សៀវភៅមគ្គុទេសក៏សម្រាប់ការរស់នៅប្រទេសកូរ៉េ

ប្រព័ន្ធអប់រំរបស់កូរ៉េត្រូវបានចែកជា ៦ឆ្នាំ សំរាប់បឋមសិក្សា ៣ឆ្នាំសំរាប់អនុវិទ្យាល័យ ៣ឆ្នាំសំរាប់ វិទ្យាល័យ និង៤ឆ្នាំ សំរាប់សកលវិទ្យាល័យ (រឺ ២ឆ្នាំសំរាប់វគ្គបណ្តុះបណ្តាល)។ មុខវិជ្ជានៅបឋម សិក្សា រយ:ពេល ៦ឆ្នាំ និងមុខវិជ្ជានៅអនុវិទ្យាល័យរយ:ពេល ៣ឆ្នាំ ត្រូវបានបង្កើតឡើងជាការ អប់រំដ៏ចាំបាច់ ហើយដោយឥតគិតថ្លៃ។

នៅប្រទេសកូរ៉េឆ្នាំសិក្សាមូលដ្ឋានត្រូវបានបែងចែកជាពីរឆមាស។ឆមាសទីមួយគិតចាប់ពីថ្ងៃទី1 ខែមីនាដល់កាលបរិច្ឆេទដែលបានកំណត់ដោយនាយកសាលា។ដោយគិតពីចំនួនថ្ងៃសិក្សា ថ្ងៃឈប់សម្រាកនិងកម្មវិធីសិក្សា។ឆមាសទីពីរចាប់ផ្តើមនៅថ្ងៃបន្ទាប់ពីថ្ងៃចុងក្រោយនៃឆមាសទីមួយ ហើយបញ្ចប់នៅថ្ងៃចុងក្រោយនៃខែកុម្ភៈនៃឆ្នាំបន្ទាប់។ ជាទូទៅ ឆមាសទីមួយចាប់ផ្តើមនៅដើមខែមីនា ហើយឆមាសទីពីរចាប់ ផ្តើមនៅចន្លោះចុងខែសីហា និងដើមខែកញ្ញា កម្មវិធីសិក្សាសម្រាប់ថ្នាក់បឋមសិក្សា មធ្យមសិក្សា និងវិទ្យាល័យ ចែកចេញជាពីរផ្នែក៖ កម្មវិធីសិក្សាស្តង់ដារ និងសកម្មភាពសិក្សាច្នៃប្រឌិតដែលផ្តួចផ្តើមដោយផ្ទាល់។

សាលាបឋមសិក្សា អនុវិទ្យាល័យ និងវិទ្យាល័យមានផ្តល់ជូនថ្នាក់បង្រៀនភាសាកូរ៉េដល់សិស្សដែលមានសាវតារជាជនអន្តោប្រវេសន៍ រួមទាំងសិស្សដែលជាជនអន្តោប្រវេសន៍ដែលគ្រប់អាយុចូលរៀន និងសិស្សជាជនបរទេស ដើម្បីផ្ដល់ជំនួយដល់ពួកគេក្នុងការរៀនភាសា និងវប្បធម៌កូរ៉េ។ មានថ្នាក់បង្រៀនភាសាកូរ៉េចំនួន 526 ថ្នាក់នៅក្នុងសាលារៀនចំនួន 359 សាលានៅទូទាំងប្រទេស (គិតត្រឹមឆ្នាំ 2024) ហើយ ប្រសិនបើសាលារៀនរបស់កូនអ្នកមិនផ្តល់ជូននូវថ្នាក់បង្រៀនភាសាកូរ៉េទេ នោះពួកគេអាចរៀនភាសាកូរ៉េតាមរយៈការចុះទស្សនកិច្ចទៅកាន់ថ្នាក់បង្រៀនភាសាកូរ៉េ ឬវគ្គសិក្សាភាសាកូរ៉េដំបូងនៅតាមស្ថាប័នអប់រំក្នុងតំបន់បាន។ អ្នកអាចស្វែងរកថ្នាក់បង្រៀនភាសាកូរ៉េនៅក្នុងតំបន់របស់អ្នកតាមរយៈការិយាល័យអប់រំប្រចាំទីក្រុង/ខេត្ត ឬមជ្ឈមណ្ឌលជាតិសម្រាប់ការអប់រំពហុវប្បធម៌ (www.edu4mc.or.kr)។

