-
01ကိုရီးယားသမ္မတနိုင်ငံအကြောင်း မိတ်ဆက်
-
02နိုင်ငံခြားသွေးနှောမိသားစုနှင့် နိုင်ငံခြားသား ပံ့ပိုးရေး ဝန်ဆောင်မှု
-
03နေထိုင်ခွင့်နှင့် နိုင်ငံသားခံယူခြင်း
-
04ကိုရီးယားယဉ်ကျေးမှုနှင့် လူနေမှုဘဝ
-
05ကိုယ်ဝန်ဆောင်ခြင်းနှင့် ကလေးပြုစုခြင်း
-
06သားသမီးပညာရေး
-
07ကျန်းမာရေးနှင့် ဆေးဝါးကုသမှု
-
08လူမှုရေးအာမခံချက်စနစ်
-
09လုပ်ငန်းခွင်ဝင်ခြင်းနှင့် အလုပ်လုပ်ခြင်း
-
10နောက်ဆက်တွဲ
-
Chapter မိတ်ဆက်ဗွီဒီယို
-
FAQ
-
မိသားစုစင်တာ လက်ရှိအခြေအနေ
-
ဒါနူရီကောလ်စင်တာ လက်ရှိအခြေအနေ
-
ရွှေ့ပြောင်းနေထိုင်မှု နောက်ခံရှိသော လူငယ်များ အထောက်အကူပြုဖောင်ဒေးရှင်း
-
အမျိုးသမီး saeilစင်တာ(အလုပ်သစ်စတင်ရေးစင်တာ) လက်ရှိအခြေအနေ
-
လဝက၊ နိုင်ငံခြားသားရေးရာဌာနနှင့် လဝက၊ နိုင်ငံခြားသားရေးရာရုံး
-
ကိုရီးယားခရီးသွားအဖွဲ့အစည်း ခရီးသွားလမ်းညွှန်
-
ကိုရီးယားနိုင်ငံဆိုင်ရာ နိုင်ငံခြားသံရုံး ဖုန်းနံပါတ်များ
-
ပုဂ္ဂိုလ်ရေးအချက်အလက်များ ကာကွယ်ထိန်းသိမ်းရေး လမ်းညွှန်
-
ဒါနူရီကောလ်စင်တာ : 1577-1366
가족상담전화 : 1644-6621
ဆိုးလ် ဂျွန်းဂူ ထွယ်ဂရဲရို 173၊ 21လွှာ၊ 24လွှာ(ချွန်းမူရို 3ဂါ၊ NAMSAN SQUARE building)
Copyright ⓒ KOREA INSTITUTE FOR HEALTHY FAMILY. All Rights Reserved
Dim
နိုင်ငံခြားသွေးနှောမိသားစုနှင့် နိုင်ငံခြားသားများ အထောက်အကူပြုဌာန
- ပင်မစာမျက်နှာ
- နိုင်ငံခြားသွေးနှောမိသားစုနှင့် နိုင်ငံခြားသား ပံ့ပိုးရေး ဝန်ဆောင်မှု
- နိုင်ငံခြားသွေးနှောမိသားစုနှင့် နိုင်ငံခြားသားများ အထောက်အကူပြုဌာန
နိုင်ငံခြားသွေးနှောမိသားစုနှင့် နိုင်ငံခြားသားများ အထောက်အကူပြုဌာန
ဒါနူရီကောလ်စင်တာ ☎1577-1366(နိုင်ငံခြားသွေးနှောမိသားစု အထွေထွေအချက်အလက် ကောလ်စင်တာ)၊ နိုင်ငံခြားသွေးနှောမိသားစု အထောက်အကူပြုစင်တာ၊ နိုင်ငံခြားသားအလုပ်သမားများ အထောက်အကူပြုစင်တာ စသည်တို့သည် အစိုးရ အထောက်အပံ့ စသည်တို့ဖြင့် လည်ပတ်နေပါသည်။ အခြားသောဒေသ သို့မဟုတ် ပုဂ္ဂလိကအဖွဲ့အစည်းများမှ ဖွင့်ထားသော နိုင်ငံခြားသွေးနှောမိသားစုနှင့် နိုင်ငံခြားသားများ အထောက်အကူပြုဌာနများလည်း ရှိပါသည်။ နိုင်ငံခြားသွေးနှောမိသားစုနှင့် နိုင်ငံခြားသားများ အများစု နေထိုင်လျက်ရှိသော ဂယောင်ဂီဒို အန်ဆန်းမြို့တွင် နိုင်ငံခြားသားစင်တာ တည်ထောင်ထားပြီး အမျိုးမျိုးသော ရုံးကိစ္စများအား ဝန်ဆောင်မှုပေးလျက်ရှိပါသည်။ ထို့အပြင် ရပ်ကွက်ရုံး၊ ဒေသယဉ်ကျေးမှုစင်တာ စသည့် ကိုရီးယားလူမျိုးများအတွက် ဝန်ဆောင်မှုပေးနေသည့် ဌာနများတွင်လည်း နိုင်ငံခြားသွေးနှောမိသားစုနှင့် နိုင်ငံခြားသားများအတွက် ဝန်ဆောင်မှုများ ပေးလျက်ရှိပါသည်။
01ဒါနူရီကောလ်စင်တာ ☎1577-1366
- ပြည်တွင်း၌ နေထိုင်နေသည့် ကိုရီးယားလူမျိုးနှင့် လက်ထပ်ထားသူများ၊ နိုင်ငံခြားသွေးနှောမိသားစုများအတွက် ကိုရီးယားလူနေမှု အထောက်အကူပြု အချက်အလက်များ ပေးပို့ခြင်း၊ အခက်အခဲများ ဆွေးနွေးတိုင်ပင်ပေးခြင်းနှင့် အရေးပေါ်ထောက်ပံ့ပေးခြင်း၊ လူနေမှုဆိုင်ရာ စကားပြန်ပေးခြင်းနှင့် 3ပွင့်ဆိုင် ဖုန်းပြောပေးခြင်းတို့ကို ကူညီပေးသည့် ဝန်ဆောင်မှုဖြစ်ပါသည်။
- ဘာသာစကား 13မျိုး*ဖြင့် သက်ဆိုင်ရာ နိုင်ငံ၏ ရွှေ့ပြောင်းနေထိုင်သူ အမျိုးသမီးဆိုင်ရာ ဆွေးနွေးမှု ကျွမ်းကျင်ဝန်ထမ်းနှင့် မိခင်ဘာသာစကားဖြင့် အဆင်ပြေစွာ ဖုန်းပြောပြီး ဆွေးနွေးမှု လုပ်နိုင်ပါသည်။
- ကိုရီးယား၊ အင်္ဂလိပ်၊ တရုတ်၊ ဗီယက်နမ်၊ တဂ္ဂလော့ (ဖိလစ်ပိုင်)၊ ခမာ(ကမ္ဘောဒီယား)၊ မွန်ဂို၊ ရုရှား၊ ဂျပန်၊ ထိုင်း၊ လာအို၊ ဥဇဘက်၊ နီပေါ ဘာသာစကားတို့ဖြင့် ဆွေးနွေးပေးလျက် ရှိပါသည်။
