Information Plus
Данури колл-орталығы
1577-1366
Отбасы туралы кеңес беру телефоны
1644-6621
한국생활안내 정보더하기 사이트로 이동
  • Корей отбасылық денсаулықты қолдау орталығы

Данури колл-орталығы : 1577-1366

가족상담전화 : 1644-6621

Сеул қаласы, Джуңгу, Туэгеро 173, 21-қабат, 24-қабат (Чуңму-ро 3-га, Намсан Сквер Билдинг)

Copyright ⓒ KOREA INSTITUTE FOR HEALTHY FAMILY. All Rights Reserved

이전 페이지로

Тамақтану этикеті

  • Басты бет
  • Кореяның мәдениеті мен тұрмысы
  • Тамақтану этикеті

Тамақтану этикеті

01Күнделікті тағамдар

Кәрістер бірге отырып тамақтанғанды және тамақты бөліскенді ұнатады. Әдетте қонақтарды шақырғанда, күнделікті тағамдарға қарағанда ерекше тағамдарды дайындауға тырысады. Корея тағамдары негізінен күріш, сорпа және қосымша тағамдардан тұрады. Сорпаға ұқсас тағамдарға таң және джиге жатады, ал қосымша тағамдар арасында намуль(жеуге болатын шөп пен тамырлар), буда пісірілген тағамдар, қуырылған, пісірілген, джон(шелпекке ұқсайтын тағам) және т.б. бар. Қосымша тағамдардың ішіндегі ең танымалы – кимчи. Күріштің орнына кеспе түрлері (куксу, нэңмён және т.б.), суджеби, ток(күріштен жасалған нан) және т.б. қолданылады. Екеуі де жұмыс істейтін ерлі-зайыптылардың саны көбейген сайын, сондай-ақ отбасылық құрылым өзгерген сайын бір адамға арналған тағамдар, дайын тағамдар мен жеткізу қызметтері де көп сұранысқа ие.

Назар аударыңыз!
Кәрістермен бірге тамақтану

Кәрістермен бірге отырып тамақтану – олармен жақындасып, араласудың оңай жолдарының бірі. Кәріс тағамдарына үйрену арқылы Кореяға тезірек бейімделуге болады. Кәріс тағамдарын біліп, танып, түсінсеңіз Корея мәдениетін де түсіне аласыз және Кореядағы өміріңізді одан әрі дамытып, ел тұрмысына тез үйреніп кетесіз.

Ішетін су

Кореяда суды сенімді түрде ішуге болады. Кәрістер тазартылған су(суға арналған кулер)дан шай қайнатып және оны салқындатып ішеді. Суды краннан ішу денсаулыққа зиян емес, бірақ көпшілігі суды қайнатып немесе тазартып ішеді. Кореяға алғаш келгенде суға үйренгенге дейін бірнеше күн асқазан ауыруы мүмкін. Көбіне бірнеше күннен кейін жақсарады, бірақ асқазан ауруы күшейсе, дәрігерге қаралған дұрыс. Тамақтану орындарында тегін су ішіп, қажет болса дүкендерден оңай сатып алуға болады.

02Кореяның негізгі тағамдары

(1)Күріш

Күрішті пісіріп дайындайды, кәрістердің күріші Оңтүстік-Шығыс Азияның күрішімен салыстырғанда жабысқақ болып келеді. Басында ас қорыту қиын болуы немесе асқазан аурулары пайда болуы мүмкін. Бір апта бойы тырыссаңыз, корей күрішіне үйреніп кетесіз.

  • 밥
    < Күріш >
Назар аударыңыз!
Пибимпаб

Күрішке намуль, сиыр еті, дәмдеуіштер қосылған, күнжіт майы мен кочуджаңмен араластырылған корейдің әйгілі тағамы. Белгілі аймақтың тағамы ретінде "Джонджу пибимпаб" танымал. Әлемге әйгілі жұлдыздардың сүйікті тағамы да осы.

