-
01ကိုရီးယားသမ္မတနိုင်ငံအကြောင်း မိတ်ဆက်
-
02နိုင်ငံခြားသွေးနှောမိသားစုနှင့် နိုင်ငံခြားသား ပံ့ပိုးရေး ဝန်ဆောင်မှု
-
03နေထိုင်ခွင့်နှင့် နိုင်ငံသားခံယူခြင်း
-
04ကိုရီးယားယဉ်ကျေးမှုနှင့် လူနေမှုဘဝ
-
05ကိုယ်ဝန်ဆောင်ခြင်းနှင့် ကလေးပြုစုခြင်း
-
06သားသမီးပညာရေး
-
07ကျန်းမာရေးနှင့် ဆေးဝါးကုသမှု
-
08လူမှုရေးအာမခံချက်စနစ်
-
09လုပ်ငန်းခွင်ဝင်ခြင်းနှင့် အလုပ်လုပ်ခြင်း
-
10နောက်ဆက်တွဲ
-
Chapter မိတ်ဆက်ဗွီဒီယို
-
FAQ
-
မိသားစုစင်တာ လက်ရှိအခြေအနေ
-
ဒါနူရီကောလ်စင်တာ လက်ရှိအခြေအနေ
-
ရွှေ့ပြောင်းနေထိုင်မှု နောက်ခံရှိသော လူငယ်များ အထောက်အကူပြုဖောင်ဒေးရှင်း
-
အမျိုးသမီး saeilစင်တာ(အလုပ်သစ်စတင်ရေးစင်တာ) လက်ရှိအခြေအနေ
-
လဝက၊ နိုင်ငံခြားသားရေးရာဌာနနှင့် လဝက၊ နိုင်ငံခြားသားရေးရာရုံး
-
ကိုရီးယားခရီးသွားအဖွဲ့အစည်း ခရီးသွားလမ်းညွှန်
-
ကိုရီးယားနိုင်ငံဆိုင်ရာ နိုင်ငံခြားသံရုံး ဖုန်းနံပါတ်များ
-
ပုဂ္ဂိုလ်ရေးအချက်အလက်များ ကာကွယ်ထိန်းသိမ်းရေး လမ်းညွှန်
-
ဒါနူရီကောလ်စင်တာ : 1577-1366
가족상담전화 : 1644-6621
ဆိုးလ် ဂျွန်းဂူ ထွယ်ဂရဲရို 173၊ 21လွှာ၊ 24လွှာ(ချွန်းမူရို 3ဂါ၊ NAMSAN SQUARE building)
Copyright ⓒ KOREA INSTITUTE FOR HEALTHY FAMILY. All Rights Reserved
Dim
- ကိုရီးယားနိုင်ငံမှာ နေသားကျနိုင်ဖို့အတွက် အကူအညီလိုချင်ပါတယ်။
- ကိုရီးယားနိုင်ငံတွင် နေသားကျရန် အခက်အခဲရှိသော နိုင်ငံခြားသွေးနှောမိသားစုများအတွက် မိသားစုပညာပေးခြင်း၊ ဆွေးနွေးမှုများ လုပ်ပေးခြင်း၊ ဘာသာစကား ပရိုဂရမ်များ စသည်တို့ကို တစ်နိုင်ငံလုံးရှိ 231ခုသော နိုင်ငံခြားသွေးနှောမိသားစု အထောက်အကူပြုစင်တာများတွင် စီစဉ်ဆောင်ရွက်ပေးလျက် ရှိပါသည်။ စင်တာများမှ စီစဉ်ပေးသော ဝန်ဆောင်မှု အကြောင်းအရာ အသေးစိတ်ကို နေထိုင်ရာ ဒေသဆိုင်ရာ နိုင်ငံခြားသွေးနှောမိသားစု အထောက်အကူပြုစင်တာများတွင် မေးမြန်းစုံစမ်းနိုင်ပါသည်။
