ကိုရီးယားနိုင်ငံတွင်းနေထိုင်မှုလမ်းညွှန်

ကိုရီးယားနိုင်ငံ၏ ပညာရေးစနစ်သည် မူလတန်း 6နှစ်၊ အလယ်တန်း 3နှစ်၊ အထက်တန်း 3နှစ်၊ တက္ကသိုလ် 4နှစ်(အသက်မွေးဝမ်းကြောင်းဆိုင်ရာတက္ကသိုလ် 2နှစ်)ဖြင့် ဖွဲ့စည်းထားပါသည်။ မူလတန်းကျောင်း 6နှစ်နှင့် အလယ်တန်းကျောင်း 3နှစ်သည် မသင်မနေရပညာရေးကာလဖြစ်ပြီး အခမဲ့ပညာရေး ဖြစ်ပါသည်။။

တစ်နှစ်လျှင် ပညာသင်ကာလနှစ်ခုခွဲပြီး သင်ရိုးများကို စီမံခန့်ခွဲထားပါသည်။ ပထမ ပညာသင်ကာလသည် 3လပိုင်း 1ရက်နေ့မှစပြီး ကျောင်းတက်ရက်၊ ပိတ်ရက်နှင့် သင်ရိုးအတိုင်း သင်ကြားနိုင်မှုကို ထည့်သွင်းစဉ်းစားကာ ကျောင်းအုပ်မှ သတ်မှတ်သည့် နေ့အထိဖြစ်ပြီး၊ ဒုတိယ ပညာသင်ကာလသည် ပထမ ပညာသင်ကာလ ပြီးဆုံးသည့် နောက်နေ့မှစပြီး နောက်နှစ် 2လပိုင်းကုန်အထိ သတ်မှတ်ထားပါသည်။ ပုံမှန်အားဖြင့် ပထမ ပညာသင်ကာလကို 3လပိုင်း အစပိုင်း၊ ဒုတိယ ပညာသင်ကာလကို 8လပိုင်းအကုန်~9လပိုင်း အစပိုင်းတွင် စတင်လေ့ရှိပါသည်။ မူလတန်းနှင့် အလယ်တန်း သင်ရိုးကို ပြဋ္ဌာန်းစာအုပ်နှင့် တီထွင်ကြံဆနိုင်စွမ်း အတွေ့အကြုံလှုပ်ရှားမှုများဟု ခွဲပြီး ရေးဆွဲ၊ စီမံခန့်ခွဲကြပါသည်။

ကိုရီးယား ဘာသာစကားနှင့် ယဉ်ကျေးမှုတို့ကို သင်ယူရာတွင် အထောက်အကူ ဖြစ်စေရန်အတွက် မူလတန်း၊ အလယ်တန်းနှင့် အထက်တန်းကျောင်းများသည် ကျောင်းနေအရွယ် ရွှေ့ပြောင်း ကျောင်းသားကျောင်းသူများနှင့် နိုင်ငံခြားသား ကျောင်းသားကျောင်းသူများ အပါအဝင် ရွှေ့ပြောင်းနေထိုင်မှု နောက်ခံရှိသော ကျောင်းသားကျောင်းသူများအတွက် ကိုရီးယား ဘာသာစကား သင်တန်းများကို ပေးပါသည်။ (2024 ခုနှစ်စာရင်းအရ) နိုင်ငံတစ်ဝန်းလုံးရှိ ကျောင်းပေါင်း 359 ကျောင်းတွင် ကိုရီးယား ဘာသာစကားသင်တန်း 526 ခု ရှိပါသည်။ သင့်ကလေး၏ကျောင်းက ကိုရီးယား ဘာသာစကား သင်တန်းများကို မပေးပါက သူ သို့မဟုတ် သူမသည် ဒေသတွင်း အဖွဲ့အစည်းများရှိ ဧည့်သည်သုံး ကိုရီးယား ဘာသာစကား သင်တန်းများ သို့မဟုတ် အကြို ကိုရီးယား ဘာသာစကား သင်ခန်းစာများမှတစ်ဆင့် ကိုရီးယား ဘာသာစကားကို သင်ယူနိုင်ပါသည်။ သင့်ဧရိယာရှိ ကိုရီးယား ဘာသာစကား သင်တန်းများကို မြို့/ခရိုင် ပညာရေးရုံးများ သို့မဟုတ် ယဉ်ကျေးမှုပေါင်းစုံ ပညာရေးအတွက် နိုင်ငံလုံးဆိုင်ရာစင်တာ (www.edu4mc.or.kr) မှတစ်ဆင့် ရှာဖွေနိုင်ပါသည်။

