Кореяда өмір сүру жөніндегі нұсқаулық

Шетел азаматтары елге келу мақсатына және алған визасының түріне байланысты жұмысқа орналасуға құқығы болуы мүмкін. Елге келіп, некеге отырған иммигранттар (F-6 визасы) визасын алып келген шетел азаматтарына заңды түрде жұмысқа орналасуға рұқсат етіледі.

Адам жұмысқа орналасардан бұрын ең алдымен, отбасы мүшелерімен бұл жұмыстың қажеттілігі, қандай жұмыс түрін таңдаған дұрыс болатыны және еңбекақыны қандай мақсаттарға жұмсайтыны жайлы талқылап алуы қажет.

Тұратын жерге ең жақын орналасқан жұмыспен қамту орталығы. Әйелдерді қайта жұмысқа тарту орталығы немесе көпмәдениетті отбасыларды қолдау орталығына барсаңыз, некеге отырған иммигранттар, басқа да шетелдіктер үшін жұмыс орындары туралы ақпарат ала аласыз.

Некеге отырған иммигранттар жұмысқа орналасқысы келген кезде интернетті қолдану өте ыңғайлы. Жұмыспен қамту қызметтерін ұсынатын көптеген мекемелердің интернет сайттары болады, сондықтан үйден шықпай-ақ интернет арқылы жұмыс табуға болады.

Сеул қаласы басқаратын сайт шетел азаматтарына арналған көрмелер, жұмыспен қамтуға қолдау көрсету, жұмысқа қабылдау туралы ақпаратты ағылшын және қытай тілдерінде ұсынады.

Жұмыспен қамту және еңбек министрлігі Кореяның жұмыспен қамту ақпараттық орталығы арқылы басқаратын портал сайты. Бұл сайтта жұмысқа қабылдау туралы ақпараттан басқа, кәсіби бағдар, кәсіби дайындық секілді барлық жұмысқа орналасу мүмкіндіктерін бір жерден табуға болады. Портал жеке адамның кәсіби тәжірибесін, білімі мен біліктілігін талдау үшін үлкен деректерді пайдаланады және жұмыс іздеушілерге ең қолайлы жұмыс орнын ұсынады. Ұсынылған жұмыс орындарына интернет арқылы тікелей өтінім жіберуге болады. Сондай-ақ, жасөспірімдер мен ересектердің кәсіби жоспар құруына көмек көрсету үшін сайтта кәсіби психологиялық тесттер, кәсіби ақпарат, оқу бағыттары және кәсіби кеңес беру қызметтері бар.

Бүкіл ел бойынша желісі бар бұл орталық жұмыс, әлеуметтік әл-ауқат және қаржылық қызметтер бойынша «тоқтамайтын» жалғастырылған көмек көрсетеді. Сайтта тұрғылықты жерге ең жақын орналасқан орталықтың веб-сайтына кіруге болады. Жұмыспен қамту және әлеуметтік әл-ауқат плюс орталығы некеге отырған иммигранттардың жұмысқа орналасуға деген ынтасын арттыру, жұмыс іздеу дағдыларын жетілдіру және әлеуметтік/қаржылық қызметтерге қол жеткізуді қамтамасыз ету мақсатында «Некеге отырған иммигрант әйелдерге арналған кәсіби бағдарлау бағдарламасы (WiCi)» сияқты әртүрлі кәсіби бағдарлау бағдарламаларын ұйымдастырады. Сонымен қатар, қысқа мерзімді топтық кеңес беру бағдарламалары, жұмысқа орналасу бойынша арнайы дәрістер сияқты қызметтерді ұсынады. Сұхбат кезінде жұмыс орындарына бару қиындықтарына тап болған иммигранттарға кеңесшілердің бірге еріп бару қызметі де қарастырылған.

Бұл мекеме әртүрлі кәсіби оқыту бағдарламаларын, бұрын жұмыс істеген әйелдерге кеңес беруді және жұмысқа орналасуға көмектесетін кешенді қолдау қызметтерін ұсынады.

Жергілікті әкімдіктер де тегін жұмыспен қамту қызметтерін ұсынады. (Жергілікті әкімдіктердің веб-сайттарын қараңыз).

Кәсіби дайындық — бұл жұмысқа орналасуды немесе жеке кәсіп ашуды қалайтын адамдарға қажетті кәсіби дағдылар мен қабілеттерді меңгеруге көмектесетін жүйе. Шетел азаматтары кәсіби дайындыққа қатысу үшін еңбек сақтандыруында сақтандырылған болуы керек. Некеге отырған иммигранттар еңбек сақтандыру тарихы болмаса да, бұл бағдарламадан көмек ала алады.

Бұл бағдарлама халықтың еңбек дағдыларын өмір бойы игеру және жақсарту үшін азаматтарға өз бетінше кәсіби дайындық курстарынан өтуге мүмкіндік беріп, оқыту шығындарын қаржыландыруды қамтамасыз етеді.

Кейбір ерекше жағдайларды қоспағанда, кез келген корей елінің азаматы бұл бағдарламаға қатысу үшін өтінім бере алады.

• Мемлекеттік қызметкерлер, жеке мектеп мұғалімдері, жылдық табысы 400 миллион воннан асатын жеке кәсіпкерлер, ірі кәсіпорындарда орташа айлық табысы 3 миллион воннан асатын қызметкерлер(45 жастан асқан), орташа айлық табысы 5 миллион воннан асатын ерекше жұмыс саласында жүрген қызметкерлер, оқуды бітіруге 2 жылдан астам уақыты қалған университет студенттері және т.б.