Information Plus
ဒါနူရီကောလ်စင်တာ
1577-1366
မိသားစုဆွေးနွေးမှုဖုန်းနံပါတ်
1644-6621
한국생활안내 정보더하기 사이트로 이동
  • ကိုရီးယားကျန်းမာပျော်ရွှင်မိသားစုကမ္ဘာပရိုမိုးရှင်းစင်တာ

ဒါနူရီကောလ်စင်တာ : 1577-1366

가족상담전화 : 1644-6621

ဆိုးလ် ဂျွန်းဂူ ထွယ်ဂရဲရို 173၊ 21လွှာ၊ 24လွှာ(ချွန်းမူရို 3ဂါ၊ NAMSAN SQUARE building)

Copyright ⓒ KOREA INSTITUTE FOR HEALTHY FAMILY. All Rights Reserved

이전 페이지로

ပွဲတော်နှင့် အစိုးရရုံးပိတ်ရက်

  • ပင်မစာမျက်နှာ
  • ကိုရီးယားသမ္မတနိုင်ငံအကြောင်း မိတ်ဆက်
  • ပွဲတော်နှင့် အစိုးရရုံးပိတ်ရက်

ပွဲတော်နှင့် အစိုးရရုံးပိတ်ရက်

01ပွဲတော်

ကိုရီးယား၌ အခါကြီးရက်ကြီးနှင့် ရာသီအလိုက် ပွဲတော်များ ရှိပါသည်။ ကိုရီးယားပြက္ခဒိန်တွင် အနောက်တိုင်းနှင့် ရိုးရာပြက္ခဒိန်ရက်များကို အတူတကွ ဖော်ပြ အသုံးပြုကြပါသည်။ အခါကြီးရက်ကြီးနှင့် ရာသီအလိုက် ပွဲတော်များကို များသောအားဖြင့် ရိုးရာပြက္ခဒိန်ရက်များဖြင့် အတည်ပြု ကျင်းပလျက် ရှိပါသည်။

  • 세배
    < နှစ်သစ်ကူး ကန်တော့ခြင်း >
  • 떡국
    < တော့ဂု >
  • 송편
    < ဆုန်းဖြောင်း >
နှစ်သစ်ကူးနေ့(ရိုးရာပြက္ခဒိန် 1လပိုင်း 1ရက်)
  • ⦁အဓိပ္ပါယ် : ရိုးရာပြက္ခဒိန်အရ နှစ် တစ်နှစ် စတင်သည့် နေ့
  • ⦁အစားအသောက် : တော့ဂု၊ ဖက်ထုပ်
  • ⦁ဆောင်ရွက်သည့် ကိစ္စများ : အဝတ်အစားသစ်(ဆောလ်ဘင်း) ဝတ်ဆင်ခြင်း၊ ကန်တော့ခြင်း(လူကြီးသူမများအား ကန်တော့ခြင်း)နှင့် ဘိုးဘေးများ အုတ်ဂူသို့ သွားရောက်ခြင်း(ဘိုးဘေးများ ထားရှိသည့် နေရာသို့ သွားခြင်း)၊ ယုနိုးရီ(ရိုးရာ အံစာတုံးပစ်ကစားခြင်း)
  • နှစ်သစ်ကူးအကြိုနေ့၊ နှစ်သစ်ကူးနေ့၊ နှစ်သစ်ကူးပြီးနောက်နေ့(ရိုးရာပြက္ခဒိန် 12လပိုင်း နောက်ဆုံးရက်၊ 1လပိုင်း 1ရက်၊ 2ရက်)တို့သည် အစိုးရရုံးပိတ်ရက် ဖြစ်သည်။
ကောက်သစ်စားပွဲတော်(ရိုးရာပြက္ခဒိန် 8လပိုင်း 15ရက်နေ့)
  • ⦁ အဓိပ္ပါယ် : တစ်နှစ်တာ စိုက်ပျိုးရေးအတွက် ကျေးဇူးတင်သည့်နေ့
  • ⦁အစားအသောက် : ပေါ်ဦးပေါ်ဖျား ကောက်ပဲသီးနှံများ(ဆောင်းဦးရာသီတွင် အသစ်ထွက်သည့် ကောက်ပဲသီးနှံများ)နှင့် ဆုန်းဖြောင်း
  • ⦁ဆောင်ရွက်သည့် ကိစ္စများ : ဘိုးဘေးများအား ကန်တော့ပြီး ဘိုးဘေးများအုတ်ဂူ ရှိရာသို့ သွားရောက်ခြင်း၊ လထွက်သည်ကို ကြည့်ခြင်း၊ ဝိုင်းကြီးပတ်ပတ်ကစားခြင်း။
  • ကောက်သစ်စားပွဲအကြိုနေ့၊ ပွဲတော်နေ့၊ ပွဲတော်ပြီးနောက်နေ့ (ရိုးရာပြက္ခဒိန် 8လပိုင်း 14ရက်၊ 15ရက်၊ 16ရက်)တို့သည် အစိုးရရုံးပိတ်ရက်ဖြစ်သည်။