*ဒါနူရီကောလ်စင်တာ(1577-1366)သို့ မေးမြန်းခြင်း သို့မဟုတ် ဒါနူရီ ဝက်ဘ်ဆိုက်(www.liveinkorea.kr)၏ ဒေသအလိုက် နိုင်ငံခြားသွေးနှောမိသားစု အထောက်အကူပြုစင်တာ အချက်အလက်များကို ကိုးကားနိုင်ပါသည်။
- ဖုန်းနဲ့ ဥပဒေရေးရာဆွေးနွေးမှုများ လုပ်ချင်ပါတယ်။ အကူအညီ ရနိုင်မလား။
- နိုင်ငံခြားသွေးနှောမိသားစု အထွေထွေအချက်အလက်ဆိုင်ရာ ကောလ်စင်တာ(ဒါနူရီကောလ်စင်တာ, ☎1577-1366)သည် ကိုရီးယားရှေ့နေများအသင်းနှင့် ချိတ်ဆက်ပြီး ဖုန်းဖြင့် ဥပဒေရေးရာဆွေးနွေးမှုများကို လုပ်ဆောင်ပေးလျက် ရှိပါသည်။ ထို့အပြင် အခက်အခဲဆွေးနွေးမှုများနှင့် အရေးပေါ်ထောက်ပံ့မှုများ၊ အမျိုးမျိုးသော ကိုရီးယားနေထိုင်မှုဆိုင်ရာ အချက်အလက်များ၊ စကားပြန်ဝန်ဆောင်မှုနှင့် 3ပွင့်ဆိုင် ဖုန်းပြောပြီး အကူအညီပေးခြင်း ဝန်ဆောင်မှုအား ဘာသာစကား 13မျိုး(ကိုရီးယား၊ အင်္ဂလိပ်၊ တရုတ်၊ ဗီယက်နမ်၊ တဂ္ဂလော့(ဖိလစ်ပိုင်)၊ ခမာ(ကမ္ဘောဒီယား)၊ မွန်ဂို၊ ရုရှား၊ ဂျပန်၊ ထိုင်း၊ လာအို၊ ဥဇဘက်၊ နီပေါ)ဖြင့် ဆွေးနွေးပေးပါသည်။ ဟန်းဖုန်းထဲတွင် ☎1577-1366 ကို သိမ်းထားပါက ပိုမို အဆင်ပြေလွယ်ကူစွာ ဒါနူရီကောလ်စင်တာကို အသုံးပြုနိုင်ပါသည်။
- နိုင်ငံခြားသွေးနှောမိသားစုဆိုင်ရာ အထောက်အကူပြု အချက်အလက်များကို တစ်နေရာတည်းမှာ ရယူချင်ပါတယ်။
- နိုင်ငံခြားသွေးနှောမိသားစုနှင့် ကိုရီးယားနိုင်ငံသားနှင့် လက်ထပ်ထားသူများအတွက် လိုအပ်သည့် အမျိုးမျိုးသော အချက်အလက်များကို တစ်နေရာတည်းတွင် ရယူနိုင်သည့်နေရာ ရှိပါသည်။ ၎င်းမှာ portal<ဒါနူရီ>ဖြစ်ပါသည်။ ယဉ်ကျေးမှုစုံ အကြောင်းများ၊ နိုင်ငံခြားသွေးနှောမိသားစု အထောက်အကူပြုစင်တာ အချက်အလက်များ၊ ယဉ်ကျေးမှုပေါင်းစုံနှင့် ဆက်စပ်သောဌာနများနှင့် ပူးပေါင်းပြီး နေထိုင်မှုဆိုင်ရာ အချက်အလက်များကို ဘာသာစကား 13မျိုးဖြင့် ဆီလျော်အောင် တင်ပေးထားပါသည်။ အင်တာနက်ထဲ ဝင်ပြီး လိပ်စာဘား၌ ‘www.liveinkorea.kr’ဟု ရိုက်ထည့်ပါ။ Bookmarkထဲ ထည့်ထားလျှင် ပိုမို အဆင်ပြေလွယ်ကူစွာ portal <ဒါနူရီ> ဝန်ဆောင်မှုများကို အသုံးပြုနိုင်မည် ဖြစ်ပါသည်။
