-
01Корея Республикасымен танысу
-
02Көпмәдениетті отбасылар мен шетелдіктерге арналған қолдау қызметтері
-
03Кореяда тұру және азаматтық алу
-
04Кореяның мәдениеті мен тұрмысы
-
05Жүктілік және бала күтімі
-
06Балаларға білім беру
-
07Денсаулық сақтау және медициналық қызмет
-
08Әлеуметтік қамсыздандыру жүйесі
-
09Жұмыспен қамту және еңбек
-
10Қосымша ақпарат
-
Бөлім таныстыру видеосы
-
FAQ
-
Отбасын қолдау орталықтары
-
Данури колл-орталығыны
-
Көші-қон негізіндегі жастарды қолдау қоры
-
Әйелдерді қайта жұмысқа тарту орталығы
-
Иммиграция·шетелдіктердің істері жөніндегі комитет пен кеңсе
-
Корей туризм агенттігі мен туризм туралы ақпарат
-
Кореядағы шетелдік елшіліктерінің байланыс нөмірлері
-
Жеке мәліметтерді қорғау туралы нұсқаулық
-
Данури колл-орталығы : 1577-1366
가족상담전화 : 1644-6621
Сеул қаласы, Джуңгу, Туэгеро 173, 21-қабат, 24-қабат (Чуңму-ро 3-га, Намсан Сквер Билдинг)
Copyright ⓒ KOREA INSTITUTE FOR HEALTHY FAMILY. All Rights Reserved
Бастауыш мектептегі білім беру
- Басты бет
- Балаларға білім беру
- Бастауыш мектептегі білім беру
Бастауыш мектептегі білім беру
Бастауыш мектепте оқу ұзақтығы – 6 жыл. Балалар алты жасқа толғаннан кейін келесі жылдың 1 наурызынан бастап бастауыш мектепке баруы керек (Кореяда бала дүниеге келген бойда 1 жаста деп есептеледі, келесі жылдың 1 қаңтарынан бастап 2 жасқа толады. Мысалы, 2016 жылғы 31 желтоқсанда туған бала 2017 жылғы 1 қаңтарда 2 жасқа толады.) Бірақ балалар 5 немесе 7 жасқа толғаннан кейінгі келесі жылы да мектепке бара алады. Бастауыш білім беру – міндетті және тегін білім болып табылады. Корея азаматтары балаларын бастауыш мектепке қабылдатып, мектепті бітіргенге дейін баруын қамтамасыз етуі керек. Егер ата-анасы балаларын мектепке жібермесе, оларға айыппұл салынуы мүмкін.
01Оқу бағдарламасы
Бастауыш мектептегі оқу бағдарламасы пәндік оқыту мен шығармашылық-тәжірибелік әрекеттерден тұрады және күнделікті өмір мен оқуға қажетті негізгі дағдылар мен қабілеттерді қалыптастыруды, сондай-ақ дұрыс адамгершілік қасиеттерді дамытуды мақсат етеді. 1 және 2-сынып оқушылары оқитын пәндерге корей тілі, математика, тәртіпті өмір, зерделі өмір және қуанышты өмір жатады. 3–6-сынып оқушылары корей тілі, қоғамтану/моральдық тәрбие, математика, жаратылыстану/практикалық өнер, дене тәрбиесі, өнер (музыка/бейнелеу өнері) және ағылшын тілін оқиды. Шығармашылық-тәжірибелік әрекеттер — оқушылардың оқу бағдарламасы аясында үйренгендерін іс жүзінде қолдануына және тәжірибе арқылы меңгеруіне арналған сыныптан тыс іс-шаралар. Таңдау және өзін-өзі басқару әрекеттері, үйірме жұмыстары мен кәсіби бағдарлау әрекеттері арқылы (ал 5 және 6-сыныптарда — таңдау әрекеттері, үйірме жұмыстары, еріктілік және кәсіби бағдарлау әрекеттері) оқушылар өз даралығын және қабілеттерін зерттеп, ашуға мүмкіндік алады, сондай-ақ қоғамдық өмірге қажетті базалық өмірлік дағдылар мен азаматтық жауапкершілікті қалыптастырады. Бастауыш мектептегі сабақ ұзақтығы — 40 минут. Әдетте, 1 және 2-сыныптарда күніне 4–5 сабақ, ал 3–6-сыныптарда 5–6 сабақ өтеді.
