Information Plus
ဒါနူရီကောလ်စင်တာ
1577-1366
မိသားစုဆွေးနွေးမှုဖုန်းနံပါတ်
1644-6621
한국생활안내 정보더하기 사이트로 이동
  • ကိုရီးယားကျန်းမာပျော်ရွှင်မိသားစုကမ္ဘာပရိုမိုးရှင်းစင်တာ

ဒါနူရီကောလ်စင်တာ : 1577-1366

가족상담전화 : 1644-6621

ဆိုးလ် ဂျွန်းဂူ ထွယ်ဂရဲရို 173၊ 21လွှာ၊ 24လွှာ(ချွန်းမူရို 3ဂါ၊ NAMSAN SQUARE building)

Copyright ⓒ KOREA INSTITUTE FOR HEALTHY FAMILY. All Rights Reserved

이전 페이지로

ရာသက်ပန်နေထိုင်ခွင့်(F-5)ဗီဇာ ရယူခြင်း

  • ပင်မစာမျက်နှာ
  • နေထိုင်ခွင့်နှင့် နိုင်ငံသားခံယူခြင်း
  • ရာသက်ပန်နေထိုင်ခွင့်(F-5)ဗီဇာ ရယူခြင်း

ရာသက်ပန်နေထိုင်ခွင့်(F-5)ဗီဇာ ရယူခြင်း

အောက်ဖော်ပြပါ စာရင်းဝင်သူများ ဖြစ်ပါက နေထိုင်ခွင့်ဗီဇာ အမျိုးအစားအလိုက် စာရွက်စာတမ်းများကို ပြင်ဆင်ကာ နေထိုင်ရာဒေသဆိုင်ရာ လဝက၊နိုင်ငံခြားသားရေးရာရုံး(ရုံး-ရုံးခွဲ)တွင် ရာသက်ပန်နေထိုင်ခွင့်(F-5)ဗီဇာ လျှောက်ထားနိုင်ပါသည်။