02အစိုးရရုံးပိတ်ရက်

1လပိုင်း 1ရက် :
အနောက်တိုင်းပြက္ခဒိန် နှစ်သစ်စတင်သောနေ့
ဆမ်းမီးလ်ဂျော်လ်(အနောက်တိုင်းပြက္ခဒိန် 3လပိုင်း 1ရက်နေ့) :
ဂျပန်ခေတ်မှာ လွတ်လပ်ရေးပေးရန် တောင်းဆိုပြီးနောက် 1919ခုနှစ် 3လပိုင်း 1ရက်နေ့မှ စတင်ကာ တစ်နိုင်ငံလုံး အင်အားဖြင့် လွတ်လပ်ရေးလှုပ်ရှားမှုများ လုပ်ခဲ့သည်ကို အမှတ်ရစေသည့်နေ့
ဘုရားဖွားမြင်တော်မူသောနေ့(ရိုးရာပြက္ခဒိန် 4လပိုင်း 8ရက်နေ့) :
ဗုဒ္ဓဘုရား ဖွားမြင်တော်မူသောနေ့
ကလေးများနေ့(အနောက်တိုင်းပြက္ခဒိန် 5လပိုင်း 5ရက်နေ့) :
ကလေးများ၏ ဖြစ်တည်မှုကို တန်ဖိုးထားပြီး၊ ကလေးများ ပျော်ရွှင်စေရန် သတ်မှတ်ပေးထားသည့် အမှတ်တရနေ့
အာဇာနည်နေ့(အနောက်တိုင်းပြက္ခဒိန် 6လပိုင်း 6ရက်နေ့) :
ကိုရီးယားစစ်ပွဲတွင် ပါဝင်တိုက်ပွဲဝင်ခဲ့ကြသူများ အပါအဝင် နိုင်ငံအတွက် အသက်ပေးသွားခဲ့သူများကို လွမ်းဆွတ်သတိရသောနေ့
လွတ်လပ်ရေးနေ့(အနောက်တိုင်းပြက္ခဒိန် 8လပိုင်း 15ရက်နေ့) :
1945ခုနှစ် 8လပိုင်း 15ရက်နေ့၊ ဂျပန်လက်အောက်မှ လွတ်မြောက်ပြီး လွတ်လပ်ရေးရခဲ့သည့်နေ့
  • 현충일 기념 묘역 참배
    < အာဇာနည်နေ့ စစ်သင်္ချိုင်းတွင် အလေးပြုကန်တော့ခြင်း >
နိုင်ငံတည်ထောင်သောနေ့(အနောက်တိုင်းပြက္ခဒိန် 10လပိုင်း 3ရက်နေ့) :
ကိုရီးယားလူမျိုးတို့၏ ရှေးအကျဆုံး ဘိုးဘေးဖြစ်သည့် ဒန်းဂွန်းမှ နိုင်ငံတော် တည်ထောင်ခဲ့သည့် နေ့ကို အမှတ်ရစေသောနေ့။ ဂယ်ချောင်းဂျော်လ်ဆိုသည်မှာ ကောင်းကင်တံခါး ပွင့်သော နေ့ဟူသည့် အဓိပ္ပါယ်ဖြစ်သည်။
ကိုရီးယားအက္ခရာစာလုံးများနေ့(အနောက်တိုင်းပြက္ခဒိန် 10လပိုင်း 9ရက်နေ့) :
ဆယ်ဂျုံးဘုရင်ကြီးမှ ကိုရီးယားအက္ခရာစာလုံးများကို အများပြည်သူရှေ့ ချပြခဲ့ခြင်းကို အမှတ်ရစေပြီး၊ ကိုရီးယားအက္ခရာစာလုံးများအား သုတေသနပြုခြင်း၊ အများပြည်သူများ အသုံးပြုနိုင်ရေး စီစဉ်နိုင်ရန် သတ်မှတ်ခဲ့သည့်နေ့
ခရစ္စမတ်နေ့(အနောက်တိုင်းပြက္ခဒိန် 12လပိုင်း 25ရက်နေ့) :
ယေရှုခရစ်တော် မွေးဖွားသည့်နေ့
တနင်္ဂနွေနေ့
ယာယီအစိုးရရုံးပိတ်ရက် :
သမ္မတ၊ လွှတ်တော်အမတ်စသည့် ရွေးကောက်ပွဲ ကျင်းပသည့်နေ့များ၊ အစိုးရရုံးပိတ်ရက်နှင့် အခါကြီးရက်ကြီး ပိတ်ရက်များ ထပ်သွားခြင်းစသည့် အကြောင်းပြချက်ဖြင့် အစိုးရမှ ယာယီအနေနှင့် သတ်မှတ်ပေးသော ပိတ်ရက်
  • 강화도 마니산에서 진행된 개천절 행사
    < ကိုရီးယားအက္ခရာစာလုံး တီထွင်ခဲ့သည့် ဆယ်ဂျုံးဘုရင်ကြီး ရုပ်တု >
အရင်းအမြစ်
အဆိုပါ လမ်းညွှန်စာအုပ်သည် “ဂုံးဂုံးနူရီ ပုံစံ 4 : အရင်းအမြစ်ဖော်ပြရန်+ကိုယ်ကျိုးအတွက် အသုံးပြုခြင်း မပြုရ+ပြောင်းလဲဖော်ပြခြင်း မပြုရ” သတ်မှတ်ချက်များပေါ် မူတည်ပြီး အသုံးပြုနိုင်ပါသည်။
အရင်အကြောင်းအရာ
ငွေကြေး
နောက်အကြောင်းအရာ
နိုင်ငံခြားသွေးနှောမိသားစုနှင့် နိုင်ငံခြားသား ပံ့ပိုးရေး ဝန်ဆောင်မှု