Information Plus
ဒါနူရီကောလ်စင်တာ
1577-1366
မိသားစုဆွေးနွေးမှုဖုန်းနံပါတ်
1644-6621
한국생활안내 정보더하기 사이트로 이동
  • ကိုရီးယားကျန်းမာပျော်ရွှင်မိသားစုကမ္ဘာပရိုမိုးရှင်းစင်တာ

ဒါနူရီကောလ်စင်တာ : 1577-1366

가족상담전화 : 1644-6621

ဆိုးလ် ဂျွန်းဂူ ထွယ်ဂရဲရို 173၊ 21လွှာ၊ 24လွှာ(ချွန်းမူရို 3ဂါ၊ NAMSAN SQUARE building)

Copyright ⓒ KOREA INSTITUTE FOR HEALTHY FAMILY. All Rights Reserved

이전 페이지로

ရှေးဦးသူနာပြုစုခြင်း

  • ပင်မစာမျက်နှာ
  • ကျန်းမာရေးနှင့် ဆေးဝါးကုသမှု
  • ရှေးဦးသူနာပြုစုခြင်း

ရှေးဦးသူနာပြုစုခြင်း

မတော်တဆမှု ဖြစ်သည့်အခါ မှန်ကန်မြန်ဆန်သော ရှေးဦးသူနာပြုစုခြင်းကို လုပ်နိုင်ရုံဖြင့် လူနာ၏ နာကျင်မှုကို လျှော့ချပေးနိုင်ပြီး ပိုမဆိုးရွားလာအောင် တားဆီးနိုင်ပါသည်။ ရှေးဦးသူနာပြုစုခြင်း လုပ်ပြီးနောက်တွင် လျင်မြန်စွာ☎119(အရေးပေါ်ကယ်ဆယ်ရေးဖုန်းနံပါတ်) သို့မဟုတ် ဆေးရုံ အရေးပေါ်ခန်းသို့ ဆက်သွယ်ပြီး အန္တရာယ်ကင်းစွာဖြင့် ဆေးရုံသို့ ပို့ဆောင်ရမည် ဖြစ်ပါသည်။

