ကိုရီးယားနိုင်ငံတွင်းနေထိုင်မှုလမ်းညွှန်

နို့စို့ကလေးနှင့် ကလေးငယ်များ အရွယ်သည် ခန္ဓာကိုယ်ကြီးထွားဖွံ့ဖြိုးမှု မြန်ဆန်ပြီး မိခင်ဆီမှ ပါလာသော ကိုယ်ခံအားသည် တဖြေးဖြေး လျော့နည်းလာသည့်အတွက် ရောဂါဖြစ်ပွားလွယ်သော အရွယ်ဖြစ်ပါသည်။ ထိုအရွယ်တွင် ဒေသန္တရကျန်းမာရေးဌာနမှတစ်ဆင့် နို့စို့ကလေးနှင့် ကလေးငယ်များ ကျန်းမာရေးစောင့်ရှောက်မှုယူခြင်းနှင့် မဖြစ်မနေ ထိုးရမည့် ကာကွယ်ဆေးများကို အခမဲ့ ထိုးနိုင်ပါသည်။

မွေးကင်းစ 3kg၊ 6လသား 2ဆ(6kg)၊ 1နှစ်သား 3ဆ(9kg)

မွေးကင်းစ 50cmခန့်၊ 1နှစ်သား 1.5ဆ(75cm)

ကာကွယ်ဆေးထိုးခြင်းဆိုသည်မှာ ကူးစက်တတ်သော ရောဂါများကို ကာကွယ်ရန် အတွက်၊ ကူးစက်ရောဂါကာကွယ်ဆေးအား ထိုးရန်လိုသည့် သူအား ထိုးပေးခြင်းကို ဆိုလိုပါသည်။

အသက် 12နှစ်အောက် ကလေးငယ်များ ထိုးရမည့် ကာကွယ်ဆေး 18မျိုးအား အခမဲ့ ထိုးပေးခြင်းဖြင့် ကာကွယ်ဆေး ထိုးနှုန်းအား မြှင့်တင်ပြီး၊ ကာကွယ်ဆေးထိုးရမည့် ကူးစက်ရောဂါများ ရန်မှ ပြည်သူများအား ကာကွယ်ပေးပါသည်။

အသည်းရောင်အသားဝါ Bပိုးရှိသူ မိခင်ဆီမှ မွေးဖွားလာသည့် မွေးကင်းစကလေးထံ အသည်းရောင်အသားဝါ Bပိုး ကူးစက်မှု* ကာကွယ်ပေးရန် လိုအပ်သော ကာကွယ်မှုဆိုင်ရာ ဆောင်ရွက်ချက်များနှင့် ရလဒ်ကို သိရှိနိုင်ရန် ဆောင်ရွက်ရသော ပဋိဇာတ်(antigen)နှင့် ပဋိပစ္စည်း(antibody) စစ်ဆေးမှု ကုန်ကျစရိတ် အလုံးစုံကို ထောက်ပံ့ပေးနေသော အစီအစဥ်ဖြစ်ပါသည်။

Human Papiloma ဗိုင်းရပ်စ်(HPVဟု ဆက်လက်ဖော်ပြမည်) ကူးစက်ရောဂါ ကာကွယ်ဆေးထိုးခြင်းဖြင့် HPVဗိုင်းရပ်စ် ကူးစက်ခြင်းကြောင့်*ဖြစ်ပွားတတ်သည့် သားအိမ်ခေါင်းကင်ဆာ၊ စအို၊ မိန်းမကိုယ်ကင်ဆာနှင့် ဦးခေါင်းနှင့် လည်ချောင်းဆိုင်ရာကင်ဆာများ စသည်တို့ကို ကာကွယ်နိုင်ပါသည်။ ​
HPV ကာကွယ်ဆေး၏ အကျိုးအာနိသင်ကို အမြင့်ဆုံး မျှော်လင့်ချက်ထားနိုင်ရန်အတွက် HPV ဗိုင်းရပ်စ်ကူးစက်ခြင်း၏ ကြီးမားသော အကြောင်းရင်းဖြစ်သည့် လိင်ဆက်ဆံမှု အတွေ့အကြုံ မရှိသေးမီ ကာကွယ်ဆေး အပြီးထိုးခြင်းသည် အရေးကြီးပါသည်။ ​
ရုပ်ပိုင်းဆိုင်ရာ၊ စိတ်ပိုင်းဆိုင်ရာအရ အပြောင်းအလဲ ကြီးမားသည့် ဘဝတစ်ဆစ်ချိုးအရွယ်ဖြစ်သည့် အသက် 12နှစ် ဆယ်ကျော်သက်အရွယ် အမျိုးသမီးများအတွက် ကျွမ်းကျင်ဆရာဝန်နှင့် ကျန်းမာရေးဆွေးနွေးမှု၊ HPV ကာကွယ်ဆေးထိုးခြင်း ဝန်ဆောင်မှုကို အတူတကွ လုပ်ပေးပြီး ကျန်းမာသော အမျိုးသမီးအဖြစ် ကြီးပြင်းလာနိုင်စေရန် အကူအညီပေးလျက် ရှိပါသည်။

တုပ်ကွေးမိပါက နောက်ဆက်တွဲရောဂါများ ဖြစ်နိုင်ချေ မြင့်မားပြီး အန္တရာယ်များသော အုပ်စုဝင်များဖြစ်သည့် သက်ကြီးရွယ်အိုများနှင့် ကိုယ်ဝန်ဆောင်မိခင်များ၊ ကလေးငယ်များ၏ တုပ်ကွေး ကာကွယ်ဆေးထိုးနှုန်းအား မြှင့်တင်ရေးနှင့် ရောဂါအပေါ် ကြောက်ရွံ့စိတ်ကို လျှော့ချပေးနိုင်ရန်အတွက် ကာကွယ်ဆေးထိုးရန် ကုန်ကျစရိတ် အလုံးစုံကို ထောက်ပံ့ပေးလျက် ရှိပါသည်။