02Бастауыш мектепке қабылдау бойынша нұсқаулық
(1)Қабылдау (оқуға түсу) талаптарына сай келетіндер
Бастауыш мектепке қабылдау талаптары - жылдың 1 қаңтарынан 31 желтоқсанға дейінгі аралықта 6 жасқа толған балалар бастауыш мектепке қабылдау жасына жатады және келесі жылдың наурыз айында бастауыш мектепке бара алады.
Оқуға міндеттіліктен босатылғандар және т.б. өткен жылы оқуға қабылданбаған балалар қабылдау талаптарына кіреді, бірақ ерте қабылданып, қазір оқып жатқан балалар қабылдау тізімінен шығарылады. - 2022 оқу жылының жаңа оқушылары үшін: 2015 жылғы 1 қаңтар мен 31 желтоқсан аралығында туған балалар қабылданады
(2)Бастауыш мектепке қабылдау процедурасы
Бастауыш мектепке қабылдау процесі келесідей өтеді.
-
- Мектеп жасындағы бала
Оқушылар тізімін жасау
(10.31 дейін) - Ауылдық · ауыл әкімдігі
немесе
округтік әкімдік
- Мектеп жасындағы бала
-
- Ерте қабылдау,
қабылдауды кейінге қалдыру өтініші
(10.1～12.31) - Ата-аналар және т.б.
қамқоршылар
- Ерте қабылдау,
-
- Оқуға қабылдау туралы хабарлама
(12.20 дейін) - Ауылдық · ауыл әкімдігі
немесе
округтік әкімдік
- Оқуға қабылдау туралы хабарлама
-
- Алдын ала жиын
- Бастауыш мектеп
-
- Қабылдау (оқу жылының басталуы)
- Бастауыш мектеп
Мемлекеттік немесе жекеменшік бастауыш мектептерде бұл процедуралардан өтпей-ақ, оқушыларды тікелей мектепте таңдау жүзеге асырылады. Әр мектепте қабылдау уақыты әртүрлі болуы мүмкін. Сондықтан, егер балаңызды мемлекеттік немесе жекеменшік бастауыш мектепте оқытуды қаласаңыз, тікелей мектепке немесе мектептің веб-сайтына хабарласып, қабылдау туралы өтініш беру қажет.
- Мемлекеттік бастауыш мектептер дегеніміз Педагогикалық университет немесе Мұғалімдер дайындау университетінің жанындағы бастауыш мектептерді білдіреді, ал жекеменшік бастауыш мектептер туралы тұратын жеріңіздегі білім беру басқармасынан сұрап білуге болады.
(3)Ерте қабылдау және қабылдауды кейінге қалдыру
Егер ата-аналар балаларының мектепке ерте баруын немесе қабылдауды кейінге қалдыруын қаласа, жыл сайын 1 қазаннан 31 желтоқсанға дейін өз аумағындағы ауылдық, ауыл әкімдігі немесе округтік әкімдікке барып, өтініш беруі қажет.
Ерте қабылдау және қабылдауды кейінге қалдыру талаптары
- Ерте қабылдау : 1-айдың 1-ші күнінен 12-айдың 31-ші күніне дейін жасы 5 -ке толған балалар, егер бастауыш мектепке ерте қабылдауды қалайтын тұлға болса (1жыл ерте бастауыш мектепке қабылдануы мүмкін)
- 2022оқу жылы үшін ерте қабылдауға 2016 жылғы 1-айдың 1-ші күні ~ 12-айдың 31-ші күн аралығында туған балалар өтініш бере алады.