- အိမ်တွင်းအကြမ်းဖက်မှု၊ လိင်အကြမ်းဖက်မှု စသည်တို့ကြောင့် နစ်နာသူအတွက် အရေးပေါ် ဆွေးနွေးခြင်းနှင့် စောင့်ရှောက်မှု လိုအပ်ပါက 365ရက် 24နာရီ အသုံးပြုနိုင်ပြီး၊ နိုင်ငံခြားသွေးနှောမိသားစုတွင် အခက်အခဲကြုံခြင်း၊ အချက်အလက်များ လိုအပ်ပါက လူနေမှုဆိုင်ရာ ဆွေးနွေးခြင်းအပြင် နိုင်ငံသား၊ နေထိုင်မှု ပြဿနာများ စသည်တို့ ဆွေးနွေးခြင်းနှင့် တရားရုံးတွင် ထွက်ဆိုသည့်အခါ စကားပြန်၊ ဘာသာပြန် စသည့် အမျိုးမျိုးသော ဝန်ဆောင်မှုများ ရယူနိုင်ပါသည်။
- ဆွေးနွေးပြီးနောက် ပြဿနာ ဖြေရှင်းနိုင်ရန် သက်ဆိုင်ရာ ဌာန(နိုင်ငံအနှံ့ရှိ နိုင်ငံခြားသွေးနှောမိသားစု အထောက်အကူပြုစင်တာ၊ အိမ်တွင်းအကြမ်းဖက်မှု ဆွေးနွေးမှုစင်တာ၊ အိမ်တွင်းအကြမ်းဖက်ခံရသူ စောင့်ရှောက်ရေးနေရာ၊ ရဲ၊ ရှေ့နေ၊ ဆေးရုံ၊ အမျိုးသမီးအဖွဲ့အစည်း၊ လူမှုဖူလုံရေးအဖွဲ့အစည်း၊ နိုင်ငံအနှံ့ ဆေးရုံတွင်းရှိ ဟယ်ဗာရာဂီစင်တာ စသည်)များနှင့် ချိတ်ဆက်ပေးခြင်းများ ဆောင်ရွက်ပေးပါသည်။
- ဆွေးနွေးမှု ပြုလုပ်ခဲ့သည့် အကြောင်းအရာ အားလုံးကို လျှို့ဝှက်ထားမည် ဖြစ်ပြီး ကိုယ်ရေးအချက်အလက်များ ပေါက်ကြားမှု မရှိစေရန် ဆောင်ရွက်လျက်ရှိပါသည်။
(1)ဝန်ဆောင်မှု အကြောင်းအရာများ
| အမျိုးအစား | အကြောင်းအရာ |
|---|---|
| ဘုံတူညီချက်များ |
|
| အရေးပေါ်အခြေအနေ၊ အကြမ်းဖက်ခံရမှုဆိုင်ရာ ဆွေးနွေးခြင်းနှင့် အရေးပေါ် အကူအညီပေးရေး ဝန်ဆောင်မှုများ ချိတ်ဆက်လှုပ်ရှားမှု |
|
| လူနေမှုဆိုင်ရာ အချက်အလက်များ ပေးပို့ခြင်း |
|
| လူနေမှုဆိုင်ရာ စကားပြန်ပေးခြင်းနှင့် 3ပွင့်ဆိုင် ဖုန်းပြောခြင်း ဝန်ဆောင်မှု |
|
(2)အသုံးပြုနည်း
ဖုန်းဖြင့် ဆွေးနွေးခြင်း(3ပွင့်ဆိုင် ဖုန်းပြောနိုင်ခြင်း)
- အသုံးပြုနိုင်သည့် အချိန် : 365ရက် 24နာရီ၊ အချိန်မရွေး ☎1577-1366ကို နှိပ်ပြီး ခေါ်ဆိုနိုင်ခြင်း
- ဝန်ဆောင်မှု ရနိုင်သည့် ဘာသာစကားများ : ကိုရီးယား၊ အင်္ဂလိပ်၊ တရုတ်၊ ဗီယက်နမ်၊ တဂ္ဂလော့ (ဖိလစ်ပိုင်)၊ ခမာ(ကမ္ဘောဒီယား)၊ မွန်ဂို၊ ရုရှား၊ ဂျပန်၊ ထိုင်း၊ လာအို၊ ဥဇဘက်၊ နီပေါ ဘာသာစကားများ
အွန်လိုင်း ဆွေးနွေးမှု
- 1 ဒါနူရီ ဟုမ်းပေ့ချ်
- www.liveinkorea.kr
- အသုံးပြုနည်း : Quick Menu → အွန်လိုင်း ဆွေးနွေးမှု
- 2 ကိုရီးယား ကျန်းမာပျော်ရွှင် မိသားစုကမ္ဘာစင်တာ ဟုမ်းပေ့ချ်
- www.kihf.or.kr
- အသုံးပြုနည်း : ပြည်သူ့အသံ → အွန်လိုင်း ဆွေးနွေးမှု
- 3 ဝန်ဆောင်မှု ရနိုင်သည့် ဘာသာစကားများ : ကိုရီးယား၊ အင်္ဂလိပ်၊ တရုတ်၊ ဗီယက်နမ်၊ တဂ္ဂလော့ (ဖိလစ်ပိုင်)၊ ခမာ(ကမ္ဘောဒီယား)၊ မွန်ဂို၊ ရုရှား၊ ဂျပန်၊ ထိုင်း၊ လာအို၊ ဥဇဘက်၊ နီပေါ ဘာသာစကားများ
အိမ်အရောက်ဆွေးနွေးမှုနှင့် လူချင်းတွေ့ဆုံဆွေးနွေးမှု
- အိမ်အရောက်ဆွေးနွေးမှု : ဒါနူရီကောလ်စင်တာ ဆွေးနွေးပေးသူမှ ကိုယ်တိုင် အိမ်အရောက် လာပြီး ဆွေးနွေးပေးခြင်း
- လူချင်းတွေ့ဆုံဆွေးနွေးမှု : ဒါနူရီကောလ်စင်တာသို့ လူကိုယ်တိုင်လာရောက်ပြီး ဆွေးနွေးခြင်း
- အသုံးပြုနည်း : ဆွေးနွေးပေးသည့် ဝန်ထမ်းနှင့် အချိန် ညှိနှိုင်းပြီးနောက် ကြိုတင်ချိန်းဆိုမှု ယူရန်
အရေးပေါ်ရှောင်နေရန်နေရာ
- အသုံးပြုနိုင်သည့် အချိန် : 365ရက် 24နာရီ အချိန်မရွေး
- အသုံးပြုနည်း : ဆိုးလ်၊ ဂယောင်ဂီ ဆူဝန်၊ ဒယ်ဂျောင်း၊ ဂွမ်းဂျူ၊ ဘူဆန်၊ ဂယောင်းဘု ဂူမီ၊ ဂျောင်းဘု ဂျောင်းဂျူ စသည့် ဒေသများသို့လည်း သွားရောက်ဆွေးနွေးမှု ခံယူနိုင်ခြင်း