01လျှောက်ထားခွင့်ရှိသူများ

  1. 1ကိုရီးယားသမ္မတနိုင်ငံ 「တရားမဥပေဒ」အရ အရွယ်ရောက်ပြီးသူ တစ်ယောက်အနေနှင့် *ပူးတွဲပါ ဇယား 1၏ 2 ထဲမှ 10. စေလွှတ်ဝန်ထမ်း(D-7)မှ 20. အထူးလှုပ်ရှားလုပ်ကိုင်ခွင့်(E-7)အထိ နေထိုင်ခွင့်ဗီဇာများ၊ ပူးတွဲပါ ဇယား 1၏ 2 ထဲမှ 24. ရိုးရိုးနေထိုင်ခွင့်(F-2) ဗီဇာဖြင့် 5နှစ်အထက် ကိုရီးယားသမ္မတနိုင်ငံတွင် နေထိုင်လျက် ရှိသောသူ
  2. 2ပြည်သူ သို့မဟုတ် ရာသက်ပန်နေထိုင်ခွင့်ဗီဇာ(F-5) ရရှိထားသူ၏ အိမ်ထောင်ဖက် သို့မဟုတ် အရွယ်မရောက်သေးသော သားသမီးအနေနှင့် ကိုရီးယားသမ္မတနိုင်ငံတွင် 2နှစ်အထက် နေထိုင်လျက် ရှိသော သူ၊ကိုရီးယားသမ္မတနိုင်ငံတွင် မွေးဖွားသည့် အကြောင်းပြချက်ဖြင့် ဥပဒေ ပုဒ်မ 23 အရ နေထိုင်ခွင့် လျှောက်ထားသူအနေနှင့် မွေးဖွားစဉ်က ၎င်း၏ ဖခင် သို့မဟုတ် မိခင်သည် ရာသက်ပန်နေထိုင်ခွင့်ဗီဇာ(F-5)ဖြင့် ကိုရီးယားသမ္မတနိုင်ငံတွင် နေထိုင်လျက် ရှိသောသူများထဲမှ တရားရေးဝန်ကြီးဌာန ဝန်ကြီးမှ အသိအမှတ်ပြုထားသောသူ
  3. 3「နိုင်ငံခြားသားရင်းနှီးမြှပ်နှံမှု မြှင့်တင်ရေးဥပဒေ」အရ အမေရိကန်ဒေါ်လာ 5သိန်း ရင်းနှီးမြှပ်နှံထားသော နိုင်ငံခြားသားရင်းနှီးမြှပ်နှံသူအနေနှင့် 5ယောက်နှင့်အထက် ကိုရီးယားလူမျိုး ဝန်ထမ်း 5ယောက်ကို အလုပ်ခန့်ထားသောသူ
  4. 4ပူးတွဲပါ ဇယား 1၏ 2 ထဲမှ 26. ပြည်ပရောက်ကိုရီးယား(F-4) နေထိုင်ခွင့်ဗီဇာဖြင့် ကိုရီးယားသမ္မတနိုင်ငံတွင် 2နှစ်အထက် ဆက်တိုက် နေထိုင်လျက် ရှိသောသူအနေနှင့် ကိုရီးယားသမ္မတနိုင်ငံတွင် ဆက်လက်နေထိုင်ရန် လိုအပ်သည်ဟု တရားရေးဝန်ကြီးဌာန ဝန်ကြီးမှ အသိအမှတ်ပြုထားသောသူ
  5. 5「ပြည်ပရောက်ကိုရီးယားလူမျိုးများ၏ ပြည်ဝင်ပြည်ထွက်နှင့် ဥပဒေအရ အဆင့်နေရာနှင့် သက်ဆိုင်သော ဥပဒေ」 ပုဒ်မ 2 အပိုဒ် 2ရှိ ပြည်ပနိုင်ငံသားကိုရီးယားသွေးချင်းများအနေနှင့် 「နိုင်ငံသားဥပဒေ」အရ နိုင်ငံသားခံယူခွင့် အချက်(တူညီသော ဥပဒေ ပုဒ်မ 5 အပိုဒ် 1ရှိ 2 အရ လိုအပ်သောအချက်များမပါဝင်)များနှင့် ပြည့်စုံသောသူ
  6. 6ယခင် 「လူဝင်မှုကြီးကြပ်ရေးဥပဒေပြဌာန်းချက်」(သမ္မတအမိန့် အမှတ် 17579 ဖြင့် တစ်စိတ်တစ်ဒေသ ပြင်ဆင်ထားပြီး 2002. 4. 18. ထုတ်ပြန်ကြေညာ၊ ပြဌာန်းချက် မတိုင်မီက အကြောင်းအရာကို ဆိုလိုသည်) ပူးတွဲပါ ဇယား 1 နံပါတ် 27 အကွက်၏ ရိုးရိုးနေထိုင်ခွင့်(F-2)ဗီဇာ (၎င်းတွင် ပါဝင်သော ယခင်က နေထိုင်ခွင့်ဗီဇာ ရှိပြီးသူများ ပါဝင်သည်) ရှိခဲ့ဖူးသည့် သူများအနေနှင့် ကိုရီးယားသမ္မတနိုင်ငံတွင် ဆက်လက်နေထိုင်ရန် လိုအပ်သည်ဟု တရားရေးဝန်ကြီးဌာန ဝန်ကြီးမှ အသိအမှတ်ပြုထားသောသူ