  • 비빔밥
    < Пибимпаб >

(2)Кук(сорпа), таң, джиге, джонголь

Корейлер әдетте көкөністер, балық, ет қосылған сорпа тағамдарды күрішпен бірге жейді. Ингредиенттер мен дайындалу әдісіне байланысты ○○сорпа, ○○таң, ○○джиге, ○○джонголь деп аталады.

  • Пугокук: Қақталған минтайдан дайындалған сорпа. Бауырдың шаршауын және масаңдықты басуға көмектесетін сұйық тағам.
  • Коңнамулькук: Бұршақтың жұмсақ тамырлары – коңнамульдан дайындалған сорпа.
  • Миёккук: Теңіз капустасы – ламинария қосып пісірген сорпа
  • Соллоңтаң: Сиырдың етін қосып, ұзақ уақыт пісірілген сорпа немесе сол сорпамен күріштен жасалған тағам
  • Кальбитаң: Сиырдың қабырғасын ұзақ уақыт бойы қайнатып, соя соусы мен тұзбен дәмдеген, дәміне қарай кеспе қосып жейтін тағам
  • Камджатаң: Шошқа сүйектері мен картоп, көкөністерді бірге қайнатып дайындалған тағам.
  • Такпоккымтаң: Тауық етін және көкөністерді ащы дәмдеуіштермен араластырып пісірген тағам
  • Кимчиджиге : Кимчи мен шошқа етін бірге пісірген тағам
  • Тэнджаңджиге: Тэнджаң суына тофу, асқабақ, саңырауқұлақ, пияз сияқты ингредиенттерді қосып пісірген тағам
  • Пудэджиге : Кимчи, шұжық және әртүрлі көкөністерді бірге пісірген тағам
  • Доңтэ(Сэңтэ)джиге: Мұздатылған минтай(немесе жәй минтай) мен шалқан, тофу, асқабақ қосып пісірген балық сорпасы
  • Накджи джонголь : Ұсақталған сегізаяқ, көкөністер мен саңырауқұлақтарды қосып, сұйықты молынан құйып пісірген тағам
  • Тубу джонголь: Тофуды негізгі ингредиент ретінде алып, пияз, сәбіз, су ақжелкені, сиыр етін қосып, ет сорпасын құйып пісірген тағам.
  • 미역국
    < Миёккук >
  • 갈비탕
    < Кальбитаң >
  • 동태찌개
    < Доңтэджиге >
  • 김치찌개
    < Кимчиджиге >

(3)Кимчи

Кимчи – корейлер үшін әр тамақтану кезінде міндетті түрде дастарханға қоятын ең маңызды тағам болып табылады, ол дәмі мен қоректілігі, сақтау мүмкіндігі жағынан өте тиімді болып келеді. Шалқан, қырыққабат, қияр сияқты көкөністерді тұзға салып, кейінірек қызыл бұрыш, сарымсақ, пияз, имбирь, балық соусы сияқты дәмдеуіштер мен қосымша ингредиенттермен араластырып, дайындайды. Содан кейін, ыдыстың ауызын ауа кірмейтіндей етіп жауып, белгілі температурада белгілі уақытқа дейін қойып, ашытады. Қыста қырыққабат өспейді, сондықтан қараша айының соңы мен желтоқсанның басында кимчидің әр түрін көп етіп дайындайды. Кимчи дайындайтын кезді "кимджаң" деп атайды. Кимджаң кезінде жыл бойы желінетін кимчиді өте көп мөлшерде дайындайды, сондықтан әр отбасы жақын туыстарымен жиналып, барлығы қосылып бірге дайындау әдетке айналған.