| ဒေသ | ဆွေးနွေးတိုင်ပင်မှု hot line | ဒေသအလိုက် တိုက်ရိုက်ဖုန်း |
|---|---|---|
| ဆိုးလ် | ☎1577-1366 | 1577-1366 |
| ဂယောင်ဂီ ဆူဝန် | 031-257-1841 | |
| ဒယ်ဂျောင်း | 042-488-2979 | |
| ဂွမ်းဂျူ | 062-366-1366 | |
| ဘူဆန် | 051-508-1366 | |
| ဂယောင်းဘု ဂူမီ | 054-457-1366 | |
| ဂျောင်းဘု ဂျောင်းဂျူ | 063-237-1366 |
- ဆိုးလ်(365ရက် 24နာရီ ဖွင့်သည်)အပြင် အခြားသော ဒေသ 6ခုမှ ဆွေးနွေးမှုစင်တာများနှင့် အရေးပေါ်ရှောင်နေရန်နေရာများသည် 365ရက်(စနေ၊ တနင်္ဂနွေပိတ်ရက်၊ အစိုးရရုံးပိတ်ရက် အပါအဝင်) ကြားရက်(9:00~18:00) အသုံးပြုနိုင်ပြီး၊ ပြင်ပအချိန်များတွင်မူ ဆွေးနွေးမှု ဖုန်းများသည် ဆိုးလ်မှ တစ်ဆင့် နီးစပ်ရာ ရွှေ့ပြောင်းနေထိုင်သူအမျိုးသမီး စောင့်ရှောင်ရေးစင်တာသို့ ချိတ်ပေးသွားမှာ ဖြစ်ပါသည်။
02နိုင်ငံခြားသွေးနှောမိသားစု အထောက်အကူပြုစင်တာ
နိုင်ငံခြားသွေးနှောမိသားစု အထောက်အကူပြုစင်တာသည် နိုင်ငံခြားသွေးနှောမိသားစုများ၏ ကိုရီးယားလူ့အဖွဲ့အစည်းတွင် နေသားတကျဖြစ်စေရန်၊ မိသားစုကြား ဆက်ဆံရေး ကောင်းမွန်စေရန် သင်တန်းများ(မိသားစု၊ ကျားမတန်းတူညီမျှရှိရေး၊ လူ့အခွင့်အရေး စသည်)၊ ကိုရီးယားဘာသာစကားသင်တန်း၊ အိမ်အရောက်သင်တန်းပေးခြင်း၊ ဆွေးနွေးပေးခြင်း၊ အချက်အလက်များ လမ်းညွှန်ပေးခြင်း၊ ကိုရီးယားလူမျိုးနှင့် လက်ထပ်ထားသူ ရွှေ့ပြောင်းအမျိုးသမီး စကားပြန်၊ ဘာသာပြန် ဝန်ဆောင်မှု၊ သားသမီးများ ဘာသာစကား တိုးတက်စေရန် ကူညီပေးသည့် ဝန်ဆောင်မှု စသည်တို့ကို ပေးနေသည့် ဌာနတစ်ခုအဖြစ် 2025ခုနှစ်အထိ၊ တစ်နိုင်ငံလုံးတွင် 231ခု ဖွင့်လှစ်ထားရှိပြီး ဖြစ်ပါသည်။
(1)ပရိုဂရမ်အကြောင်းအရာ
| အမျိုးအစား | ဘုံတူညီချက်အဖြစ် မဖြစ်မနေလိုအပ်သည့် ပရိုဂရမ် | ရွေးချယ်ဖွင့်လှစ်နိုင်သည့် ပရိုဂရမ် (ဥပမာ) | မှတ်ချက် |
|---|---|---|---|
| မိသားစု |
|
| တစ်နှစ်လျှင် မဖြစ်မနေ 14နာရီ၊ ရွေးချယ် 26နာရီနှင့်အထက် (ဘာသာစကား 2မျိုးသုံး နည်းပြ ထားရှိသည့် စင်တာအနေဖြင့် မဖြစ်မနေ လိုအပ်သည့် ပရိုဂရမ်များထဲမှ ဘာသာစကား 2မျိုးသုံးသည့် ပတ်ဝန်းကျင် ဖန်တီးပေးရေး ပရိုဂရမ် နာရီ 160နှင့်အထက်) |
| ကျားမတန်းတူဖြစ်ရေးနှင့် လူ့အခွင့်အရေး |
|
| နာရီ 20နှင့်အထက် ဆောင်ရွက်ခြင်း |
| လူမှုပေါင်းစည်းခြင်း |
| - | e-saeil systemနှင့် ချိတ်ဆက်ထားသော worknetတွင် စာရင်းသွင်းခြင်းနှင့် saeilစင်တာ ချိတ်ဆက်ခြင်း(10ကြိမ်နှင့်အထက်) |
|
| 15နာရီနှင့်အထက်(လုပ်အားပေး အခြေခံအသိပညာပေးခြင်း မဖြစ်မနေ 4နာရီ အပါအဝင်) | |
| ဆွေးနွေးမှု | မိသားစုရေးရာ ဆွေးနွေးခြင်း |
| တစ်နှစ်လျှင်အကြိမ် 80နှင့်အထက် |
ထို့အပြင် နိုင်ငံခြားသွေးနှောမိသားစု အထောက်အကူပြုစင်တာတွင် ဖွင့်ထားသည့် နိုင်ငံခြားသွေးနှောမိသားစုများအတွက် အထူးပရိုဂရမ်များမှာ အောက်ပါအတိုင်း ဖြစ်သည်။
| အမျိုးအစား | အကြောင်းအရာ |
|---|---|
| အထူး ရည်ရွယ်ချက်ရှိ ကိုရီးယားဘာသာစကားသင်တန်း | သင်တန်းသားနှင့် ကိုက်ညီပြီး လက်တွေ့ အသုံးဝင်သော ကိုရီးယားဘာသာစကား ပရိုဂရမ်ဖြင့် ဒေသလိုအပ်ချက်များကို ထည့်သွင်းစဉ်းစားကာ သင်တန်း 7မျိုး (သားသမီးပညာရေး လမ်းညွှန်၊ အလုပ်ဝင်ရန် ပြင်ဆင်ခြင်း၊ ဒေသယဉ်ကျေးမှုလှုပ်ရှားမှုများ၊ ပြည်ပမှ ပြန်လာသူ၊ သားသမီးများ topik အဖတ်/အကြား/အရေး) ဖွင့်လှစ်ထားခြင်း |
| အိမ်တိုင်ရာရောက် ပညာပေး ဝန်ဆောင်မှု |
|