ជាមួយនឹងកម្មវិធីអប់រំភាសាកូរ៉េសម្រាប់អ្នកគ្រប់គ្នា (Korean for Everyone) (korean.edunet.net) សិស្សដែលមានសាវតារជាជនអន្តោប្រវេសន៍ ដូចជាសិស្សជាជនអន្តោប្រវេសន៍ដែលគ្រប់អាយុចូលរៀន និងសិស្សជាជនបរទេស អាចប្រើកុំព្យូទ័រ និងថេប្លេតដើម្បីធ្វើតេស្តអំពីជំនាញភាសាកូរ៉េ និងរៀនភាសាកូរ៉េតាមរយៈមាតិកាដែលតម្រូវតាមតម្រូវការរបស់ពួកគេ បានគ្រប់ពេលវេលា និងគ្រប់ទីកន្លែង។ កូនរបស់អ្នកអាចប្រើកម្មវិធីអប់រំនេះបានដោយមិនគិតថាតើពួកគេបានចុះឈ្មោះក្នុងវគ្គសិក្សាភាសាកូរ៉េ ឬយ៉ាងណាឡើយ។

ដើម្បីជួយសម្រួល និងកែលម្អការអប់រំពីរភាសា​ សៀវភៅសិក្សាពីរភាសា និងសៀវភៅអេឡិចត្រូនិកត្រូវបានបង្កើតឡើង និងចែកចាយ។ ការប្រលងនិយាយពីរភាសាត្រូវបានធ្វើឡើងជារៀងរាល់ឆ្នាំ។អ្នកអាចទស្សនា MiraeAsset Park Hyeon Joo Foundation (foundation.miraeasset.com) ឬមជ្ឈមណ្ឌលជាតិសម្រាប់ការអប់រំពហុវប្បធម៌ (www.edu4mc.or.kr) ដើម្បីទាញយកកំណែ សៀវភៅអេឡិចត្រូនិកនៃសៀវភៅសិក្សាពីរភាសា (Language to learn with Mom and Dad*, etc.).ការប្រលងការនិយាយពីរភាសាត្រូវបានជ្រើសរើសសិស្សតាមរយៈការប្រកួតដែលដំណើរការដោយសាលា នៅក្នុងស្រុក ជាមួយនឹងការប្រកួតថ្នាក់ជាតិដែលធ្វើឡើងជារៀងរាល់ដើមខែធ្នូ។

សិស្សដែលមានសាវតារជាជនអន្តោប្រវេសន៍ដែលខ្វះជំនាញសិក្សាមូលដ្ឋាន ឬជំនាញភាសាកូរ៉េត្រូវបានផ្គូផ្គងមួយទល់នឹងមួយជាមួយអ្នកណែនាំដែលកំពុងសិក្សាថ្នាក់បរិញ្ញាបត្រសកលវិទ្យាល័យ ដើម្បីជួយពួកគេសម្របខ្លួនទៅនឹងសាលារៀនរបស់ពួកគេ និងបង្កើនជំនាញសិក្សារបស់ពួកគេ។ អ្នកណែនាំដែលកំពុងសិក្សាថ្នាក់បរិញ្ញាបត្រសកលវិទ្យាល័យចុះទស្សនកិច្ចនៅសាលារៀន ឬមជ្ឈមណ្ឌលដែលចូលរួមដោយសិស្សដែលទទួលបានការណែនាំដែលមានសាវតារជាជនអន្តោប្រវេសន៍បន្ទាប់ពីម៉ោងសិក្សានៅសាលារៀន ឬក្នុងអំឡុងពេលវិស្សមកាលដើម្បីផ្តល់ការគាំទ្រដូចជាការបង្រៀនតាមកម្មវិធីសិក្សា ឬការណែនាំលើការសម្របខ្លួនទៅនឹងជីវិតសិក្សានៅសាលារៀន។ អ្នកអាចចូលរួមក្នុងកម្មវិធីដោយដាក់ពាក្យស្នើសុំតាមរយៈសាលារៀន ឬមជ្ឈមណ្ឌលថែទាំកុមារក្នុងសហគមន៍។