  • 눈에 이물질이 들어갔을 때
    (1) မျက်လုံးထဲ တစ်ခုခု ဝင်သွားသည့်အခါ
    မျက်စံကို ရွေ့လျားလိုက်ပါက ဒဏ်ရာက ပိုဆိုးလာနိုင်သည့်အတွက် မလှုပ်ဘဲ နေရမည်။ မျက်လုံးထဲ တစ်ခုခု စိုက်ဝင်နေပါက ဆွဲမထုတ်ဘဲ၊ ထိခိုက်သည့် မျက်လုံးကို ပတ်တီးဖြင့် စည်းပြီးနောက် မျက်လုံး နှစ်ဖက်လုံးကို မှိတ်ထားပါ။ ပြီးနောက် မြန်ဆန်စွာ ဆေးရုံသို့ ပို့ပါ။
  • 이가 빠졌을 때
    (2) သွား ကျိုးသွားသည့်အခါ
    ကျိုးသွားသည့် သွားနေရာ၌ သွားကို သတိထားပြီး ပြန်ထည့်ကာ သွားနှင့်ခံတွင်းအထူးကုဌာနသို့ သွားပါ။ အကယ်၍ သွားကို သူ့နေရာသူ ပြန်ထည့်၍ မရသော အနေအထားဖြစ်ပါက လူနာ၏ ပါးစပ်ထဲ သို့မဟုတ် နွားနို့ ခပ်နွေးနွေးထဲ ထည့်ပြီး ယူသွားပါ။ ကျိုးသွားသည့် သွားကို အရမ်း သန့်ရှင်းနေအောင် ဆေးကြောခြင်းသည် မကောင်းပါ။
  • 코피가 날 때
    (3) နှာခေါင်းသွေးလျှံသည့်အခါ
    အရင်ဦးဆုံး ဦးခေါင်းကို ရှေ့ကို ငိုက်ထားပြီး အသက်ရှူရင်း နှာခေါင်းရိုးအောက်ပိုင်းကို ကိုင်ထားပါ။ ထိုအချိန်တွင် စကားပြောခြင်း၊ တံထွေးမျိုချခြင်း၊ ချောင်းဆိုးခြင်း မပြုလုပ်ရပါ။ 10မိနစ်ခန့် ကြာသွားသည့်တိုင်အောင် သွေးမတိတ်ပါက ချက်ချင်း ဆေးရုံသို့ သွားရပါမည်။ နှာခေါင်းသွေး တိတ်သွားသည့်နောက်မှာလည်း ဦးခေါင်းကို အချိန်အတော်ကြာကြာ ရှေ့သို့ ငိုက်ထားပြီး ကြက်သီးနွေးရေဖြင့် နှာခေါင်းနှင့် ပါးစပ်တစ်ဝိုက်ကို သုတ်ပေးပြီး ရုပ်ပိုင်းဆိုင်ရာ ဖိအားကို ရှောင်ကြဉ်ပါ။
  • 화상을 입었을 때
    (4) မီးလောင်ဒဏ်ရာ ရသည့်အခါ
    မီးလောင်ဒဏ်ရာ ပြင်းထန်ပြီး ဒဏ်ရာက ကြီးပါက ဆေးကုသမှု လိုအပ်ပါသည်။ လောလောဆယ် ပိုးသတ်ထားသည့် ပတ်တီးစအပါးဖြင့် ပတ်ပြီးနောက် အသက်ရှူသည့် အခြေအနေကို စောင့်ကြည့်ရင်း လျင်မြန်စွာ ဆေးရုံသို့ သွားရပါမည်။ ဒဏ်ရာက မပြင်းထန်ပါက ဒဏ်ရာနေရာမှ အဝတ်ကို ကတ်ကြေးဖြင့် ဝိုက်ညှပ်ပြီး၊ ရေအေးဖြင့် အနည်းဆုံးး မိနစ် 20လောက် ဆေးချခြင်းဖြင့် အအေးခံပေးခြင်းသည် ကောင်းပါသည်။ ဒဏ်ရာ နေရာကို လုံးဝ ပွတ်သပ်ခြင်း မပြုဘဲ၊ အရည်ကြည်ဖုကိုလည်း မဖောက်ပါနှင့်။ ဒဏ်ရာ ပြင်းထန်ပါက လိမ်းဆေးတစ်ခုတည်းဖြင့် မလုံလောက်ပါ။ ဒဏ်ရာနေရာကို နှလုံးထက် ပိုမြင့်အောင် မ ထားလျှင် နာကျင်မှုဝေဒနာကို လျှော့ချပေးနိုင်ပါသည်။
  • 감전되었을 때
    (5) ဓာတ်လိုက်သည့်အခါ
    ချက်ချင်း ပါဝါကို ပိတ်ပါ။ ပါဝါကို ပိတ်၍မရသည့် နေရာဖြစ်ပါက လျှပ်စစ် မစီးနိုင်သော အဝတ်အစားကို ဝတ်ဆင်ကာ၊ လျှပ်စစ် မစီးနိုင်သော အရာကို အသုံးပြုပြီး ဓာတ်လိုက်စေသော အရာအား လူနာထံမှ ဖယ်ရှားပါ။ ကယ်ဆယ်ပြီးနောက်တွင် လူနာက သတိလစ်ခြင်းရှိမရှိ ကြည့်ပြီး၊ သတိလစ်နေပါက အသက်ရှူခြင်းနှင့် သွေးခုန်နှုန်းကို စစ်ဆေးပါ။ အသက်ရှူရပ်သွားပါက ပါးစပ်မှပါးစပ် လေမှုတ်သွင်းခြင်း၊ သွေးခုန်နှုန်းရပ်တန့်သွားပါက ပါးစပ်မှပါးစပ် လေမှုတ်သွင်းခြင်းနှင့်အတူ ရင်ညွန့်ရိုးပေါ် လက်ဖနောင့်နှစ်ခု ထပ်တင်၍ဖိခြင်း(CPR) ဆောင်ရွက်ပါ။ ဓာတ်လိုက်ခြင်းသည် ခန္ဓာကိုယ်အတွင်းပိုင်း၌ မီးလောင်ဒဏ်ရာ ဖြစ်စေနိုင်သည့်အတွက်ကြောင့် လူနာ သတိရှိနေသော်လည်း ချက်ချင်း အရေးပေါ်လူနာခန်းသို့ ပို့ပြီး ဆရာဝန်နှင့် ဆေးကုသမှု ခံယူရပါမည်။