  7. 7အောက်ပါ အချက်အသီးသီးထဲမှ တစ်ခုခုတွင် အကျုံးဝင်သော သူအနေနှင့် တရားရေးဝန်ကြီးဌာန ဝန်ကြီးမှ အသိအမှတ်ပြုထားသောသူ
    1. (က).ပြည်ပ၌ နယ်ပယ်တစ်ခုခုတွင် ပါရဂူဘွဲ့ ရရှိထားသောသူအနေနှင့် ရာသက်ပန်နေထိုင်ခွင့်ဗီဇာ(F-5) လျှောက်ထားသည့်အခါ ပြည်တွင်း ကုမ္ပဏီစသည်တို့တွင် အလုပ်ခန့်ထားခြင်း ခံရသူ
    2. (ခ).ပြည်တွင်း တက္ကသိုလ် ဘွဲ့လွန်တန်းတွင် ပါရဂူဘွဲ့ ရရှိထားသောသူ
  8. 8တရားရေးဝန်ကြီးဌာန ဝန်ကြီးမှ သတ်မှတ်ထားသော နယ်ပယ်၏ တက္ကသိုလ်ဘွဲ့နှင့်အထက် ဘွဲ့လက်မှတ် သို့မဟုတ် တရားရေးဝန်ကြီးဌာန ဝန်ကြီးမှ သတ်မှတ်ထားသော နည်းပညာပိုင်းဆိုင်ရာ ဆာတီဖီကိတ် ရရှိထားသော သူအနေနှင့် ပြည်တွင်း နေထိုင်ခွင့်ကာလ 3နှစ် အထက်ရှိကာ ရာသက်ပန်နေထိုင်ခွင့်ဗီဇာ(F-5) လျှောက်ထားသည့်အခါ ပြည်တွင်း ကုမ္ပဏီမှ အလုပ်ခန့်ထားခြင်း ခံရပြီး တရားရေးဝန်ကြီးဌာန ဝန်ကြီးမှ သတ်မှတ်ထားသော ငွေကြေးပမာဏ အထက် လစာ ရရှိနေသောသူ
  9. 9သိပ္ပံပညာ၊ စီမံခန့်ခွဲ့ရေး၊ ပညာရေး၊ ယဉ်ကျေးမှုအနုပညာနှင့် အားကစား စသည့် အထူး နယ်ပယ်များတွင် ထူးချွန်သည့် အရည်အချင်းရှိသော သူများထဲမှ တရားရေးဝန်ကြီးဌာန ဝန်ကြီးမှ အသိအမှတ်ပြုထားသောသူ
  10. 10ကိုရီးယားသမ္မတနိုင်ငံအတွက် ထူးခြားသော ပေးဆပ်မှုရှိသည်ဟု တရားရေးဝန်ကြီးဌာန ဝန်ကြီးမှ အသိအမှတ်ပြုထားသောသူ
  11. 11အသက် 60အထက်ရှိပြီး တရားရေးဝန်ကြီးဌာန ဝန်ကြီးမှ သတ်မှတ်ထားသော ငွေကြေးပမာဏနှင့်အထက် ပင်စင်ကို ပြည်ပမှ ရရှိနေသောသူ
  12. 12ပူးတွဲပါ ဇယား 1၏ 2ထဲမှ 29. လာရောက်အလုပ်လုပ်ကိုင်(H-2)ဗီဇာဖြင့် အလုပ်လုပ်နေသော သူအနေနှင့် ဆက်တိုက် အလုပ်လုပ်နေသော ကာလ၊ အလုပ်လုပ်ရာဒေသ၊ လုပ်ငန်းနယ်ပယ်၏ ထူးခြားချက်၊ လုပ်သားအင်အား မလုံလောက်သော အနေအထားများနှင့် ပြည်သူများ၏ အလုပ်ဝင်လိုစိတ် စသည်တို့ကို ထည့်သွင်းစဉ်းစားပြီး တရားရေးဝန်ကြီးဌာန ဝန်ကြီးမှ အသိအမှတ်ပြုထားသောသူ
  13. 13ပူးတွဲပါ ဇယား 1၏ 2 ထဲမှ 24. ရိုးရိုးနေထိုင်ခွင့်(F-2) 'ဂျာ'အချက်တွင် အကျုံးဝင်သော နေထိုင်ခွင့်ဗီဇာဖြင့် ကိုရီးယားသမ္မတနိုင်ငံတွင် 3နှစ်အထက် နေထိုင်လျက် ရှိသော သူအနေနှင့် ကိုရီးယားသမ္မတနိုင်ငံတွင် ဆက်လက်နေထိုင်ရန် လိုအပ်သည်ဟု တရားရေးဝန်ကြီးဌာန ဝန်ကြီးမှ အသိအမှတ်ပြုထားသောသူ
