດັກ ທີ່ຈະເຂົ້າຮຽນໂຮງຮຽນຕ່າງປະເທດ
  • ໜຶ່ງໃນພໍ່ ຫຼື ແມ່ຂອງເດັກ ຕ້ອງເປັນຄົນຕ່າງປະເທດ
  • ພົນລະເມືອງປະເທດເກົາຫຼີ ທີ່ເຄີຍອາໄສຢູ່ຕ່າງປະເທດຫຼາຍກ່ວາ 3 ປີ (ລວມທັງບຸກຄົນທີ່ມີຫຼາຍສັນຊາດ)
  • ສຳລັບ ນັກຮຽນ ທີ່ບໍ່ສາມາດຮຽນຕໍ່ໃນໂຮງຮຽນທົ່ວໄປໄດ້ ຍ້ອນເຫດຜົນດັ່ງຕໍ່ໄປນີ້(ຕ້ອງໄດ້ຮັບການພິຈາລະນາຈາກ ຄະນະກຳມະ ການບໍລິຫານໂຮງຮຽນ)
    • ນັກຮຽນ ທີ່ບໍ່ສາມາດຮຽນນຳໝູ່ໄປໄດ້ ຍ້ອນບໍ່ມີຄວາມສາມາດດ້ານພາສາເກົາຫຼີ ບໍ່ພຽງພໍ.
    • ນັກຮຽນທີ່ປັບຕົວເຂົ້າກັບສະພາບການຮຽນການສອນ ບໍ່ໄດ້ ຍ້ອນວັດທະນະທຳແຕກຕ່າງກັນ.
    • ນັກຮຽນ ທີ່ບໍ່ສາມາດສືບຕໍ່ຮຽນໄປໄດ້ ຍ້ອນເຫດຜົນອື່ນໆທີ່ກ່ຽວຂ້ອງກັບໂຮງຮຽນ.
ການຄັດເລືອກນັກຮຽນ
  • ການຄັດເລືອກເຂົ້້າສຶກສາ ຈະດຳເນີນການໂດຍແຕ່ລະໂຮງຮຽນໂດຍກົງ. ດັ່ງນັ້ນ ຜູ້ປົກຄອງຕ້ອງສອບຖາມກັບແຕ່ລະໂຮງຮຽນລ່ວງໜ້າກ່ຽວກັບວິທີການສະໝັກ, ເອກະສານທີ່ຕ້ອງໃຊ້, ຊ່ວງເວລາການສະໝັກ ແລະ ອື່ນໆ.
  • ເບິ່ງຂໍ້ມູນການຕິດຕໍ່ຂອງແຕ່ລະໂຮງຮຽນນານາຊາດ ໄດ້ທີ່ເວັບໄຊຂອງກະຊວງສຶກສາທິການ (www.moe.go.kr)
  • ເວັບໄຊຂອງກະຊວງສຶກສາທິການ –> ນະໂຍບາຍ –> ການສຶກສາຕ່າງປະເທດ(ສຶກສາຕໍ່ຕ່າງປະເທດ) –> ພິມຄຳວ່າ ‘foreign school’ ໃນຊ່ອງຄົ້ນຫາ
  • ລູກຫຼານຂອງແຮງງານຕ່າງຊາດ ໃນອຸດສາຫະກຳຂັ້ນສູງເຊິ່ງໄດ້ຮັບການກຳນົດໂດຍລັດຖະມົນຕີກະຊວງການຄ້າ, ອຸດສາຫະກຳ ແລະ ພະລັງງານ ພາຍໃຕ້ກົດໝາຍພິເສດວ່າດ້ວຍ ນະວັດຕະກຳບຸກຄະລາກອນໃນອຸດສາຫະກຳຂັ້ນສູງ ສາມາດເຂົ້າຮຽນໃນໂຮງຮຽນນານາຊາດໄດ້ນອກຈາກໂຄຕ້າປົກກະຕິ ເພື່ອຊ່ວຍໃຫ້ບຸກຄະລາກອນຕ່າງຊາດທີ່ມີຄວາມສາມາດ ໃຫ້ສາມາດຕັ້ງຮາກຖານໃນເກົາຫຼີໄດ້ໂດຍບໍ່ມີອຸປະສັກໃດໆ.
  • ສອບຖາມຂໍ້ມນກ່ຽວກັບການສະໝົກ K-Tech Pass ແລະ ຂັ້ນຕອນຕ່າງໆໄດ້ທີ່ : ☎ 02-3460-7388 / www.kotra.or.kr/ck_kor
ເວບໄຊ້ຂອງໂຮງຮຽນຕ່າງປະເທດ
  • ເວັບໄຊບໍລິການແບບຄົບວົງຈອນຂອງສະຖາບັນການສຶກສາຕ່າງປະເທດ ແລະ ໂຮງຮຽນນານາຊາດ (www.isi.go.kr) ມີຂໍ້ມູນໂດຍລະອຽດ ເຊັ່ນ ຈໍານວນນັກຮຽນ, ຈຳນວນຄູ, ເສັ້ນທາງອາຊີບ ແລະ ຄ່າຮຽນຂອງແຕ່ລະໂຮງຮຽນ.
ວຽກນີ້ສາມາດນຳໃຊ້ໄດ້ອີງຕາມເງື່ອນໄຂ “KOGL (ໃບອະນຸຍາດລັດທະບານເປີດປະເຫດເກົາຫຼີ) ປະເພດ 4: ເງື່ອນໄຂ ແຫຼ່ງທີ່ມາຊີ້ບອກ+ການຫ້າມການນຳໃຊ້ທາງການຄ້າ+ການຫ້າມການປ່ຽນແປງ”.
ກ່ອນໜ້ານີ້
ການລ້ຽງດູເດັກ ແລະ ການສຶກສາກ່ອນໄວຮຽນ
ຕໍ່ໄປ
ການສຶກສາໃນຊັ້ນປະຖົມ