| ကိစ္စရပ်စီမံခန့်ခွဲမှု အထောက်အကူများ | အိမ်တွင်းအကြမ်းဖက်မှုနှင့် ကွာရှင်းခြင်း စသည့် နိုင်ငံခြားသွေးနှောမိသားစုများ၏ ရှုပ်ထွေးပြီး များပြားလှသော ပြသနာများအား ဖြေရှင်းဖို့အတွက် စိတ်ပိုင်းဆိုင်ရာ၊ ခံစားချက်များ တည်ငြိမ်စေရန်နှင့် ကိုယ့်အားကိုယ်ကိုးနိုင်စွမ်း မြှင့်တင်နိုင်ရန် အကူအညီပေးခြင်း စသည့် အခြေအနေနှင့် ကိုက်ညီသော အထွေထွေ ဝန်ဆောင်မှုများ ပေးခြင်း |
| စကားပြန်၊ ဘာသာပြန် ဝန်ဆောင်မှု | ကိုရီးယားစကား မကျွမ်းကျင်သော ကိုရီးယားနှင့် လက်ထပ်ထားသည့် ရွှေ့ပြောင်းနေထိုင်သူ၏ မိသားစု၊ လူ့အဖွဲ့အစည်းထဲတွင် နေထိုင်သွားလာရာတွင် လိုအပ်သော ပြောဆိုဆက်ဆံမှုများကို ကူညီရန်အတွက် စကားပြန်၊ ဘာသာပြန် ဝန်ဆောင်မှု ပေးခြင်း |
| နိုင်ငံခြားသွေးနှောမိသားစု၏ သားသမီးများ ဘာသာစကားပိုင်း တိုးတက်အောင် ကူညီပေးခြင်း | နိုင်ငံခြားသွေးနှောမိသားစု၏ သားသမီးများ ဘာသာစကား တိုးတက်မှု အခြေအနေကို အကဲဖြတ်ပြီး ပြောဆိုဆက်ဆံရေးတွင် အခက်အခဲ ရှိသည့် ကလေးငယ်များအတွက် ဘာသာစကားသင်ကြားပေးခြင်းများ လုပ်ပြီး မိဘများအတွက် သင်ကြားရေး နည်းလမ်းများ လမ်းညွှန်ပေးခြင်း |
| ဘာသာစကား 2မျိုးသုံးသည့် ပတ်ဝန်းကျင် ဖန်တီးပေးရေး ပရိုဂရမ် | နိုင်ငံခြားသွေးနှောမိသားစု၏ သားသမီးများ နို့စို့အရွယ်မှ စတင်ကာ သူ့အလိုလို ဘာသာစကား 2မျိုးဖြင့် ပြောဆိုဆက်ဆံနိုင်သော ပတ်ဝန်းကျင် ဖြစ်အောင် ဖန်တီးပေးခြင်း(ဘာသာစကား 2မျိုးသုံးသည့် မိဘများအား နည်းပြပေးခြင်း၊ မိဘနှင့် သားသမီးကြား အပြန်အလှန်ဆက်ဆံရေး ကောင်းမွန်စေရေး ပရိုဂရမ်၊ ဘာသာစကား 2မျိုးလုံး အသုံးပြုနိုင်ရေး ပရိုဂရမ်၊ မိသားစုဆိုင်ရာ နည်းပြပေးခြင်း) |
(2)အသုံးပြုနည်း
နိုင်ငံခြားသွေးနှောမိသားစု အထောက်အကူပြုစင်တာများကို ဒေသအလိုက် ဖွင့်လှစ်ထားပြီး၊ ဒါနူရီကောလ်စင်တာ ☎1577-1366သို့ ဖုန်းဆက်လျှင် အနီးဆုံး နိုင်ငံခြားသွေးနှောမိသားစု အထောက်အကူပြုစင်တာ ဖုန်းနံပါတ်အား လမ်းညွှန်ပေးပါသည်။(ပုံမှန်အားဖြင့် 09:00~18:00အထိ အသုံးပြုနိုင်ပါသည်။) (အခန်း 10 နောက်ဆက်တွဲကို ကိုးကားရန်)
- ဇနီးမောင်နှံ ဆွေးနွေးမှု၊ စကားပြန်၊ ဘာသာပြန် ကူညီခြင်း
- www.liveinkorea.kr
- APP ဒေါင်းလုတ်ဆွဲရန်
03ရွှေ့ပြောင်းနေထိုင်မှုနောက်ခံရှိ လူငယ်များ ပံ့ပိုးရေးဖောင်ဒေရှင်း သက်တံ့ရောင် လူငယ်များ(Rainbow Youth)စင်တာ
ရွှေ့ပြောင်းနေထိုင်မှု နောက်ခံရှိသော လူငယ်များပံ့ပိုးရေးဖောင်ဒေးရှင်း သက်တံ့ရောင် လူငယ်များစင်တာသည် လူငယ်များ ဖူလုံရေးအထောက်အကူပြုဥပဒေ ပုဒ်မ 18၌ ပြဌာန်းထားသည့် ရွှေ့ပြောင်းနေထိုင်မှုနောက်ခံရှိ လူငယ်များ(မြောက်ကိုရီးယားမှ လာသူများ၊ ပြည်ပမှ ပြန်လာသူများ၊ နိုင်ငံခြားသွေးနှောမိသားစုများမှ လူငယ်များ)ကို ကူညီပေးနေသော ကျွမ်းကျင်ဌာနတစ်ခု ဖြစ်ပြီး၊ အထက်ပါ ဥပဒေတူ ပုဒ်မ 30အရ ရွှေ့ပြောင်းနေထိုင်မှုနောက်ခံရှိ လူငယ်များ အထောက်အကူပြုစင်တာ တစ်ခုအနေဖြင့် ရွှေ့ပြောင်းနေထိုင်မှုနောက်ခံရှိ လူငယ်များ၏ ကိုရီးယားလူ့အဖွဲ့အစည်းထဲတွင် အခြေချနေထိုင်မှု၊ သင်ယူနိုင်စွမ်းနှင့် ကိုယ့်အားကိုယ်ကိုးနိုင်စွမ်းများ မြှင့်တင်ပေးခြင်း စသည့် လုပ်ငန်းတာဝန်များကို ဆောင်ရွက်ပေးနေသော အကျိုးအမြတ်မယူသော ဖောင်ဒေးရှင်းဖြစ်ပါသည်။ (*ရွှေ့ပြောင်းနေထိုင်မှုနောက်ခံရှိ လူငယ်ဆိုသည်မှာ မိဘ1ဦးနှင့်အထက် သို့မဟုတ် မိမိသည် ကိုရီးယားမဟုတ်သည့် တခြား ဒေသ၌ မွေးဖွားသည်ဖြစ်စေ၊ ကိုရီးယား၌ မွေးဖွားပြီး ပြည်ပတွင် ကြီးပြင်းလာသော လူငယ်များဖြစ်ကာ၊ ကိုရီးယား လူ့အဖွဲ့အစည်း၏ အမျိုးမျိုးသော ရွှေ့ပြောင်းနေထိုင်မှု အတွေ့အကြုံများရှိသော လူငယ်များကို ခြုံငုံဆိုလိုခြင်း ဖြစ်ပါသည်။)
(1)အထောက်အပံ့ အကြောင်းအရာ
