Aklat-pamatnubay sa Paninirahan sa Korea

Ang sistema ng edukasyon ng Korea ay binubuo ng anim na grado sa paaralang elementarya, tatlong grado sa middle school, tatlong taon sa mataas na paaralan at apat na taon sa unbersidad (o dalawang taon sa kolehiyo). Ang anim na taong kurikulo (curriculum) ng paaralang elementarya at tatlong taong kurikulo sa middle school ay kabilang sa mandatoryong libreng edukasyon.

Sa Korea, nahahati ang akademikong taon sa dalawang semestre. Ang unang semestre ay mula Marso 1 hanggang sa petsang itinakda ng punong-guro ng paaralan na isinaalang-alang ang bilang ng araw ng eskuwela, mga bakasyon, at akademikong kurikulum. Ang ikalawang semestre ay nagsisimula sa araw pagkatapos ng huling araw ng unang semestre at nagtatapos sa huling araw ng Pebrero ng susunod na taon. Karaniwan, nagsisimula ang unang semestre sa unang bahagi ng Marso, at nagsisimula ang ikalawang semestre sa pagitan ng huling bahagi ng Agosto at unang bahagi ng Setyembre. Ang akademikong kurikulum para sa mababa, gitna, at mataas na paaralan ay nahahati sa dalawang bahagi: pamantayang kurikulum at mga malikhaing pagkatutong gawaing sinimulang mag-isa.

Nagbibigay ang mga elementarya, mataas na paaralan, at sekondarya ng mga klase sa wikang Koreano para sa mga mag-aaral na may pinagmulan sa ibang bansa, kabilang ang mga batang imigrante at dayuhang mag-aaral, upang suportahan sila sa pagkatuto ng wikang Koreano at kultura. Mayroong 526 na klase sa wikang Koreano sa 359 na paaralan sa buong bansa (hanggang 2024), at kung hindi nag-aalok ng klase sa wikang Koreano ang paaralan ng iyong anak, maaari siyang matuto ng wikang Koreano sa pamamagitan ng mga nagpapadalang klase sa wikang Koreano o paunang kurso sa wikang Koreano sa mga lokal na institusyon. Makakahanap ka ng mga klase sa wikang Koreano sa inyong lugar sa pamamagitan ng mga tanggapan ng edukasyon ng lungsod o lalawigan, o sa Pambansang Sentro para sa Edukasyong Multikultural (www.edu4mc.or.kr).

Sa pamamagitan ng Korean for Everyone (korean.edunet.net), maaaring gamitin ng mga mag-aaral na may pinagmulan sa ibang bansa, tulad ng mga batang imigrante at dayuhang mag-aaral, ang mga computer at tablet upang suriin ang kanilang kasanayan sa wikang Koreano at matuto ng wikang Koreano gamit ang mga nilalamang angkop sa kanilang pangangailangan, kahit kailan at saan man. Magagamit ng iyong anak ang programa kahit hindi siya naka-enroll sa klase sa wikang Koreano.

Upang mapadali at mapabuti ang edukasyong bilinggwal, gumagawa at nagpapamahagi ng mga aklat-aralin at e-books na bilinggwal. Idinaraos ang Paligsahan ng Talumpating Bilinggwal kada taon. Maaari kang bumisita sa Pundasyong MiraeAsset Park Hyeon Joo (foundation.miraeasset.com) o lagusan ng Pambansang Sentro para sa Multikultural na Edukasyon (www.edu4mc.or.kr) upang i-download ang mga bersiyong e-book ng mga aklat-araling bilinggwal (Wikang pag-aaralan kasama ni Nanay at Tatay*, atbp.). Pumipili ang Paligsahan ng Talumpating Bilinggwal ng mga mag-aaral sa pamamagitan ng mga paligsahang pinapatakbo ng paaralan at mga lokal na paligsahan at idinaraos ang pambansang paligsahan tuwing unang bahagi ng Disyembre.

Pinagpapares ang mga mag-aaral na may pinagmulan sa ibang bansa na kulang sa batayang kakayahan sa pag-aaral o kasanayan sa wikang Koreano sa mga undergraduate na nagtuturo nang isa-sa-isa upang matulungan silang makibagay sa paaralan at pagbutihin ang kanilang mga kasanayan sa pag-aaral. Dumadalaw ang undergraduate mentor sa paaralan o sentro na pinapasukan ng mag-aaral na may pinagmulan sa ibang bansa pagkatapos ng klase o tuwing bakasyon sa paaralan upang magbigay ng suporta tulad ng pagtuturo o paggabay sa pag-aangkop sa buhay paaralan. Maaaring sumali sa programa sa pamamagitan ng pag-aapply sa paaralan o sentro ng pangangalaga sa bata sa komunidad.