  • 김치
    < Кимчи >

(4)Ет тағамдары

  • Пульгоги: Аздап тәтті және жағымды дәмі бар сиыр етін жұқа кесектерге турап, дәмдеуіштермен маринадтап, қуырған тағам
  • Кальби: Сиыр мен шошқаның қабырғаларын дәмдеуіштермен маринадтап, грильде қуырған тағам.
  • Самгёпсаль: Майлы шошқа етін табада қуырып, әртүрлі көкөністермен бірге жейтін тағам.
  • Таккальби: Ұсақталған тауық етін көкөністермен бірге қуырған, аздап ащы дәмді тағам.
  • Джеюкпоккым: Шошқа етін көкөністермен бірге қуырған тағам
  • 불고기
    < Пульгоги >
  • 갈비
    < Кальби >

(5)Балықтан жасалған тағамдар

  • Сэңсонхуе: Пісірілмеген балықты чокочуджаң немесе тэнджаң, соя соусы мен васаби сияқты дәмдеуіштермен бірге жейтін тағам
  • Грильдегі балық: Балыққа тек тұз себіліп, грильде қуырылған немесе дәмдеуіштермен дәмін келтірген тағам
  • Буға пісірілген балық: Балыққа дәмдеуіштер қосып, су құйып, қайнатып немесе буға пісіріп дайындалған тағам
  • Бұқтырылған балық: Балық пен көкөністерге соя соусы мен дәмдеуіштер қосып, ұзақ уақыт пісірген тағам.
  • Қуырылған кальмар: Кальмарды көкөністер мен ащы дәмдеуіштермен араластырып қуырған тағам.
  • 생선회
    < Сэңсонхуе >
  • 생선구이
    < Грильдегі балық >

(6)Жеуге оңай, жеңіл тағамдар

  • Рамён: Қысқа уақытта оңай пісіріп жеуге болатын әйгілі Instant тағам. Ащы, тұщы және т.б. әртүрлі дәмдері бар, ыстық су құйылса дайын болатын кеседегі рамён да бар.
  • Кимпаб: Кимге (нори) күріш, ұзынша туралған шалқан, шұжық (шошқа еті), жұмыртқа, сәбіз, қияр сияқты ингредиенттерді салып, орап жейтін тағам. Арзан әрі оңай түрде тамақтануға болатын тағам
  • Куксу (Лапша): Лапшаны сорпаға қосып немесе дәмдеуіштермен араластырып жейтін тағам.
  • Манду: Ет мандулары, кимчи мандулары, суда пісірілген манду, қуырылған манду сияқты түрлеріне байланысты ұннан жасалған қамырға ет, тофу, кимчи және т.б. ингредиенттерді салып, буға, суға пісіріп немесе қуырған тағам.
  • Ттокпокки: Гаре тток, ұннан жасалған ттокты белгілі бір ұзындықпен өлшеп кесіп, балық тортасымен және түрлі көкөністермен араластырып, әр түрлі дәмдеуіштермен қуырған тағам
  • Сундэ : Шошқа ішегіне вермишель салып, қан мен дәмдеуіштерді араластырып пісірген тағам
  • 라면
    < Рамён >
  • 김밥
    < Кимпаб >
  • 국수
    < Куксу >
  • 만두
    < Манты >
  • 떡볶이
    < Ттокпокки >
  • 순대
    < Сундэ >

(7)Мезгілдік жемістер

Кореяда жылдың төрт мезгілі бар. Әр мезгілде жаңа және дәмді жемістер көп шығады. Қазіргі таңда жылыжайда өсіру кеңінен таралған, мезгілге қарамастан, төрт мезгілдің жемістерін жеуге болады, бірақ жемістерді мезгілінде жеу ең пайдалы болып табылады. Егер шетелдік өз елінде жеген жемістерді қалайтын болса жеңілдікпен сатылатын дүкендерге не универмагтарға баруына болады.