| အမျိုးအစား | အကြောင်းအရာ |
|---|---|
| ရွှေ့ပြောင်းနေထိုင်မှုနောက်ခံရှိ လူငယ်များအတွက် ပညာရေးအထောက်အကူပြုလုပ်ငန်း rainbow school |
|
| အနာဂတ်ရည်မှန်းချက် အထောက်အကူပြု ပရိုဂရမ် • မူဂျီဂဲ Job အာရာ • နယ်-အီးလ် ဂျပ်ဗာရာ |
|
| မြောက်ကိုရီးယား လူငယ်များအတွက် လူ့အဖွဲ့အစည်းမိတ်ဆက် ပရိုဂရမ် • ယဉ်ကျေးမှုနှိုင်းယှဉ်ခြင်း အတွေ့အကြုံပေးခြင်း • အနာဂတ်ကို ဦးတည်သော ပထမခြေလှမ်း |
|
| ဆွေးနွေးခြင်းနှင့် ဒေသတွင်းလူ့အဖွဲ့အစည်းချိတ်ဆက်ရေးပရိုဂရမ် မိမိနှင့် ကိုက်ညီသော အချက်အလက်များ ပေးခြင်း ☎ 02-722-2585 |
|
| ဆွေးနွေးမှုပိုင်း စကားပြန်အကူများ ပျိုးထောင်ခြင်း |
|
| ရွှေ့ပြောင်းနေထိုင်မှု နောက်ခံရှိ လူငယ်များ စိတ်ပိုင်းဆိုင်ရာ လူ့အဖွဲ့အစည်းထဲ နေသားတကျဖြစ်စေရန် လမ်းကြောင်းရှာပေးခြင်း |
|
| ရွှေ့ပြောင်းနေထိုင်မှုနောက်ခံရှိ လူငယ်များ အထောက်အကူပြုလုပ်ငန်းများအတွက် လူအင်အား ဖြည့်တင်းခြင်း |
|
| လူငယ်များ ယဉ်ကျေးမှုစုံဆိုင်ရာ ခံစားနားလည်နိုင်စွမ်း တိုးမြှင့်ရေး ပရိုဂရမ် ‘ဒါဂါဂမ်း’ |
|
(2)အသုံးပြုနည်း
- ရွှေ့ပြောင်းနေထိုင်မှုနောက်ခံရှိ လူငယ်များ ပံ့ပိုးရေးဖောင်ဒေရှင်း (သက်တံ့ရောင် လူငယ်များစင်တာ) သည် အသက် 9နှစ်မှ 24နှစ်ကြား ရွှေ့ပြောင်းနေထိုင်မှုနောက်ခံရှိ လူငယ်များအတွက် ဒေသဆိုင်ရာ ဌာနများနှင့် ပူးပေါင်းကာ အမျိုးမျိုးသော ပရိုဂရမ်များကို စီစဉ်ဖွင့်လှစ်ပေးလျက် ရှိပါသည်။
- ပရိုဂရမ် အသုံးပြုခြင်းနှင့် လျှောက်ထားခြင်း
☎ 02-733-7587 ∥ ဖုန်းဖြင့် မေးမြန်းစုံစမ်းခြင်း သို့မဟုတ် လူကိုယ်တိုင်/ အွန်လိုင်းဖြင့် လျှောက်ထားနိုင်ခြင်း - မိမိနှင့် ကိုက်ညီသော အချက်အလက်များ ပေးခြင်း
☎ 02-722-2585 ∥ ဆွေးနွေးမှုအချိန် ကြားရက် 09:00~18:00
ဖုန်း သို့မဟုတ် အွန်လိုင်းမှ ဆွေးနွေးခြင်း∥ ဟုမ်းပေ့ချ်-ချမ်းမြောမာဒန်း(ပါဝင်ရန်)-အွန်လိုင်းဆန်းဒမ်း(ဆွေးနွေးရန်) - ဖောင်ဒေးရှင်းသို့ လူကိုယ်တိုင် လာရောက်ဆွေးနွေးခြင်း
☎ 02-7826-1562 ∥ လစဉ် တတိယအပတ် ဗုဒ္ဓဟူးနေ့
ဖုန်း သို့မဟုတ် အွန်လိုင်းမှ ဆွေးနွေးခြင်း∥ ဟုမ်းပေ့ချ်-ချမ်းမြောမာဒန်း(ပါဝင်ရန်)-ဂျယ်ဒန်းဗန်းမွန်း(ဖောင်ဒေးရှင်းသို့ လာရောက်ဆွေးနွေးခြင်း)
04နိုင်ငံခြားသားလုပ်သားဆွေးနွေးမှုစင်တာ
ပရိုဂရမ်အကြောင်းအရာ
- နိုင်ငံခြားသား အလုပ်သမားများနှင့် အလုပ်ရှင်များမှ အချိန်နေရာမရွေး ဖုန်းဖြင့် ဆွေးနွေးမှုများကို လျှင်မြန်စွာ လုပ်ခြင်းဖြင့် အခက်အခဲများ ဖြေရှင်းနိုင်စေရေးသည် ကောလ်စင်တာများ ထားရှိရခြင်း၏ အဓိက အချက်ဖြစ်သည်။
လက်ရှိ အခြေအနေ
| ဆွေးနွေးမှု | နိုင်ငံခြားသားလုပ်သားဆွေးနွေးမှုစင်တာ(☎1577-0071) |
|---|---|
| လိပ်စာ | အမှတ်(16) Emerald Building 3လွှာ၊ ဂိုဂျန်း 2လမ်း၊ ဒန်းဝန်းဂူ အန်ဆန်းရှီ ဂယောင်ဂီဒို |
| ဖွင့်ချိန် | တစ်နှစ်ပတ်လုံး ပိတ်ရက်မရှိ(09:00~18:00)
|
| ဆွေးနွေးမှု လုပ်နိုင်သော ဘာသာစကားများ | ကိုရီးယား၊ တရုတ်၊ ဗီယက်နမ်၊ တဂ္ဂလော့(ဖိလစ်ပိုင်)၊ အင်္ဂလိပ်၊ ထိုင်း၊ အင်ဒိုနီးရှား၊ စင်ဟာလာ၊ မွန်ဂို၊ ဥဇဘက်၊ ခမာ(ကမ္ဘောဒီယား)၊ ဘင်္ဂါလီ၊ အူရဒူ(ပါကစ္စတန်)၊ နီပေါ၊ မြန်မာ၊ ကာဂျစ်စတန်၊ အရှေ့တီမော စသည့် စုစုပေါင်း ဘာသာစကား 17မျိုးဖြင့် ဖွဲ့စည်းထားသည်။ |
| ဆွေးနွေးမှုအကြောင်းအရာ | နိုင်ငံခြားသားအလုပ်သမားနှင့် လုပ်ငန်းရှင်တို့၏ အခက်အခဲများ စသည့် ကိုရီးယားနိုင်ငံတွင်း နေထိုင်မှုနှင့် လုပ်ငန်းခွင်တွင်း အသားကျစေရန် လိုအပ်သည့် အချက်အလက်များ ဆွေးနွေးပေးခြင်း |