  14. 14ပူးတွဲပါ ဇယား 1၏ 2ထဲမှ 24. ရိုးရိုးနေထိုင်ခွင့်ဗီဇာ(F-2) 'ချာ'အချက်တွင် အကျုံးဝင်သော နေထိုင်ခွင့်ဗီဇာ ရပြီးနောက် 5နှစ်အထက် ဆက်တိုက် ရင်းနှီးမြှုပ်နှံမှု ဆက်လုပ်နေသော သူအနေနှင့် ကိုရီးယားသမ္မတနိုင်ငံတွင် ဆက်လက် နေထိုင်ရန် လိုအပ်သည်ဟု တရားရေးဝန်ကြီးဌာန ဝန်ကြီးမှ အသိအမှတ်ပြုထားသောသူနှင့် ၎င်း၏ အိမ်ထောင်ဖက်နှင့် သားသမီးများ (တရားရေးဝန်ကြီးဌာန ဝန်ကြီးမှ သတ်မှတ်ထားသော အချက်များနှင့် ပြည့်စုံသော သားသမီးသာလျှင် အကျုံးဝင်သည်။)
  15. 15ပူးတွဲပါ ဇယား 1၏ 2ထဲမှ 11. လုပ်ငန်းရင်းနှီးမြှုပ်နှံမှု(D-8) 'ဒါ'အချက်တွင် အကျုံးဝင်သော နေထိုင်ခွင့်ဗီဇာဖြင့် ကိုရီးယားသမ္မတနိုင်ငံတွင် 3နှစ်အထက် ဆက်တိုက် နေထိုင်လျက် ရှိသော သူအနေနှင့် ရင်းနှီးမြှုပ်နှံသူအား ဝမ် သိန်း 3ထောင်နှင့်အထက် ရင်းနှီးမြှုပ်နှံစေပြီး ကိုရီးယားနိုင်ငံသား ဝန်ထမ်း 2ဦးနှင့်အထက်အား ခန့်အပ်ထားခြင်း စသည့် တရားရေးဝန်ကြီးဌာန ဝန်ကြီးမှ သတ်မှတ်ထားသော အချက်များနှင့် ပြည့်စုံသောသူ
  16. 165နှစ်အထက် ရင်းနှီးမြှုပ်နှံမှုကို ဆက်လက်ထိန်းထားရမည့် သတ်မှတ်ချက်ဖြင့် တရားရေးဝန်ကြီးဌာန ဝန်ကြီးမှ သတ်မှတ်ပြီး ကြေညာချက်ထုတ်ထားသော ငွေကြေးပမာဏနှင့် အထက် ရင်းနှီးမြှုပ်နှံထားသော သူတစ်ယောက်အနေနှင့် တရားရေးဝန်ကြီးဌာန ဝန်ကြီးမှ သတ်မှတ်ထားသော အချက်များနှင့် ပြည့်စုံသောသူ
  17. 17ပူးတွဲပါ ဇယား 1၏ 2ထဲမှ 11. လုပ်ငန်းရင်းနှီးမြှုပ်နှံမှု (D-8) 'ဂါ'အချက်တွင် အကျုံးဝင်သော နေထိုင်ခွင့်ဗီဇာ ရရှိထားပြီး 「နိုင်ငံခြားသား ရင်းနှီးမြှုပ်နှံမှု မြှင့်တင်ရေး ဥပဒေပြဌာန်းချက်」 ပုဒ်မ 25 အပိုဒ် 1 နံပါတ် 4 အရ R&Dအတွက် မဖြစ်မနေ လိုအပ်သော ကျွမ်းကျင်လုပ်သားအနေနှင့် ကိုရီးယားသမ္မတနိုင်ငံတွင် 3နှစ်အထက် ဆက်တိုက် နေထိုင်လျက် ရှိသော သူအဖြစ် တရားရေးဝန်ကြီးဌာန ဝန်ကြီးမှ အသိအမှတ်ပြုထားသောသူ
  18. 18ပူးတွဲပါ ဇယား 1 ၏ 2 ထဲမှ 24. ရိုးရိုးနေထိုင်ခွင့်ဗီဇာ(F-2) 'ဒါ'အချက်တွင် အကျုံးဝင်သော နေထိုင်ခွင့်ဗီဇာဖြင့် 2နှစ်အထက် ကိုရီးယားသမ္မတနိုင်ငံတွင် နေထိုင်လျက် ရှိသောသူ
    • ပူးတွဲပါ ဇယား 1၏ 2 : လူဝင်မှုကြီးကြပ်ရေးဥပဒေပြဌာန်းချက်
  19. 19ပူးတွဲပါ ဇယား 1၏ 2 ထဲမှ 24. ရိုးရိုးနေထိုင်ခွင့်ဗီဇာ(F-2) 'ခါ'အချက်တွင် အကျုံးဝင်သော နေထိုင်ခွင့်ဗီဇာဖြင့် 2နှစ်အထက် ကိုရီးယားသမ္မတနိုင်ငံတွင် နေထိုင်လျက် ရှိသောသူ