- Қабылдауды кейінге қалдыру : 1-айдың 1-ші күнінен 12-айдың 31-ші күніне дейін жасы 6-ға толған балалар бастауыш мектепке қабылдануды 1 жыл кейінге қалдыра алады.
- 2022 оқу жылына қабылдануды кейінге қалдырса 2015 жылдың 1 айының 1-ші күні ~ 12 айының 31-ші күні аралығында туылған балалар, 2022 оқу жылына (2022 жыл, 3 айдың 1-і күні бастауыш мектепке) қабылдана алады.
- Ерте қабылдау мен қабылдауды кейінге қалдыру туралы шешім ата-аналардың таңдауы негізінде қабылданады, сондықтан өтініш бермес бұрын мұқият ойлану қажет.
(4)Шетел азаматтығындағы балалардың қабылдануы
Кореяда бастауыш мектепке бару жасына жеткен балалар үшін азаматтығына немесе тұрақты тұру мәртебесіне қарамастан білім алу құқығы қамтамасыз етіледі.
Оқушының елден шығу және елге кіру туралы деректер немесе шетелдіктерді тіркеу туралы анықтама және білім туралы құжаттарды қоса тіркеп, оқушының тұрғылықты аймағындағы бастауыш мектеп директорына өтініш беруге болады.
- Білім туралы құжаттар: диплом, оқу туралы анықтама, үлгерім туралы анықтама және т.б.
- Көпмәдениетті отбасылардың ата-аналары үшін балаларды мектепке ауыстыру және мектепке қабылдау процесін түсіндіру мақсатында жасалған ‘Мен баламды мектепке жіберемін’ атты нұсқаулық кітапша 12 тілде қол жетімді. Көпмәдениетті білім беру порталы (www.edu4mc.or.kr) арқылы жүктеп алуға немесе көпмәдениетті отбасыларды қолдау орталығына хабарласуға болады.
03Мектепке қабылдауға дайындық
Баланың мектепке қабылдануы оның өміріндегі қуанышты әрі жауапты сәттердің бірі сондықтан ата-аналар баланың мектеп өміріне дайындалуына көмектесіп, мектепке баруды қуанышпен қарсы алуға бейімдеуі қажет.
- Киім (форма) :
- Баланың мектеп өмірінде қолайлы әрі қозғалысты шектемейтін жеңіл және белсенді киім киюін қамтамасыз етіңіз.
- Сөмке :
- Жеңіл және арқада тасымалдауға ыңғайлы, тым үлкен емес сөмке дайындаңыз. Қарапайым және таза дизайнды бар сөмкелерді таңдаған жөн.
- Қарындаш, қарындаш салатын пенал, өшіргіш :
- Қарапайым қарындаш пеналы ыңғайлы болып келеді, ойын құралдары бар пеналды қолданбаңыз. Бастапқыда 2B қарындашты қолдану ұсынылады, екі-үш қарындаш және бір өшіргіш жеткілікті. Механикалық қарындаштарды жоғары сыныптарда қолданған жөн.
- Дәптер :
- 1–2 сыныптарға арналған дәптерлерді дайындаңыз. Хабарландыру дәптері, жалпы дәптерлерді алдын ала дайындап, басқа дәптерлерді сынып жетекшісінің нұсқаулығымен алыңыз (мысалы, жазу, хабарландыру, жалпы дәптерлер).
- Мелки мен түрлі-түсті қарындаштар :
- 1 сыныпқа арналған 12 түсті бояулар жеткілікті.