05လဝက၊ နိုင်ငံခြားသားရေးရာဌာန
(ရုံး)
လဝက၊ နိုင်ငံခြားသားရေးရာဌာန(ရုံး)(လဝက၊ နိုင်ငံခြားသားရေးရာဌာန(ရုံး) လက်ရှိအခြေအနေကို နောက်ဆက်တွဲတွင် ကိုးကားရန်) အနေဖြင့် နိုင်ငံသားနှင့် နိုင်ငံခြားသားများ၏ ပြည်ဝင်ပြည်ထွက် စစ်ဆေးခြင်း၊ ဗီဇာအသိအမှတ်ပြုလက်မှတ် ထုတ်ပေးခြင်း၊ နိုင်ငံခြားသား မှတ်ပုံတင်ခြင်း၊ နေထိုင်ခွင့် သက်တမ်းတိုးခြင်း၊ ဗီဇာအမျိုးအစားပြောင်းခြင်း စသည့် အမျိုးမျိုးသော နေထိုင်ခွင့်ပြုခြင်း၊ ချိုးဖောက်မှုဆိုင်ရာများ စစ်ဆေးခြင်း၊ နိုင်ငံသား၊ ဒုက္ခသည်ဆိုင်ရာ လုပ်ငန်းတာဝန်များ စသည့် နိုင်ငံခြားသားများ၏ ကိုရီးယားနိုင်ငံတွင်း နေထိုင်မှုဆိုင်ရာ လုပ်ငန်းတာဝန်များ အားလုံးကို ဆောင်ရွက်ပေးလျက် ရှိပါသည်။ ထို့အပြင် ရွှေ့ပြောင်းနေထိုင်သူများ၏ အခြေချနေထိုင်မှုဆိုင်ရာ ထောက်ပံ့မှုများနှင့် လူ့အဖွဲ့အစည်းတွင် ပေါင်းစည်းနေထိုင်ရေးအတွက် KIIP ပရိုဂရမ်၊ ရွှေ့ပြောင်းနေထိုင်သူများ စောစီးစွာ နေသားတကျဖြစ်ရေး ပရိုဂရမ်၊ နိုင်ငံခြားသားနှင့် လက်ထပ်ခြင်းဆိုင်ရာ လမ်းညွှန်ပရိုဂရမ် စသည့် အမျိုးမျိုးသော သင်တန်းအချက်အလက်များ ပေးသည့် ပရိုဂရမ်များ ရှိပါသည်။
06ဘာသာစကားအစုံ သုံးနိုင်သည့် ဝက်ဘ်ဆိုက်
သတင်းအချက်အလက်နှင့် ဆက်သွယ်ရေးပိုင်း ဖွံ့ဖြိုးတိုးတက်နေသည့် ကိုရီးယားနိုင်ငံတွင် ဝက်ဘ်ဆိုက်မှတဆင့် ကိုရီးယားလူနေမှုဘဝနှင့် ပတ်သက်သော အချက်အလက်များရှာယူခြင်း၊ ကိုရီးယားဘာသာစကား၊ ကိုရီးယားလူ့အဖွဲ့အစည်းအကြောင်း စသည်တို့ကို ဆိုက်ဘာ သင်တန်းများတွင် တက်ရောက်နိုင်ပါသည်။ အထူးသဖြင့် နိုင်ငံခြားသွေးနှောမိသားစုနှင့် နိုင်ငံခြားသား အထောက်အကူပြုဌာန စသည်တို့မှ ဦးစီးဖွင့်လှစ်ထားသော ဝက်ဘ်ဆိုက်မှာ ဘာသာစကားမျိုးစုံဖြင့် အသုံးပြုနိုင်သည့်အတွက် အလွန် အသုံးဝင်ပါသည်။
| ဝက်ဘ်ဆိုက်လိပ်စာ | ဦးစီးဌာန | ရနိုင်သော ဝန်ဆောင်မှုများ | |
|---|---|---|---|
| အစိုးရ ဦးစီးမှု | |||
| ဒါနူရီ(နိုင်ငံခြားသွေးနှော မိသားစု အထောက်အကူပြု portal) | www.liveinkorea.kr | ကိုရီးယားကျန်းမာပျော်ရွှင်မိသားစုကမ္ဘာစင်တာ | ကိုရီးယားလူနေမှုဆိုင်ရာ အချက်အလက်များ၊ လေ့လာရေးအချက်အလက်များ၊ စင်တာအချက်အလက်များ၊ ဆွေးနွေးခန်း၊ ဒေတာခန်း၊ ယဉ်ကျေးမှုအစုံအကြောင်း သတင်းများ၊ အင်တာနက်မဂ္ဂဇင်း(webzine)ဖန်တီးတင်ဆက်ခြင်း၊ အိမ်တွင်းအကြမ်းဖက်မှု၊ လိင်အကြမ်းဖက်မှု၊ ပြည့်တန်ဆာအဖြစ် ခိုင်းစေခြင်း စသည့် အရေးပေါ် အခြေအနေများ ကြုံရသော အကြမ်းဖက်ခံရသည့် ရွှေ့ပြောင်းနေထိုင်သူ အမျိုးသမီးများအတွက် မိခင်ဘာသာစကားဖြင့် ဆွေးနွေးပေးခြင်း၊ စကားပြန် ထားရှိခြင်း |
| Hikorea(နိုင်ငံခြားသားများအတွက် E-Government portal) | www.hikorea.go.kr | တရားရေးဝန်ကြီးဌာန | ပြည်ဝင်ပြည်ထွက်၊ နေထိုင်ခွင့်၊ နိုင်ငံသား၊ အလုပ်ခန့်ထားခြင်း၊ ရင်းနှီးမြှုပ်နှံခြင်း၊ လူမှုဘဝ အဆင်ပြေချောမွေ့စေရေး စသည်တို့နှင့် ပတ်သက်သည့် အချက်အလက်များနှင့် နေထိုင်ခွင့်ဗီဇာကိစ္စများအား အွန်လိုင်းမှ လျှောက်ထားနိုင်ခြင်း၊ လဝကရုံးသို့ လူကိုယ်တိုင်သွားရန် ဘွတ်ကင်ယူခြင်း၊ ဆွေးနွေးမှုပေးခြင်း စသည့် ဝန်ဆောင်မှုများကို ပေးခြင်း |
| ယဉ်ကျေးမှုစုံအကြောင်း ပက်ကေ့ချ်များ | www.kidsnfm.go.kr | အမျိုးသားရိုးရာပြတိုက် | နိုင်ငံအလိုက် ယဉ်ကျေးမှု မိတ်ဆက်ခြင်း |
