Information Plus
ဒါနူရီကောလ်စင်တာ
1577-1366
မိသားစုဆွေးနွေးမှုဖုန်းနံပါတ်
1644-6621
한국생활안내 정보더하기 사이트로 이동
  • ကိုရီးယားကျန်းမာပျော်ရွှင်မိသားစုကမ္ဘာပရိုမိုးရှင်းစင်တာ

ဒါနူရီကောလ်စင်တာ : 1577-1366

가족상담전화 : 1644-6621

ဆိုးလ် ဂျွန်းဂူ ထွယ်ဂရဲရို 173၊ 21လွှာ၊ 24လွှာ(ချွန်းမူရို 3ဂါ၊ NAMSAN SQUARE building)

Copyright ⓒ KOREA INSTITUTE FOR HEALTHY FAMILY. All Rights Reserved

이전 페이지로

အိမ်နားရှိ လူနေမှုဆိုင်ရာ ဝန်ဆောင်မှုများ အသုံးပြုခြင်း

  • ပင်မစာမျက်နှာ
  • ကိုရီးယားယဉ်ကျေးမှုနှင့် လူနေမှုဘဝ
  • အိမ်နားရှိ လူနေမှုဆိုင်ရာ ဝန်ဆောင်မှုများ အသုံးပြုခြင်း

အိမ်နားရှိ လူနေမှုဆိုင်ရာ ဝန်ဆောင်မှုများ အသုံးပြုခြင်း

01ဆံပင်ညှပ်ဆိုင်

ဆံပင်ကောက်ခြင်း၊ ညှပ်ခြင်း၊ ဆေးဆိုးခြင်း၊ လက်သည်းအလှဆင်ခြင်း၊ အလှပြင်ခြင်း ဝန်ဆောင်မှုများကို အသုံပြုနိုင်ပါသည်။ အသုံးပြုခမှာ ဝန်ဆောင်မှု အသုံးပြုခြင်းအပေါ် မူတည်၍ ကွာခြားပြီး၊ ရိုးရိုး ဆံပင်ညှပ်ရုံဆိုလျှင် များသောအားဖြင့် ဝမ် 10,000~30,000ဝန်းကျင်၊ ဆံပင်ကောက်ခြင်းအတွက် ဝမ် 20,000မှ 100,000အထက်အထိ အမျိုးအစားများ အင်မတန် စုံလင်ပါသည်။

02ရေချိုးခန်း အမျိုးအစားများ

ကိုရီးယားနိုင်ငံ၏ အများသုံး ရေချိုးခန်းများမှာ ‘ရေချိုးခန်း’ ၊ ‘ဆာအူနာ’, ‘ချွေးထုတ်ခန်း’ စသဖြင့် ခွဲထားပါသည်။

  • ရေချိုးခန်း : ရေချိုးကန်နှင့် ရေချိုးခန်းရှိပါသည်။ အသုံးပြုခမှာ ဝမ် 6,000~10,000ဝန်းကျင် ဖြစ်ပါသည်။
  • ဆာအူနာ : ရေချိုးကန်နှင့် ရေချိုးခန်း, အနားယူရန်နေရာများ ရှိပါသည်။ အသုံးပြုခမှာ facilities အပေါ် မူတည်ပြီး ကွာခြားပါသည်။
  • ချွေးထုတ်ခန်း : ရေချိုးကန်နှင့် ရေချိုးခန်း, အနားယူရန်နေရာများ၊ အိပ်ခန်းများ ရှိပါသည်။ ရေချိုးသည့်နေရာမှ လွဲပြီး ကျန်နေရာများမှာ အမျိုးသား၊ အမျိုးသမီး အတူတကွ အသုံးပြုနိုင်ပါသည်။ အသုံးပြုခမှာ facilities အပေါ် မူတည်ပြီး ကွာခြားပါသည်။
  • ဆာအူနာနှင့် ချွေးထုတ်ခန်း အသုံးပြုခတွင် နားနေခန်း၊ အိပ်ခန်း၊ အားကစားပစ္စည်းများ စသည့် အတွင်းရှိ facilities အသုံးပြုခများ ပါဝင်ပြီး ဖြစ်ပါသည်။ အစားအစာ ဝယ်ယူခြင်း၊ နားနှင့် အလှအပ ဝန်ဆောင်မှု၊ မာဆတ် အနှိပ်ခံခြင်းများ လုပ်ပါက ကုန်ကျစရိတ် ထပ်ပေးရမည် ဖြစ်ပါသည်။ သတ်မှတ် အသုံးပြုခကို ပေးချေလျှင် ချေးတွန်းပေးသည့် ဝန်ဆောင်မှုကို အသုံးပြုနိုင်ပါသည်။
  • ရေချိုးခန်းရှိ အကြီးစား ရေချိုးကန်၏ ရေအပူချိန်သည် 43~45℃ဖြစ်ပြီး၊ ချွေးထုတ်ခန်း၏ အခန်းတွင်း အပူအချိန်မှာ 40~70℃ဖြစ်ပါသည်။ အခမဲ့ အသုံးပြုနိုင်သော ခြောက်သွေ့မှုပုံစံ ဆာအူနာ နေရာတွင် 70~100℃၊ ရေနွေးငွေ့ခန်းသည် 70~130℃ဖြစ်ပါသည်။ သင့်တော်သော ကြာချိန်အတွင်း မိမိ၏ခန္ဓာကိုယ်နှင့် ကိုက်ညီစွာ အသုံးပြုလျှင် ခန္ဓာကိုယ် အတွင်းရှိ အညစ်အကြေးများကို ချွေးမှတစ်ဆင့် စွန့်လွှတ်ခြင်း၊ တစ်နည်းအားဖြင့် စိတ်ဖိစီးမှုများ ဖြေဖျောက်ခြင်းနှင့် ကြွက်သားနာကျင်မှုများကို လျှော့ချရာတွင်လည်း အထောက်အကူပြုပါသည်။
သိရှိထားရန်!
ကိုရီးယားနိုင်ငံ၏ ရေချိုးခန်း ယဉ်ကျေးမှု