- Аяқ киім дорбасы және мектепте киетін аяқ киім :
- Аяқ киім дорбасы спорттық аяқ киім сыятындай болғаны жөн, ал мектеп ішінде киетін аяқ киім ақ, қызғылт, ашық көк сияқты әртүрлі түстерде болуы мүмкін. Жүруге ыңғайсыз немесе тым үлкен аяқ киімнен аулақ болу керек және оларды аяқ киім дүкенінен немесе мектеп жанындағы кеңсе тауарлары дүкенінен сатып алуға болады (мектеп ішінде киетін аяқ киімді кабинетке қоюға болатын болса аяқ киім дорбасы қажет емес)
- Мектеп атауын жаттап, айта білу
- Отбасы мүшелерінің, өз есімін жаза білу
- Дауысты және дауыссыз дыбыстарды жаттау
- Негізгі сандарды білу (1-ден 10-ға дейін)
- Қарындаш, бояу қарындаштары, қайшы, өшіргішті қолдануды игеру
- Түрлі-түсті қарындаштармен шеңбер, көлденең және тік сызықтар сызуды үйрену
- Түстердің аттарын білу
- Өзіне тиесілі заттарды басқалардың заттарынан ажырата білу
- Үй мекенжайы мен телефон нөмірін білу, қоңырау шалу, қоңырауға жауап беруді игеру
- Тамақтану кезіндегі негізгі әдептілік ережелерін білу
04Мектептегі алғашқы күндерге бейімделу бойынша нұсқаулық
Мектепке деген жақсы әсер қалыптастыру
- Мектептен қорқатын балаларға арналған. Осындай балаларға мектепке алдын ала келіп 1 -сыныптың сыныбын көруге немесе мектептің әртүрлі жерлерін аралап, мектептің қызықты орын екенін түсіндіруге болады.
- Мектепте белгілі бір ережелерді сақтау қажет екенін алдын ала айтып беру.
- Көптеген достар, аға, әпкелермен кездесетін орын екенін түсіндіру.
Мұғалім – мектепте көмектесетін адам
- Мектепте мұғалім білгің келетінді және білуің керек нәрселерді үйрететін адам деп айтылады.
- Мұғалімге ұнайтын оқушының мінез-құлқы туралы айтып беріңіз (мысалы, ережелерді сақтайтын, уәдесін орындайтын оқушы).
Өз ісін өзі атқару
- Балаға заттардың тізімін беріп, оларды кезекпен сөмкеге салып, оқу құралдарын және мектеп сөмкесін ретке келтіруді үйретіңіз (мысалы, жуыну, өз заттарын жинақтау, дәретхананы дұрыс пайдалану).
Денсаулықты сақтау
- Ауыз, көз, мұрын, құлақ және т.б. жағдайын алдын ала тексеріп, қажет болса емдеңіз.
- Егер баланың ерекше тағамға аллергиясы немесе белгілі бір ауруы болса, бұл туралы сынып жетекшісіне алдын ала хабарлаңыз (мысалы, сүт аллергиясы, атопия, ішек ауруы және т.б.).
Қауіпсіздік шаралары
- Мектепке жаяу барған дұрыс, және қатынау жолын алдын ала мұқият тексеру керек.
- Қауіпсіз қатынау үшін оң жақпен жүру, жаяу жүргіншілер өткелін, бағдаршам белгілерін түсіну қажет.
- Автобусқа кезекпен мінуді қадағалау.
- Автобустан түскен кезде автобустың алды мен артынан өтуге болмайды.
- Егер үсті немесе жерасты өткел болса, сол өткелдерді пайдаланып, жолды кесіп өту қажет.
- Жаяу жүргіншілер өткелінде жүгірмеу керек.
- Егер жол қозғалысын реттеуші болса, оның нұсқауларына бағыну қажет.
- Жолдан өте бастаған кезде бағдаршам белгісі өзгерсе, кері қайтып күту қажет. Егер өткелдің ортасынан асып кетсеңіз, тез өтіп кету керек.