  • 일사병·열사병
    (6) အပူရှပ်ခြင်းနှင့် အပူဒဏ်ကြောင့် သတိလစ်ခြင်း
    အပူရှပ်ခြင်းသည် ဦးခေါင်း သို့မဟုတ် လည်ပင်းနေရာကို နေရောင် တိုက်ရိုက်ထိ၍ ဖြစ်ပေါ်သော ရောဂါဖြစ်ပြီး၊ အပူဒဏ်ကြောင့် သတိလစ်ခြင်းသည် ခန္ဓာကိုယ်အတွင်းမှ အပူကို ခန္ဓာကိုယ်ပြင်ပသို့ မထုတ်နိုင်သည့်အခါ၌ ဖြစ်ပေါ်သော ရောဂါဖြစ်ပါသည်။ ၎င်း အခြေအနေတွင် လူနာအား အေးမြပြီး အရိပ်ကောင်းသော နေရာသို့ ရွှေ့ပေးခြင်းသည် အရေးကြီးပါသည်။ ရှေးဦးစွာ အဝတ်အစားကို ချွတ်ပြီး၊ ရေစိုနေ‌သော ပဝါ သို့မဟုတ် အခင်းဖြင့် လူနာကို အုပ်ပြီးနောက် ယပ်တောင် သို့မဟုတ် ပန်ကာဖြင့် လေပေးလျက် ဆေးရုံသို့ အမြန်ဆုံး ပို့ဆောင်ပါ။
  • 질식
    (7) အသက်ရှူလမ်းကြောင်း ပိတ်ဆို့ခြင်း
    အသက်ရှူလမ်းကြောင်း ပိတ်ဆို့သွားပါက ရုတ်တရက် အသက်ရှူရ ခက်သွားပါသည်။ ထို့ပြင် ဦးခေါင်းသည် နောက်သို့ လန်သွားပြီး မျက်ဖြူဆိုက်လာပြီး၊ ဆိုးရွားပါက မျက်နှာ ပြာနှမ်းလာသည်အထိ ဖြစ်ပါသည်။ ထိုအချိန်တွင် လူနာကို လေကောင်းလေသန့် ရသည့် နေရာသို့ ရွှေ့ပေးပါ။ သတိလစ်နေသော်လည်း အသက်ရှူနေသေးပါက မှောက်လျက် အနေအထားဖြင့် တဖြည်းဖြည်း ပြန်ကောင်းလာစေရန် ဆောင်ရွက်ပေးခြင်းသည် ကောင်းပါသည်။ အကယ်၍ အသက်မရှူခြင်း၊ အသက်ရှူရန် အလွန် ခက်ခဲနေပါက ချက်ချင်း ပါးစပ်မှပါးစပ် လေမှုတ်သွင်းသည့် အသက်ကယ်နည်းဖြင့် ဆောင်ရွက်ပြီး၊ ပြန်လည် ကောင်းမွန်လာမည့် အခြေအနေမဟုတ်ပါက ဆေးရုံသို့ အမြန်ဆုံး ပို့ဆောင်ပါ။
  • 뼈가 부러졌을 때
    (8) အရိုးကျိုးသွားသည့်အခါ
    ကျိုးသွားသည့် နေရာက ပုံစံပျက်နေခြင်း သို့မဟုတ် အရိုးက အရေပြားကို ဖောက်ထွက်နေပါက ဒဏ်ရာနေရာကို ပိုးသတ်ကာ မလှုပ်ရှားမိစေရန် ခပ်ကျပ်ကျပ်စည်းပြီး ကယ်ဆယ်ရေးအဖွဲ့ကို ခေါ်ပါ။ ဒဏ်ရာနေရာကို လုံးဝ မလှုပ်ရှားစေဘဲ၊ စောင် သို့မဟုတ် ခေါင်းအုံးကို သုံးပြီး နှလုံးထက် ပိုမြင့်အောင် မြှင့်ထားပေးပါ။ ရိုးရိုး အဆစ်လွဲခြင်းဖြစ်ပါက ဒဏ်ရာရသွားသည့် နေရာကို မျှော့ပတ်တီးဖြင့် ကျယ်ပြန့်စွာ ပတ်ပြီး လှုပ်ရှားမှုကို လျှော့လိုက်လျှင် အရောင်လည်း ကျသွားပါလိမ့်မည်။ နာကျင်မှုကို လျှော့ချသည့် နေရာတွင် ရေခဲကပ်ခြင်းသည် အကျိုးအာနိသင် ရှိပါသည်။
  • 손가락이 잘렸을 때
    (9) လက်ချောင်း ပြတ်သွားသည့်အခါ
    ပြတ်သွားသည့် လက်ချောင်းကို ပြန်ဆက်၍ ရနိုင်သည့်အတွက် မတော်တဆဖြစ်ပွားပြီးနောက် ချက်ချင်း သင့်တော်သော ရှေးဦးသူနာပြုစုခြင်းသည် အရေးကြီးပါသည်။ အရင်ဆုံး ဒဏ်ရာနေရာကို ဖိကာ သွေးတိတ်အောင် လုပ်ပြီး လက်ကို နှလုံးထက် မြင့်သော နေရာတွင် ထားပါ။ ပြတ်ထွက်သွားသည့် လက်ချောင်းကို ပတ်တီးစဖြင့် ပတ်ပြီး ရေခဲတုံးထည့်ထားသည့် ပလပ်စတစ်အိတ်ထဲသို့ ထည့်ကာ ဆေးရုံသို့ အမြန်ဆုံး ယူဆောင်သွားရမည် ဖြစ်ပါသည်။ ပြတ်သွားသည့် နေရာကို မဆင်မခြင် ကိုင်တွယ်ခြင်း မပြုရပါ။
အရင်းအမြစ်
အဆိုပါ လမ်းညွှန်စာအုပ်သည် “ဂုံးဂုံးနူရီ ပုံစံ 4 : အရင်းအမြစ်ဖော်ပြရန်+ကိုယ်ကျိုးအတွက် အသုံးပြုခြင်း မပြုရ+ပြောင်းလဲဖော်ပြခြင်း မပြုရ” သတ်မှတ်ချက်များပေါ် မူတည်ပြီး အသုံးပြုနိုင်ပါသည်။
အရင်အကြောင်းအရာ
ဒေသန္တရကျန်းမာရေးဌာန
နောက်အကြောင်းအရာ
ကျန်းမာရေးစစ်ဆေးခြင်း