ကိုရီးယားနိုင်ငံ၏ ရေချိုးခန်း ယဉ်ကျေးမှုမှာ အထူးသဖြင့် ဖွံ့ဖြိုးလျက် ရှိပါသည်။ လူအများစုသည် 1~2ပတ်ခြား တစ်ခါစီ အများသုံးရေချိုးခန်းသို့ သွားကာ ရေနွေးပူထဲ၌ ခန္ဓာကိုယ်ကို စိမ်ပြီး ချေးချွတ်ကြပါသည်။
ရေချိုးသည့်အခါတွင် အဝတ်အစားအားလုံးကို ချွတ်ပြီး ရေချိုးကြပါသည်။ ကိုရီးယားနိုင်ငံတွင် အတူ ရေချိုးရန် သွားခြင်းသည် ဤမျှ ရင်းနှီးသော ဆက်ဆံရေးဆိုသည့် အဓိပ္ပါယ် ဖြစ်ပါသည်။ မရင်းနှီးပါက အဝတ်မပါဘဲ အတူတူ ရေချိုးရန် လွယ်ကူသော ကိစ္စမဟုတ်သည့်အတွက် ဖြစ်ပါသည်။ ထိုကဲ့သို့သော ယဉ်ကျေးမှုမျိုး မရှိသည့် နိုင်ငံမှ လာသည့် လူများအတွက် အရမ်း အမြင်စိမ်းပြီး ကျင့်သားရရန်မှာ မလွယ်ကူပါ။ ရံဖန်ရံခါ ရေချိုးခန်းသို့ သွားကြသော နိုင်ငံခြားသားများသည် အတွင်းခံအဝတ်များ ဝတ်ပြီး ရေချိုးကန်ထဲ ဆင်းသဖြင့် ကိုရီးယားလူမျိုးများကို အံ့အားသင့်စေသည့် အခြေအနေမျိုးလည်း ရှိပါသည်။ ကိုယ်လုံးတည်းဖြင့် လူအများနှင့် အတူတူ ရေချိုးခြင်းကို အသားမကျသေးသော်လည်း ကိုရီးယားတွင် အများသုံးရေချိုးခန်းများ အသုံးပြုလိုပါက လိုက်နာရမည်ဖြစ်ပါသည်။