| ရှာရ လွယ်ကူသော လူနေမှုဆိုင်ရာ ဥပဒေအချက်အလက်များ | www.easylaw.go.kr/CSM | ဥပဒေရေးရာဌာန | ကိုရီးယားလူမျိုးနှင့် လက်ထပ်ထားသူ၊ ဗီဇာ၊ ပတ်စ်ပို့၊ လုပ်ငန်းခွင်ထိခိုက်မှုအာမခံ၊ နိုင်ငံခြားသားအလုပ်သမား၊ ယာဉ်မောင်းလိုင်စင်၊ အိမ်ပြောင်း၊ အိမ်ငှားခြင်း၊ ငွေကြေးလွှဲပြောင်းမှု စသည့် နိုင်ငံခြားသားများ ကိုရီးယားနိုင်ငံတွင်း နေထိုင်စဉ် လိုအပ်သော ဥပဒေရေးရာ အချက်အလက်များကို ဘာသာစကား 12မျိုးဖြင့် နားလည်ရ လွယ်ကူအောင် ဖော်ပြထားခြင်း |
| korea.net | www.korea.net | ကိုရီးယားယဥ်ကျေးမှုနှင့် သတင်းအချက်အလက် ဝန်ဆောင်မှုပေးရေးဌာန | ကိုရီးယားသမ္မတနိုင်ငံ၏ သတင်းများ၊ စီးပွားရေး၊ သမိုင်း၊ ယဉ်ကျေးမှု၊ ခရီးသွားခြင်းနှင့်ဆိုင်သော အချက်အလက်များ ဖော်ပြပေးခြင်း |
| GOV 24 | www.gov.kr | အုပ်ချုပ်ရေးနှင့် လုံခြုံရေးဝန်ကြီးဌာန | ကိုရီးယားသမ္မတနိုင်ငံ အစိုးရမှ ထုတ်ပေးသည့် အသိအမှတ်ပြု လက်မှတ်မျိုးစုံကို အွန်လိုင်းမှ ထုတ်ယူနိုင်သော ဝန်ဆောင်မှု၊ သင်တန်းနှင့်ဆွေးနွေးမှု စသည့် ခံစားခွင့်အမျိုးမျိုးကို တစ်နေရာတည်း၌ လမ်းညွှန်ပေးထားခြင်း |
| VisitKorea | www.visitkorea.or.kr | ကိုရီးယားနိုင်ငံခရီးသွားလုပ်ငန်းအသင်း | ကိုရီးယားနိုင်ငံ၏ ခရီးသွားခြင်းနှင့် ပွဲတော်များ၊ စားသောက်ဆိုင်များ၊ တည်းခိုရန် နေရာများ စသည့် အချက်အလက်များ |
| DURIAN | www.ebsd.co.kr | EBS | ကိုရီးယားဘာသာစကား၊ ကိုရီးယားယဉ်ကျေးမှုကို လေ့လာသင်ယူနိုင်သော ပညာရေးပရိုဂရမ်များနှင့် EBS ယဉ်ကျေးမှုစုံနှင့် ပတ်သက်သည့် အကြောင်းအရာများ တင်ဆက်မှု |
| Nuri King Sejong Institute | https://nuri.iksi.or.kr/front/main/main.do | King Sejong Institute Foundation(ဆယ်ဂျုံး ပညာရေးဖောင်ဒေးရှင်း) | ကိုရီးယားဘာသာစကား၊ ကိုရီးယားယဉ်ကျေးမှု အွန်လိုင်း လေ့လာရေး ဝက်ဘ်ဆိုက် |
| ပြည်သူ့ကျန်းမာရေးအာမခံဌာန(NHIS) | www.nhis.or.kr | ပြည်သူ့ကျန်းမာရေးအာမခံဌာန(NHIS) | ကျန်းမာရေးအာမခံစနစ်နှင့် အကျိုးခံစားခွင့်များ မိတ်ဆက်နှင့် ၎င်းတို့နှင့် ပတ်သက်သော အချက်အလက်များ ဖော်ပြထားခြင်း |
| KBS World Radio | world.kbs.co.kr | KBS | ဘာသာစကားမျိုးစုံဖြင့် တင်ဆက်သော သတင်းများ၊ မျက်မှောက်ရေးရာ၊ ဖျော်ဖြေရေး ပရိုဂရမ် မိတ်ဆက်ခြင်းများ စသည် |
| ဆိုးလ်မြို့ Hanultari | www.mcfamily.or.kr | ဆိုးလ်အထူးမြို့တော် | ဆိုးလ်အထူးမြို့တော် နိုင်ငံခြားသွေးနှောမိသားစု အထောက်အကူပြုပရိုဂရမ်၊ ကွန်မြူနတီ၊ ကိုရီးယားဘာသာစကားသင်တန်း၊ အလုပ်ဝင်ခြင်း၊ သက်မွေးဝမ်းကျောင်းပညာ သင်တန်းများ၊ အများပြည်သူသုံး ယာဉ်လိုင်း အချက်အလက်များ ဖော်ပြထားခြင်း |
| ဆိုးလ်မြို့ ဂလိုဘယ်လ်စင်တာ | global.seoul.go.kr | ဆိုးလ်အထူးမြို့တော် နိုင်ငံခြားသီးသန့် တောင်းဆိုရေးစင်တာ၊ နိုင်ငံခြားသားများအတွက် လူနေမှုဆိုင်ရာ အထောက်အကူပြု ဝန်ဆောင်မှုများ၊ နိုင်ငံခြားသားများအတွက် လိုင်စင်ထုတ်ပေးခြင်းနှင့် အခွန်ဆိုင်ရာ ဆွေးနွေးမှုများ စသည့် ဝန်ဆောင်မှုများ ရရှိနိုင်ခြင်း | |
| အန်ဆန်းမြို့ ယဉ်ကျေးမှုစုံအထောက်အကူပြုဌာနချုပ် | global.iansan.net | ဂယောင်ဂီဒို အန်ဆန်းမြို့ | အန်းဆန်းမြို့ နိုင်ငံခြားသားစင်တာနှင့် နိုင်ငံခြားသွေးနှောမိသားစု အထောက်အကူပြုလုပ်ငန်းများ မိတ်ဆက်ခြင်း၊ ဘာသာစကား8မျိုးသုံး အင်တာနက်မဂ္ဂဇင်း(webzine) ကိုရီးယားဘာသာစကား သင်တန်း၊ စကားပြန်၊ ဆွေးနွေးမှုများ၊ ဆေးကုသခြင်းနှင့် ဥပဒေရေးရာ လူနေမှုဆိုင်ရာ အချက်အလက် စသည့် ဝန်ဆောင်မှုများ ရရှိနိုင်ခြင်း |