-
- ကိုရီးယားဘာသာစကားလည်း ကျွမ်းကျင်ပြီး အမေ့နိုင်ငံရဲ့ ဘာသာစကားလည်း ကျွမ်းကျင်တဲ့ ကလေးအဖြစ် ကြီးပြင်းစေချင်ပါတယ်။
- ငယ်ရွယ်စဉ်မှစပြီး မိခင်ဖက်မှ ဘာသာစကားကို သဘာဝကျကျ ထိတွေ့ ရင်းနှီးစေခြင်းဖြင့် မိခင်နှင့် စိတ်ခံစားမှုပိုင်းအရလည်း ရင်းနှီးမှုကို ခံစားစေရုံမျှမက ဘာသာစကား နှစ်မျိုးလုံးကိုလည်း ကျွမ်းကျင်ပိုင်နိုင်စွာ အသုံးပြုနိုင်သော ကလေးအဖြစ် ကြီးပြင်းလာနိုင်ပါသည်။ ထို့အပြင် အိမ်တွင် ဘာသာစကား နှစ်မျိုးလုံး အသုံးပြုနိုင်သည့် ပတ်ဝန်းကျင်ကို ဖန်တီးပေးခြင်းဖြင့် နိုင်ငံခြားသွေးနှောမိသားစု၏ သားသမီးများ၏ ဖြစ်တည်မှု တည်ဆောက်ခြင်းနှင့် ကမ္ဘာလုံးဆိုင်ရာ လူရည်ချွန်တစ်ယောက်အဖြစ်လည်း ကြီးပြင်းလာနိုင်ပါသည်။ ဘာသာစကား နှစ်မျိုးသုံး မိသားစုပတ်ဝန်းကျင် တည်ဆောက်ရေးပရိုဂရမ်နှင့် မိဘများအတွက် သင်တန်းများကို နေထိုင်ရာဒေသဆိုင်ရာ နိုင်ငံခြားသွေးနှောမိသားစု အထောက်အကူပြုစင်တာများတွင် စီစဉ်ပေးလျက်ရှိသောကြောင့် စုံစမ်းမေးမြန်းပြီး အသုံးပြုနိုင်ပါသည်။(စုံစမ်းရန် : ဒါနူရီကောလ်စင်တာ ☎1577-1366)
- ပြည်ပမှ ပြန်လာသော သားသမီးများ၊ ယဉ်ကျေးမှုနောက်ခံ မတူသော လူငယ်များအတွက် ကူညီပံ့ပိုးပေးသော နေရာများ ရှိပါသလား။
- ဟုတ်ကဲ့၊ ရှိပါသည်။ ‘မူဂျီဂဲလူငယ်စင်တာ’သည် အသက် 9နှစ်~24နှစ် ရွှေ့ပြောင်းနေထိုင်မှု နောက်ခံရှိသော လူငယ်များအတွက် ဒေသဆိုင်ရာ ဌာနများနှင့် ပူးပေါင်းကာ အမျိုးမျိုးသော ပရိုဂရမ်များကို စီစဉ်ပေးလျက် ရှိပါသည်။ နေထိုင်ရေး၊ အခြေချရေး၊ ပညာရေး၊ လုပ်ငန်းခွင်ဝင်ရောက်ရေးနှင့် အလုပ်အကိုင် လမ်းကြောင်းများ၊ နေထိုင်မှုဆိုင်ရာ အချက်အလက်များ အားလုံးကို လမ်းညွှန်ပေးပြီး ဆွေးနွေးမှုနှင့် စိတ်ပိုင်းဆိုင်ရာ နှစ်သိမ့်အားပေးခြင်း ပရောဂျက်များလည်း စီစဉ်ပေးလျက်ရှိပါသည်။ တစ်ဦးချင်းနှင့် ကိုက်ညီသော ပုံစံများဖြင့် အချက်အလက်များကို ရယူလိုပါက☎02-733-7587သို့ ဖုန်းဆက်ပြီး ဝန်ဆောင်မှု အထောက်အကူများ ရယူနိုင်ပါသည်။