လူတိုင်းအတွက် ကိုရီးယားဘာသာ (korean.edunet.net) ဖြင့် ကျောင်းနေအရွယ် ရွှေ့ပြောင်း ကျောင်းသားကျောင်းသူများနှင့် နိုင်ငံခြားသား ကျောင်းသားကျောင်းသူများ ကဲ့သို့သော ရွှေ့ပြောင်းနေထိုင်မှု နောက်ခံရှိသည့် ကျောင်းသားကျောင်းသူများသည် မိမိတို့၏ ကိုရီးယား ဘာသာစကား တတ်ကျွမ်းမှုကို စစ်ဆေးရန်နှင့် မည်သည့်အချိန်၊ မည်သည့်နေရာတွင်မဆို မိမိတို့၏ လိုအပ်ချက်များနှင့် ကိုက်ညီအောင် ပြုလုပ်ထားသော အကြောင်းအရာများမှတစ်ဆင့် ကိုရီးယား ဘာသာစကားကို သင်ယူရန် ကွန်ပျူတာများနှင့် တက်ဘလက်များကို အသုံးပြုနိုင်ပါသည်။ သင့်ကလေးကို ကိုရီးယား ဘာသာစကား သင်တန်းတစ်ခုတွင် စာရင်းသွင်းထားသည်ဖြစ်စေ၊ မသွင်းထားသည်ဖြစ်စေ ၎င်းကိုအသုံးပြုနိုင်ပါသည်။

ဘာသာစကားနှစ်မျိုး သင်ယူမှုကို အားပေးရန်အတွက် ဘာသာစကားနှစ်မျိုးသုံးဖတ်စာအုပ်နှင့် ဒီဂျစ်တယ်စာအုပ်များ ဖြန့်ဝေပေးလျက် ရှိပြီး၊ နှစ်စဉ် ‘ဘာသာစကားနှစ်မျိုးသုံး စကားပြောစွမ်းရည်ပြိုင်ပွဲ’ကို ကျင်းပပေးပါသည်။။ Mirae Asset Park Hyeon Joo Foundation(foundation.miraeasset.com) သို့မဟုတ် ယဉ်ကျေးမှုစုံပညာရေးဝက်ဘ်ဆိုက်(www.edu4mc.or.kr)ထဲသို့ ဝင်ပြီး ဘာသာစကားနှစ်မျိုးသုံး ဖတ်စာအုပ်ဖြစ်သည့် 「မေမေ၊ ဖေဖေနှင့်အတူ သင်ယူသော ○○ဘာသာစကား*」 ဒီဂျစ်တယ်စာအုပ်ကို အသုံးပြုနိုင်ပါသည်။။ ‘ဘာသာစကားနှစ်မျိုးသုံး စကားပြောစွမ်းရည်ပြိုင်ပွဲ’ကိုကျောင်းပြိုင်ပွဲ၊ ဒေသပြိုင်ပွဲများမှတစ်ဆင့် နှစ်စဉ် 11လပိုင်းထဲတွင် နိုင်ငံလုံးဆိုင်ရာပြိုင်ပွဲအဖြစ် ကျင်းပပါသည်။

အခြေခံ ပညာရေးအရည်အချင်းများ သို့မဟုတ် ကိုရီးယား ဘာသာစကား တတ်ကျွမ်းမှု မရှိသော ရွှေ့ပြောင်းနေထိုင်မှု နောက်ခံရှိသည့် ကျောင်းသားကျောင်းသူများကို ၎င်းတို့၏ ကျောင်းများတွင် အံဝင်ခွင်ကျ ဖြစ်စေရန်နှင့် ၎င်းတို့၏ ပညာရေးဆိုင်ရာ အရည်အချင်းများကို ပိုမိုတိုးတက်စေရန်အတွက် ဘွဲ့ကြိုများနှင့် တစ်ဦးလျှင်တစ်ဦးချင်း တွဲဖက်ပေးပါသည်။ ပညာရေးဆိုင်ရာ သင်ကြားပေးခြင်း သို့မဟုတ် ကျောင်းနေဘဝတွင် အံဝင်ခွင်ကျဖြစ်စေရန် သင်ကြားပြသပေးခြင်း ကဲ့သို့သော ပံ့ပိုးမှုကိုပေးရန်အတွက် ကျောင်းဆင်းချိန် သို့မဟုတ် ကျောင်းခရီးစဉ်များအတွင်း ဘွဲ့ကြိုသင်ကြားပြသပေးသူက ရွှေ့ပြောင်းနေထိုင်မှု နောက်ခံရှိသည့် သင်ကြားပြသမှု ခံယူသူ ကျောင်းသားကျောင်းသူ တက်ရောက်သည့် ကျောင်း သို့မဟုတ် စင်တာသို့ လာရောက်ပါသည်။ ကျောင်း သို့မဟုတ် ရပ်ရွာ ကလေးပြုစုစောင့်ရှောက်မှု စင်တာတစ်ခုမှတစ်ဆင့် လျှောက်ထားခြင်းဖြင့် ပရိုဂရမ်တွင် သင်ပါဝင်နိုင်ပါသည်။