| ချွန်းနမ်းDawoolim | www.dawoolim.net | ချွန်းချောင်းနမ်းဒို | ကိုရီးယားနိုင်ငံတွင်း နေထိုင်မှုနှင့် ချွန်းနမ်း လူနေမှုဘဝတွင် လိုအပ်သော အချက်အလက်များ ပေးခြင်း(စင်တာအကြောင်း၊ ကိုရီးယားလူနေမှု လမ်းညွှန်၊ နိုင်ငံအလိုက် ယဉ်ကျေးမှုမိတ်ဆက်၊ နေ့စဉ်သုံး စကားလုံးများ) |
| နိုင်ငံသားပင်စင်ဌာန | www.nps.or.kr | နိုင်ငံသားပင်စင်ဌာန | နိုင်ငံသားပင်စင် မန်ဘာဝင်ခြင်းနှင့် အကြောင်းကြားခြင်း၊ အာမခံကြေး သွင်းနည်း စသည့် နိုင်ငံသားပင်စင်နှင့် ပတ်သက်သော အချက်အလက်များ ရရှိနိုင်ခြင်း |
07ဘာသာစကားမျိုးစုံသုံး မိုဘိုင်းလ်အက်ပလီကေးရှင်း
| မိုဘိုင်းလ်အမည် | ဦးစီးဌာနအမည် | အကြောင်းအရာ | ရနိုင်သော ဝန်ဆောင်မှုများ |
|---|---|---|---|
| ဒါနူရီ (Danuri) | ကိုရီးယားကျန်းမာပျော်ရွှင်မိသားစုကမ္ဘာစင်တာ | ကိုရီးယားလူနေမှုဘဝ လမ်းညွှန်စာအုပ်၊ နိုင်ငံအနှံ့ရှိ နိုင်ငံခြားသွေးနှောမိသားစု အထောက်အကူပြုစင်တာ အချက်အလက်များ၊ အရေးပေါ်ဆက်သွယ်ရန် ဖုန်းနံပါတ်များ | Android, IOS |
| ဘုံ ZONE | တရားရေးဝန်ကြီးဌာန လဝက၊ နိုင်ငံခြားသားရေးရာမူဝါဒဌာနချုပ် | တရားရေးဝန်ကြီးဌာန လဝက၊ နိုင်ငံခြားသားရေးရာမူဝါဒဌာနချုပ်မှ ထုတ်ဝေထားသော သတင်းလွှာဖြင့် လဝက၊ ရွှေ့ပြောင်းနေထိုင်သူများဆိုင်ရာ ပေါ်လစီလမ်းညွှန်များ၊ လဝကရုံးများနှင့် လုပ်ငန်းတာဝန်များ မိတ်ဆက်ခြင်း၊ နေထိုင်နေသော နိုင်ငံခြားသားများအတွက် အသုံးဝင်သော အချက်အလက်များ ဖော်ပြပေးခြင်း | Android, IOS |
| ရှာရ လွယ်ကူသော လူနေမှုဆိုင်ရာ ဥပဒေအချက်အလက်များ | ဥပဒေရေးရာဌာန | ကိုရီးယားလူမျိုးနှင့် လက်ထပ်ထားသူ၊ ဗီဇာ၊ ပတ်စ်ပို့၊ လုပ်ငန်းခွင်ထိခိုက်မှုအာမခံ၊ နိုင်ငံခြားသားအလုပ်သမား၊ ယာဉ်မောင်းလိုင်စင်၊ အိမ်ပြောင်း၊ အိမ်ငှားခြင်း၊ ငွေကြေးအသုံးပြုမှု စသည့် နိုင်ငံခြားသားများ ကိုရီးယားနိုင်ငံတွင်း နေထိုင်စဉ် လိုအပ်သော ဥပဒေရေးရာ အချက်အလက်များကို ဘာသာစကား 12မျိုးဖြင့် နားလည်လွယ်အောင် ဖော်ပြထားခြင်း | m.easylaw.go.kr/MOM |
| My Seoul | ဆိုးလ်အထူးမြို့တော် | နိုင်ငံခြားသား၊ နိုင်ငံခြားသွေးနှောမိသားစုများအတွက် ရုံးပိုင်းဆိုင်ရာ အချက်အလက်များ၊ အလုပ်ဝင်ရန် အချက်အလက်များ၊ ကိုရီးယားဘာသာစကား လေ့လာမှုဆိုင်ရာ အချက်အလက်များ၊ ဘာသာစကားအစုံဖြင့် chatting လုပ်နိုင်ခြင်း၊ နိုင်ငံတကာသုံးဖုန်း၊ နေ့စဥ်သုံးသည့် ဖုန်း၊ လစာတွက်ချက်ခြင်း၊ ဒါဆန်းကောလ်စင်တာ အချက်အလက်များ | Android, IOS |
| Multiculture HappinessSketch | ဘူဆန်မြို့ | ကိုရီးယားလူနေမှုဆိုင်ရာ အချက်အလက်များ၊ ကိုရီးယားဘာသာစကား လေ့လာမှုဆိုင်ရာ အချက်အလက်များ၊ အလုပ်ဝင်ရန် အချက်အလက်များ၊ ဆွေးနွေးမှုဆိုင်ရာ အချက်အလက်များ၊ ပရိုဂရမ် မိတ်ဆက်ခြင်းနှင့် အချိန်ဇယားများ၊ ဘူဆန်မြို့ နိုင်ငံခြားသွေးနှောမိသားစု အထောက်အကူပြုစင်တာ၊ ဂလိုဘယ်လ်စင်တာ အချက်အလက်များ | Android, IOS |
| KBS World Radio | KBS | ဘာသာစကား 11မျိုးဖြင့် တင်ဆက်သော သတင်းများ၊ မျက်မှောက်ရေးရာ၊ ဖျော်ဖြေရေး၊ အခြားသော ကိုရီးယားနှင့် ပတ်သက်သည့် ပရိုဂရမ်များအား စာသား၊ ဗွီဒီယိုများဖြင့် ဖော်ပြထားခြင်း။ | Android, IOS |
| Emergency Ready APP | အုပ်ချုပ်ရေးနှင့် လုံခြုံရေးဝန်ကြီးဌာန | ကိုရီးယားနိုင်ငံတွင်း နေထိုင်သော နိုင်ငံခြားသားများအတွက် သဘာဝဘေးအန္တရာယ် ကာကွယ်ရေး အချက်အလက်များ ဝန်ဆောင်မှု | Android, IOS |
အဆိုပါ လမ်းညွှန်စာအုပ်သည် “ဂုံးဂုံးနူရီ ပုံစံ 4 : အရင်းအမြစ်ဖော်ပြရန်+ကိုယ်ကျိုးအတွက် အသုံးပြုခြင်း မပြုရ+ပြောင်းလဲဖော်ပြခြင်း မပြုရ” သတ်မှတ်ချက်များပေါ် မူတည်ပြီး အသုံးပြုနိုင်ပါသည်။
Dim
Dim
딤영역
딤영역