- လုပ်ငန်းခွင်ဝင်ခြင်းဆိုင်ရာ အချက်အလက်များ ရယူလိုပါတယ်။
- ကိုရီးယားနိုင်ငံတွင် အတည်တကျ အခြေချနေထိုင်နိုင်ရေးနှင့် နေသားကျစေရေးအတွက် ‘အမျိုးသမီး saeil(အလုပ်သစ်စတင်ရေးစင်တာ)’(☎1544-1199)သည် ကိုရီးယားနိုင်ငံသားနှင့် လက်ထပ်ထားသော အမျိုးသမီးများအတွက် internshipဆင်းခြင်း၊ အသက်မွေးဝမ်းကျောင်းသင်တန်းများပေးခြင်း စသည်တို့ကို စီစဉ်ဆောင်ရွက်ပေးလျက်ရှိပါသည်။ ထို့အပြင် အလုပ်ခန့်ထားရေးနှင့် အလုပ်သမားဝန်ကြီးဌာန(☎1350, www.work24.go.kr)ရှိ ပြည်သူ့လုပ်ငန်းခွင်ဝင်ရောက်ရေး အထောက်အကူပြုစနစ်ခေါင်းစဥ်အောက်တွင် ကိုရီးယားနိုင်ငံသားနှင့် လက်ထပ်ထားသူများအတွက် လုပ်ငန်းခွင်ဝင်ခြင်းဆိုင်ရာ အမျိုးမျိုးသော အချက်အလက်များ တင်ပေးခြင်းဖြင့် လုပ်ငန်းခွင်သို့ အောင်မြင်စွာ ဝင်ရောက်နိုင်စေရန် အထောက်အကူပြုနေပါသည်။ ပိုမို အသေးစိတ်သော အချက်များကို portal ဒါနူရီ (www.liveinkorea.kr)တွင် ရှာဖွေကြည့်ရှုနိုင်ပါသည်။
- ကိုယ်ဝန်ဆောင်မိခင်အတွက် ဘယ်လိုဝန်ဆောင်မှုတွေ ရှိပါသလဲ။
- ကိုယ်ဝန်ဆောင်မိခင်များ အားလုံး(ကိုရီးယားနိုင်ငံသားနှင့်လက်ထပ်ထားသူ အပါအဝင်)သည် ကိုယ်ဝန်ရှိပြီဆိုပါက ဒေသန္တရကျန်းမာရေးဌာနတွင် အခမဲ့ ကျန်းမာရေးစောင့်ရှောက်မှုများ ရယူနိုင်ပါသည်။ ဒေသန္တရကျန်းမာရေးဌာနတွင် စာရင်းသွင်းရုံဖြင့် ကိုယ်ဝန်ဆောင်ကာလအတွင်း အခမဲ့ စစ်ဆေးမှုများ ရယူနိုင်ပါသည်။ ထို့အပြင် ကိုယ်ဝန် ရပြီးနောက် ကိုယ်ဝန် အပတ်ရေအလိုက် သံဓာတ်အားဆေး၊ ဖောလစ်အက်ဆစ်များလည်း ထုတ်ပေးပါသည်။ နေထိုင်ရာဒေသဆိုင်ရာ ဒေသန္တရကျန်းမာရေးသို့ သွားရောက်ပြီး ရရှိနိုင်သော ဝန်ဆောင်မှုများနှင့် ကိုယ်ဝန်ဆောင်မိခင် ပညာပေး ပရိုဂရမ်များကို စုံစမ်းကြည့်နိုင်ပါသည်။
- ကျန်းမာရေးအာမခံစနစ်အကြောင်း သိချင်ပါတယ်။