02ရာသက်ပန်နေထိုင်ခွင့်ဗီဇာ လျှောက်ထားသည့်အခါ တင်ပြရမည့် စာရွက်စာတမ်းများ

တရားရေးဝန်ကြီးဌာန ဟိုင်းကိုရီးယား(www.hikorea.go.kr) – information sharing corner – immigration/ stay guide – immigration/ stay guide– ရာသက်ပန်နေထိုင်ခွင့်(F-5)တွင် ကြည့်ရန်
နေရပ်လိပ်စာ အထောက်အထားစာရွက်စာတမ်း
ဝန်ဆောင်ခ ဝမ် 200,000(နိုင်ငံခြားသားမှတ်ပုံတင်ကတ်ဖိုး ဝမ် 35,000သီးခြား)
  • လက်ရှိ ပေါင်းသင်းနေထိုင်မှု မရှိတော့ပါက၊ ပြည်ပနိုင်ငံသား ကိုရီးယားသွေးချင်းအနေနှင့် အိမ်ထောင်ဖက်သည် ကိုရီးယားနိုင်ငံသား(ပြည်ပနိုင်ငံသား ကိုရီးယားသွေးချင်းအနေနှင့် ကိုရီးယားနိုင်ငံသားခံယူခွင့် အချက်များနှင့် ပြည့်စုံသောသူ)ဖြစ်ပါက တင်ပြရမည့် စာရွက်စာတမ်းများနှင့် လျှောက်ထားခွင့်ဆိုင်ရာ အချက်များ မတူညီသည့်အတွက် နိုင်ငံခြားသား အထွေထွေလမ်းညွှန်မှုစင်တာ(☎1345)သို့ ဆက်သွယ် မေးမြန်းစုံစမ်းရပါမည်။

03ရာသက်ပန်နေထိုင်ခွင့်ဗီဇာ ပယ်ဖျက်ခြင်း (လူဝင်မှုကြီးကြပ်ရေးဥပဒေ ပုဒ်မ 89၏ အပိုဒ်2)

ရာသက်ပန်နေထိုင်ခွင့်ဗီဇာ ရထားသော်ြငား အောက်ဖော်ပြပါ ကိစ္စရပ်များ ဖြစ်ပေါ်ပါက ရာသက်ပန်နေထိုင်ခွင့်ဗီဇာ ပယ်ဖျက်ခံရနိုင်ပါသည်။