  • Көктем: шие, құлпынай және т.б.
  • Жаз: қауын, шабдалы, қарбыз, қара өрік және т.б.
  • Күз: құрма, алмұрт, алма, зизифус, каштан, жүзім, т.б.
  • Қыс: мандарин, апельсин және т.б.
  • 딸기
    < Құлпынай >
  • 사과
    < Алма >
  • 귤
    < Мандарин >

03Дәмдеуіштер

  • Сарымсақ: Сыртында қабығы бар көкөніс. Дәмі өте ащы, бірақ қуырған кезде ащылығы азайып, тәтті дәм пайда болады. Дәмдеуіш ретінде пайдалану мақсатында ұнтақталып, хош иісті дәмдеуіш ретінде бүтін түрде де пайдаланылады.
  • Соя соусы: Тағамның дәмін келтіру үшін қолданылатын тұзды қара сұйық дәмдеуіш. Соя бұршағынан жасалған меджумен және тұзбен ашытылып дайындалады. Соя соусының екі түрі бар: сорпаға қосатын соус(джосон соя соусы, джин соя соусы) пен яңджо соя соусы. Сорпаға қосатын соя соусын сорпа немесе намульға қосып жейді, яңджо соя соусы салаттар мен балық тағамдарына қосылады, сондай-ақ тағамды батырып жегенде қолданылады.
  • Кочуджаң: Ащы дәм беретін дәмдеуіш. Ол қызыл бұрыш ұнтағы, меджу ұнтағы және тұздан жасалады. Меджу ұнтағының дәмді дәмі, қызыл бұрыштың ащылығы және тұздың тұзды дәмі қызыл бұрыш пастасының ерекше дәмін жасап шығарады.
  • Тэнджаң: Бұл бұршақтан жасалған меджу мен тұздан жасалған қою түрдегі дәмдеуіш. Көбінесе сорпаға қосылады.
  • Қант: тәтті ұнтақ - ақ, сары және қоңыр түстері болады.
  • 간장
    < Соя соусы >
  • 고추장
    < Кочуджаң >
  • 된장
    < Тэнджаң >
  • Сірке суы: Қышқыл дәм беретін сұйықтық, көбінесе сары түсті болады. Тамақ пісіретін маймен ұқсас, қаптамасында алма, күріштің (қоңыр күріш) суреттері бар.
  • Тұз: Тұзды дәм беретін ақ ұнтақ. Қантқа ұқсас болады, тамаққа қолданғанда шатастырып алу оңай.
  • MSG(моносодий глутамат): Тағамның негізгі ингредиенттеріне қосылып, тағамның дәмін күшейту және реттеуге арналған ұнтақ. Тағамның дәмін шығаруға көмектеседі, сыртқы түрі тұз бен қантқа ұқсас. Көп мөлшерде қосылса тағамның дәмін бұзып, денсаулыққа зиян келтіруі де мүмкін, сондықтан белгілі бір мөлшерде ғана пайдалану қажет.
  • Тамақ пісіретін май: Тағамды қуырып пісіргенде қолданылатын сары сұйықтық. Қаптамасында жүгері, жержаңғақ суреттері бар.
  • Күнжіт майы: Жағымды дәм беретін қоңыр сұйықтық. Күнжіттен жасалған май деп те аталады, сонымен қатар перилла тұқымының майы да бар.
  • Экджот: Балықты тұзға маринадтап дайындаған дәмдеуіш, анчоустан жасалған экджот, канария балығынан жасалған экджот және т.б. бар. Канария балығынан жасалған экджоттың дәмі Тайланд пен Вьетнам елдерінің тағамдарында қолданылатын балық соусына ұқсас болып келеді.
  • 설탕
    < Қант >
  • 소금
    < Тұз >
  • 조미료
    < MSG(моносодий глутамат) >
Бұл авторлық жұмыс “Қоғамдық Нури 4-ші түрі: дереккөзді көрсету + коммерциялық пайдалануға тыйым салу + өзгертуге тыйым салу” шарттарына сәйкес пайдалануға болады.
Алдыңғы мақала
Киіну мәдениеті
Келесі мақала
Тұрғын үй