- ကိုရီးယားနိုင်ငံသည် ဝင်ငွေနှင့် ပိုင်ဆိုင်မှု စသည်တို့အပေါ် မူတည်ပြီး လစဉ် သတ်မှတ် အာမခံကြေးအား ပေးသွင်းရသော ကျန်းမာရေးအာမခံစနစ်ကို ကျင့်သုံးလျက် ရှိပါသည်။ကျန်းမာရေးအာမခံ ဝင်ထားပါက နာမကျန်းဖြစ်သည့်အခါ သို့မဟုတ် ကလေးမီးဖွားသည့်အခါ ကုန်ကျစရိတ် သက်သာစွာဖြင့် ဆေးရုံဆေးခန်းများကို အသုံးပြုနိုင်ပါသည်။ ထို့အပြင် ပုံမှန် ကျန်းမာရေးစစ်ဆေးမှုများကိုလည်း ခံယူနိုင်ပါသည်။ ကျန်းမာရေးအာမခံ အာမခံကြေး၊ အာမခံဝင်ရန် သတ်မှတ်ချက်၊ အကျိုးကျေးဇူး စသည့် အချက်များကို အမျိုးသားကျန်းမာရေးအာမခံဌာန(☎1577-1000) သို့မဟုတ် နိုင်ငံခြားဘာသာစကား(အင်္ဂလိပ်၊ တရုတ်၊ ဗီယက်နမ်)များဖြင့် ဆွေးနွေးနိုင်သော ဖုန်းနံပါတ်(033-811-2000)သို့ ဆက်သွယ်မေးမြန်းစုံစမ်းနိုင်ပါသည်။
- နိုင်ငံခြားသွေးနှောမိသားစု အစိုးရအိမ်ရာ ဦးစားပေးစနစ်အကြောင်း သိချင်ပါတယ်။
- နိုင်ငံခြားသွေးနှောမိသားစု၏ အိမ်ရာလိုအပ်မှုအား အထောက်အကူပြုရန် အခြားသူများနှင့် ယှဉ်ပြိုင်စရာမလိုဘဲ အိမ်ရာများအား ဦးစားပေးစနစ်ဖြင့် ခွဲတမ်းချပေးသော စနစ်ဖြစ်ပါသည်။ 「နိုင်ငံခြားသွေးနှောမိသားစု အထောက်အကူပြုဥပဒေ」 ပုဒ်မ 2အရ နိုင်ငံခြားသွေးနှောမိသားစု၏ မိသားစုဝင်တစ်ဦးအနေနှင့် အိမ်ထောင်ဖက်နှင့် 3နှစ်အထက် တစ်အိမ်တည်း၌ ပေါင်းသင်းနေထိုင်သူ ဖြစ်ရမည်ဖြစ်ပြီး၊ လျှောက်ထားသူ မိမိအပါအဝင် မိသားစုဝင် အားလုံးသည် အိမ်ပိုင်ဆိုင်မှု ရှိ၍ မရပါ။ ထို့အပြင် အိမ်ရာလျှောက်ရန် ဘဏ်စာအုပ် သက်တမ်း 6လကျော် ရှိရမည်ဖြစ်ပြီး၊ လစဉ် သတ်မှတ်ပမာဏကို 6ကြိမ်နှင့်အထက် ထည့်သွင်းထားသူ ဖြစ်ရပါမည်။ အိမ်ငှားခေါ်ယူခြင်း ကြေညာချက်စာကို ဒေသဆိုင်ရာ(မြို့၊ ကျွန်းဒေသ သို့မဟုတ် မြို့၊ ခရိုင်၊ မြို့နယ်) ဟုမ်းပေ့ချ် စသည်တို့တွင် စစ်ဆေးကြည့်နိုင်ပါသည်။
အဆိုပါ လမ်းညွှန်စာအုပ်သည် “ဂုံးဂုံးနူရီ ပုံစံ 4 : အရင်းအမြစ်ဖော်ပြရန်+ကိုယ်ကျိုးအတွက် အသုံးပြုခြင်း မပြုရ+ပြောင်းလဲဖော်ပြခြင်း မပြုရ” သတ်မှတ်ချက်များပေါ် မူတည်ပြီး အသုံးပြုနိုင်ပါသည်။
Dim
Dim
딤영역
딤영역