ရေချိုးခန်းသို့ သွားရန် မသင့်တော်သည့် အခြေအနေများ

ကျန်းမာရေးတွင် အထူးအထွေ ချို့ယွင်းမှု မရှိသော သူသည်လည်း ရေနွေးပူထဲမှာ အကြာကြီး စိမ်နေခြင်းသည် မကောင်းပါ။ အထူးသဖြင့် ကိုယ်ဝန်ဆောင်သည်များ၊ နှလုံးရောဂါသည်များသည် အန္တရာယ်ရှိနိုင်သည့်အတွက် မသွားသင့်ပါ။ ချွေး အများကြီး ထွက်သည့်အတွက် မိနစ် 30ခြား တစ်ခါ ရေ တစ်ခွက်စီ သောက်ပေးပြီး ရေဓာတ် ဖြည့်တင်းပေးရပါမည်။ သောက်ရေကို အများအားဖြင့် အခမဲ့ ပေးထားပြီး ဂတ်စ်ပါသည့် အချိုရည်များ စသည်ကိုလည်း ရောင်းချပေးပါသည်။ ညပိုင်း အရက် အများကြီး သောက်ပြီးနောက် ချွေးထုတ်ခန်း သို့မဟုတ် ဆာအူနာတွင် ညအိပ်ပြီး နောက်နေ့ တန်းပြီး အလုပ်သွားသူများလည်း ရှိပါသည်။ ‌သို့ရာတွင် အရက် သောက်ထားလျှင် ခန္ဓာကိုယ်၏ ရေဓာတ်များ မလုံလောက်တော့သည့်အတွက် ချွေးထုတ်ခန်း၌ ချွေး အများကြီး ထွက်သွားပါက ကျန်းမာရေးအတွက် အင်မတန် မကောင်းပါ။ ထို့အပြင် အရေပြားရောဂါ သို့မဟုတ် ကူးစက်ရောဂါ ရှိပါက လုံးဝ အများသုံးရေချိုးခန်းသို့ သွားဖို့ မသင့်ပါ။

အများသုံး ရေချိုးခန်းတွင် ရေချိုးပုံ အဆင့်ဆင့်
  1. 1ရေချိုးကန်ထဲ မဆင်းခင်မီ အကြမ်းဖျင်း ရေချိုး၊ ခေါင်းလျှော်ခြင်း အရင်လုပ်ပါ။
  2. 2ရေနွေးပူများ ဖြည့်ထားသည့် အကြီးစား ရေချိုးကန်ထဲတွင် 5~10မိနစ်လောက် ထိုင်နေပြီး ချွေးထုတ်ပါ။
  3. 3ရေချိုးကန်ထဲမှ ထွက်လာပြီး လက် သို့မဟုတ် မျက်နှာသုတ်ပုဝါဖြင့် ခန္ဓာကိုယ်ကို ပွတ်သပ်ပြီး ‘ချေး’ တွန်းပါ။
  4. 4တစ်ဦးချင်း အကြိုက်ပေါ် မူတည်ပြီး ရေအေးကန်ထဲ ဆင်းခြင်း သို့မဟုတ် ပူနွေးသော ရေနွေးငွေ့ခန်းထဲ ဝင်နိုင်ပါသည်။
  5. 5နောက်ဆုံးအနေနှင့် ရေ တစ်ခါ ထပ်ချိုးပါ။
ရေချိုးခန်းတွင် လိုက်နာရမည့် အချက်များ

အတွင်းခံ မချွတ်ဘဲ ရေချိုးကန်ထဲ ဆင်းခြင်း သို့မဟုတ် ရေချိုးကန်ထဲတွင် ချေးတွန်းခြင်း မပြုလုပ်ရန်။ ရေနွေးနှင့် ဆပ်ပြာ ရှိသည်ဆိုပြီး အဝတ်လျှော်ခြင်း မပြုလုပ်ရန်။

03ဆေးရုံ၊ ဆေးခန်းများ

ဆေးရုံ၊ ဆေးခန်းများသည် လူနာကို စမ်းသပ်ကုသပေးရန် နေရာဖြစ်ပြီး၊ ရောဂါများ ကာကွယ်ခြင်း၊ ပြန်လည်ကောင်းမွန်ရေး ဝန်ဆောင်မှုများကို ပေးနိုင်သော facilitiesများ ရှိပါသည်။ ရောဂါအမျိုးအစားအလိုက် ကုသမှုဌာနပေါ် မူတည်ပြီး ရိုးရိုး ဆေးရုံ၊ ရောဂါ အားလုံးကို ကုသပေးသည့် အထွေထွေရောဂါကုဆေးရုံ၊ တိုင်းရင်းဆေးပညာဖြင့် ကုသပေးသော တိုင်းရင်းဆေးရုံ စသည်တို့ ရှိပါသည်။ ရောဂါ၏ အခြေအနေနှင့် ကုသနည်းပေါ် မူတည်ပြီး ဆေးကုသစရိတ်မှာ ကွာခြားပါသည်။

  • ဆေးရုံ၊ ဆေးခန်းနှင့် ပတ်သက်သော အသေးစိတ် အကြောင်းအရာများကို ‘အခန်း 7 ကျန်းမာရေးနှင့် ဆေးကုသခြင်း > 3. ဆေးကုသမှုဌာန’ အကြောင်းအရာများကို ကိုးကားရန်