  • လိမ်လည်ပြီးဖြစ်စေ အခြား မမှန်ကန်သော နည်းလမ်းဖြင့် ရာသက်ပန်နေထိုင်ခွင့်ဗီဇာ ရရှိထားသည့်အခါ
  • 「ပြစ်မှုဆိုင်ရာဥပဒေ」၊ 「လိင်အကြမ်းဖက်မှု ပြစ်ဒဏ် စသည်တို့နှင့် စပ်လျဉ်းသော အထူးဥပဒေ」 စသည့် တရားရေးဝန်ကြီးဌာနအမိန့်ဖြင့် ချမှတ်ထားသော ဥပဒေတွင် ပြဌာန်းထားသော ပြစ်မှုအား ကျူးလွန်ပြီး 2နှစ်နှင့်အထက် အလုပ်ကြမ်းနှင့်ထောင်ဒဏ် သို့မဟုတ် ထောင်ဒဏ် ကျခံရသည့်အခါ
  • လတ်တလော 5နှစ်အတွင်း ၎င်း ဥပဒေ သို့မဟုတ် အခြားသော ဥပဒေများကို ချိုးဖောက်ပြီး အလုပ်ကြမ်းနှင့် ထောင်ဒဏ် သို့မဟုတ် ထောင်ဒဏ် ချမှတ်ခံရပြီး အမှန်တကယ် ကျခံရသည့် ပြစ်ဒဏ်ကာလ စုစုပေါင်း 3နှစ်နှင့် အထက်ဖြစ်သည့်အခါ
  • ကိုရီးယားသမ္မတနိုင်ငံတွင် သတ်မှတ်ပမာဏနှင့်အထက် ရင်းနှီးမြှုပ်နှံမှုအနေအထားကို ထိန်းထားရမည့် သတ်မှတ်ချက်ဖြင့် ရာသက်ပန်နေထိုင်ခွင့်ဗီဇာ ရထားသောသူ စသည့် သမ္မတအမိန့်ဖြင့် သတ်မှတ်ထားသော သူသည် ၎င်း ကန့်သတ်ချက်များကို ဖောက်ဖျက်ခဲ့သည့်အခါ
  • နိုင်ငံတော်လုံခြုံရေး၊ သံတမန်ဆက်ဆံရေးနှင့် ပြည်သူ့စီးပွားရေး စသည့် ကဏ္ဍများတွင် ကိုရီးယားသမ္မတနိုင်ငံ၏ အကျိုးအား ဆုတ်ယုတ်စေသော အပြုအမူများ လုပ်မိသည့်အခါ
ရာသက်ပန်နေထိုင်ခွင့်ဗီဇာ၏ အားသာချက်များ
  • ကိုရီးယား နိုင်ငံသားတစ်ဦးနှင့် လက်ထပ်ထားစဉ်အတွင်း ကိုရီးယားသမ္မတနိုင်ငံတွင် နှစ်နှစ်ဆက်တိုက်နှင့်အထက် နေထိုင်သော နိုင်ငံခြားသားများ
  • သုံးနှစ်ကျော်ကြာအောင် ကိုရီးယား နိုင်ငံသားတစ်ဦးနှင့် လက်ထပ်ထားပြီး လက်ထပ်ထားစဉ်အတွင်း ကိုရီးယားသမ္မတနိုင်ငံတွင် တစ်နှစ်နှင့်အထက် နေထိုင်သော နိုင်ငံခြားသားများ
  • ပြည်ပထွက်ခွာသည့် နေ့မှစပြီး 2နှစ်အတွင်း ပြန်လာရန် ရည်ရွယ်ထားပါက ပြည်ပြန်ဝင်ခွင့် လျှောက်ထားရန် မလိုပါ။
  • အလုပ်လုပ်ခွင့်နှင့် နေထိုင်ခွင့်ကာလ အကန့်အသတ် မရှိပါ။
အရင်းအမြစ်
အဆိုပါ လမ်းညွှန်စာအုပ်သည် “ဂုံးဂုံးနူရီ ပုံစံ 4 : အရင်းအမြစ်ဖော်ပြရန်+ကိုယ်ကျိုးအတွက် အသုံးပြုခြင်း မပြုရ+ပြောင်းလဲဖော်ပြခြင်း မပြုရ” သတ်မှတ်ချက်များပေါ် မူတည်ပြီး အသုံးပြုနိုင်ပါသည်။
အရင်အကြောင်းအရာ
နိုင်ငံခြားသား ပြည်ဝင်ခြင်းနှင့် နေထိုင်ခြင်း
နောက်အကြောင်းအရာ
နိုင်ငံသား ခံယူခြင်း