Ресми сабақтан тыс уақытта ата-аналардың орнына сабақтан кейінгі күтім және білім беру қызметтері көрсетіледі. Сабақтан кейін мектеп тарапынан (бастауыш мектептің Ныльбом сыныбы), аймақтық балалар орталықтары, жасөспірімдерге арналған сабақтан кейінгі академия, Тахамкке Тольбом орталығы, сабақтан кейінгі күтім (балаларға күтім жасау мекемесі) жақтан балаларға сабақтан кейінгі білім беру, іс-шаралар және үй тапсырмасын орындауда көмек көрсетіледі. Экономикалық жағдайы төмен отбасылар кеңес алу арқылы осы мекемелерді тегін пайдалана алады.
| Бөлім | Білім министрлігі | Денсаулық сақтау және әлеуметтік даму министрлігі | Әйелдер және отбасы министрлігі | ||
|---|---|---|---|---|---|
| Мектеп | Ныльбом мектебі ※’24~’25жылдары негізгі қолдау көрсетілетін сыныптарға жатпайтын сыныптарға да сабақтан кейінгі және күтім қызметтерінің бұрынғы деңгейінде қолдау көрсетіледі | Тахамкке Тольбом | Аймақтық балалар орталығы | Жасөспірімдерге арналған сабақтан кейінгі академия | |
| Қолдау алушылар | Қалаған бастауыш мектеп оқушылары ※ Жыл сайынғы кезең бойынша негізгі қолдау алушылар (’24) 1-сынып → (’25) 1–2 сыныптар → (’26) барлық бастауыш сынып оқушылары | 6-дан 12 жасқа дейін | 18 жасқа дейін | 4-сыныптан бастап орта мектептің 3-сыныбына дейінгі оқушылар | |
| Қолдау критерийлері (табыс) | Қалаған бастауыш мектеп оқушылары (жоқ) | Еңбекке қабілетті екі ата-анасы бар отбасылар басымдыққа ие (жоқ) | Әлеуметтік осал топтарға басымдық беріледі (Орташа табыстың 100%-нан төмен) | Күтімге мұқтаж осал топтарға басымдық беріледі | |
| Қолдау түрі | (’24) 1-сыныпқа арналған арнайы бағдарлама: күн сайын 2 сағат тегін қызмет (’25) 1–2 сыныптар | қызмет ақысын өзі төлеу (Бағдарламаға қатысу үшін айына 100 мың вон шегінде, ал жеңіл тамақтану шығындары бөлек төленеді) | Тегін (Табыс деңгейіне қарай айына 50 мың вонға дейін төлеу) | Тегін | |
| Жұмыс уақыты | Оқу кезеңі | Таңертеңгі сабақ алдындағы уақыт және сабақтан кейін қалаған уақытқа дейін (ең ұзақ 20:00-ге дейін) | 14~19 сағ | 14~19 сағ | Сабақтан кейін ~ 21:00 сағ |
| Демалыс кезеңі | Жағдайға байланысты еркін кесте | 09~18 сағ | 12-17 сағ аралығында 8 сағат жұмыс | Жағдайға байланысты еркін кесте | |
| Қолдау мазмұны | Сапалы және жеке қажеттіліктерге сәйкес бағдарлама ұсыну | Сабақтан кейінгі күтім, бағдарлама қолдауы және т.б. | Қорғаныс, білім беру, мәдениет, эмоционалдық қолдау, қоғаммен байланыс және т.б. | Тәжірибелік іс-шаралар, қосымша оқу қолдауы, тамақтану және кеңес беру қызметтері | |
Е оқу орталығы сайты бастауыш 1-сыныптан бастап ∼ орта мектептің 3-сыныбына дейінгі оқу бағдарламасына сәйкес пәндік оқу контенті, оқу-әдістемелік материалдар, бағалау сұрақтары және басқа да ресурстарды тегін ұсынады. Оқушылар кез келген уақытта, кез келген жерде өз бетімен оқи алады, ал мұғалімдер онлайн сынып ашып, оны онлайн және офлайн сабақтарда қолдана алады.