04ဆေးဆိုင်

ဆေးမှူးသည် ကုသမှုအတွက် ဆေးဝါးများ စပ်ပေးနိုင်ပြီး၊ ကျန်းမာရေးအထောက်အကူနှင့် ကျန်းမာရေးပြုစုမှုအတွက် လိုအပ်သည့် ဆေးဝါးများလည်း ရောင်းချပေးသော နေရာဖြစ်ပါသည်။ ဆေးဆိုင်များသည် နိုင်ငံတော်မှ အသိအမှတ်ပြုထားသော ဆေးမှူး သို့မဟုတ် တိုင်းရင်းဆေးမှူး မဟုတ်ပါက ဆိုင်ဖွင့်ခွင့် မရှိအောင် အထူးကြပ်မတ်ထားပြီး ဆေးစပ်ပေးခြင်း တာဝန်အပြင် ဆေးပေးခြင်းနှင့် ဆေးသောက်နည်းများကိုလည်း ညွှန်ကြားပေးပါသည်။ ဆေးရုံမှ ဆေးစာ ယူပြီးနောက် ဆေးဆိုင်တွင် ဝယ်ယူနိုင်ပါသည်။

05mart

အမျိုးမျိုးသော စားသောက်ကုန်များနှင့် လူသုံးကုန်ပစ္စည်းများကို အမျိုးအစားအလိုက် စုံလင်စွာ ရောင်းချပါသည်။ အကျယ်အဝန်းပေါ် မူတည်ပြီး အသေးစား martမှစပြီး အကြီးစား martဟူ၍ ခွဲထားပါသည်။ ကျယ်ဝန်းပြီး သေသပ်သော ပတ်ဝန်းကျင်ကို ဖန်တီးထားကာ ကာစတန်မာ ဝန်ဆောင်မှုများနှင့် ပစ္စည်းအရည်အသွေးများ ကောင်းမွန်သည့်အတွက် အသုံးပြုသူ များပြားပါသည်။ အချိန်ပေါ် မူတည်ပြီး လျှော့စျေးဖြင့် ပစ္စည်းများကို ဝယ်ယူနိုင်သည့်အတွက် တွက်ခြေကိုက်သော စျေးဝယ်ခြင်းမျိုးလည်း လုပ်နိုင်ပါသည်။

06ရုပ်ရှင်ရုံ

ရုပ်ရှင် ရုံတင်ပြသသော ယဉ်ကျေးမှုနေရာအဖြစ် ၎င်း၏ အကျယ်အဝန်းသည် အမျိုးမျိုးရှိပါသည်။ လတ်တလော ပြသသည့် ရုံအလိုက် ထူးခြားချက်များကို သီးခြားထားရှိပြီး 3D, 4Dရုပ်ရှင် စသည့် facilitiesများ စီမံထားရှိပြီး အသုံးပြုသူများ အဆင်ပြေစေရန် အမျိုးမျိုးသော ဝန်ဆောင်မှုများကို ပေးလျက် ရှိပါသည်။ မနက် စောစောမှ စပြီး ညနက်သည်အထိ ကြည့်ရှုသူ ပရိသတ်များ လာရောက် ကြည့်ရှုနိုင်စေရန် များပြားသော ရုပ်ရှင်ပြသချိန်များကို စီမံဆောင်ရွက်ပေးပါသည်။

07အိမ်နားရှိ ပန်းခြံများ

ရပ်ကွက်နေ ပြည်သူများ လွတ်လပ်စွာ အသုံးပြုနိုင်စေရန် ဆောက်လုပ်ထားသော ပန်းခြံဖြစ်ပါသည်။ ဒေသအလိုက် အကျယ်အဝန်း ကွာခြားချက်များရှိပြီး ကလေးများအတွက် ကစားကွင်းနှင့် လူကြီးများအတွက် အားကစားပစ္စည်းများ ထားရှိပေးပါသည်။ အနီးအနားတွင် နေထိုင်သူများ၏ ကိုယ်ကျန်းမာရေးနှင့် စိတ်ကျန်းမာရေးအတွက် အထောက်အကူပြုလျက် ရှိပါသည်။

အရင်းအမြစ်
အဆိုပါ လမ်းညွှန်စာအုပ်သည် “ဂုံးဂုံးနူရီ ပုံစံ 4 : အရင်းအမြစ်ဖော်ပြရန်+ကိုယ်ကျိုးအတွက် အသုံးပြုခြင်း မပြုရ+ပြောင်းလဲဖော်ပြခြင်း မပြုရ” သတ်မှတ်ချက်များပေါ် မူတည်ပြီး အသုံးပြုနိုင်ပါသည်။
အရင်အကြောင်းအရာ
အစိုးရရုံးဌာနများ အသုံးပြုခြင်း
နောက်အကြောင်းအရာ
ကိုယ်ဝန်ဆောင်ခြင်းနှင့် မီးဖွားခြင်း