Information Plus
ဒါနူရီကောလ်စင်တာ
1577-1366
မိသားစုဆွေးနွေးမှုဖုန်းနံပါတ်
1644-6621
한국생활안내 정보더하기 사이트로 이동
  • ကိုရီးယားကျန်းမာပျော်ရွှင်မိသားစုကမ္ဘာပရိုမိုးရှင်းစင်တာ

ဒါနူရီကောလ်စင်တာ : 1577-1366

가족상담전화 : 1644-6621

ဆိုးလ် ဂျွန်းဂူ ထွယ်ဂရဲရို 173၊ 21လွှာ၊ 24လွှာ(ချွန်းမူရို 3ဂါ၊ NAMSAN SQUARE building)

Copyright ⓒ KOREA INSTITUTE FOR HEALTHY FAMILY. All Rights Reserved

이전 페이지로

ပုဂ္ဂိုလ်ရေးအချက်အလက်များ ကာကွယ်ထိန်းသိမ်းရေး လမ်းညွှန်

  • ပင်မစာမျက်နှာ
  • နောက်ဆက်တွဲ
  • ပုဂ္ဂိုလ်ရေးအချက်အလက်များ ကာကွယ်ထိန်းသိမ်းရေး လမ်းညွှန်

ပုဂ္ဂိုလ်ရေးအချက်အလက်များ ကာကွယ်ထိန်းသိမ်းရေး လမ်းညွှန်

(1)ပုဂ္ဂိုလ်ရေးအချက်အလက်၏ အဓိပ္ပါယ်

ပုဂ္ဂိုလ်ရေးအချက်အလက်ဆိုသည်မှာ အသက်ရှင်သန်နေသော တစ်ဦးချင်း၏ အချက်အလက်များဖြစ်သော အမည်၊ မှတ်ပုံတင်နံပါတ်၊ ပတ်စ်ပို့နံပါတ်၊ နိုင်ငံခြားသားမှတ်ပုံတင်နံပါတ်၊ ဖုန်းနံပါတ်ကဲ့သို့သော အချက်အလက်များရှိရုံဖြင့် တစ်စုံတစ်ယောက်အား သိရှိနိုင်ခြင်း သို့မဟုတ် အခြားသော အချက်အလက်များနှင့် ပေါင်းစပ်ပြီး သိရှိနိုင်သော အချက်အလက်များသည်လည်း ပုဂ္ဂိုလ်ရေးအချက်အလက်ထဲတွင် ပါဝင်ပါသည်။

(2)ပုဂ္ဂိုလ်ရေးအချက်အလက် အမျိုးအစားနှင့် အဓိပ္ပါယ်

  1. 1 ကိုယ်ရေးအချက်အလက်
    • ရိုးရိုးအချက်အလက် : အမည်၊ မှတ်ပုံတင်နံပါတ်၊ လိပ်စာ၊ ဖုန်းနံပါတ်၊ မွေးသက္ကရာဇ်၊ မွေးရပ်ဇာတိ၊ လိင်အမျိုးအစား စသည်
    • မိသားစုအချက်အလက် : မိသားစုတော်စပ်မှုနှင့် မိသားစုဝင်တို့၏ အချက်အလက်များ စသည်
  2. 2 ရုပ်ပိုင်းဆိုင်ရာအချက်အလက်
    • ရုပ်ပိုင်းဆိုင်ရာအချက်အလက် : မျက်နှာ၊ မျက်လုံး၊ အသံ၊ DNAအချက်အလက်၊ လက်ဗွေ၊ အရပ်၊ ကိုယ်အလေးချိန် စသည်
    • ဆေးဘက်ဆိုင်ရာ၊ ကျန်းမာရေးအချက်အလက် : ကျန်းမာရေးအခြေအနေ၊ ဆေးကုသမှု မှတ်တမ်း၊ ရုပ်ပိုင်းဆိုင်ရာ မသန်စွမ်းမှု၊ မသန်စွမ်းမှုအဆင့်၊ နာမကျန်းမှုဆိုင်ရာ ရာဇဝင်၊ သွေးအမျိုးအစား၊ IQ၊ ဆေးဝါးစစ်ဆေးမှု စသည့် ရုပ်ပိုင်းဆိုင်ရာ စစ်ဆေးမှုဆိုင်ရာ အချက်အလက် စသည့်
  3. 3စိတ်ပိုင်းဆိုင်ရာ အချက်အလက်
    အတွေးအခေါ်၊ ယုံကြည်ကိုးကွယ်မှု၊ တန်ဖိုးထားမှု၊ ပါတီ သို့မဟုတ် လုပ်သားအဖွဲ့ ဝင်ထားမှု ရှိမရှိနှင့် လှုပ်ရှားမှု အကြောင်းအရာများ စသည်
  4. 4လူမှုရေးအချက်အလက်
    ပညာအရည်အချင်း၊ အမှတ်စာရင်း၊ နေထိုင်မှုဆိုင်ရာ မှတ်တမ်း၊ စစ်မှုထမ်းဆောင်မှု ရှိမရှိ၊ တပ်သားနံပါတ်နှင့် ရာထူး၊ စစ်မှုထမ်းဆောင်မှု အမျိုးအစား၊ တာဝန်ထမ်းခဲ့သည့် တပ်၊ အလုပ်အကိုင်၊ အလုပ်ရှင်၊ အလုပ်နေရာ၊ အလုပ်နှင့် ပတ်သက်သော အကဲဖြတ်မှုမှတ်တမ်း၊ ပြစ်မှုကျူးလွန်ဖူးခြင်း ရှိမရှိ မှတ်တမ်း၊ တရားရင်ဆိုင်မှုဆိုင်ရာ မှတ်တမ်း၊ ဒဏ်ကြေး ပေးဆောင်မှုဆိုင်ရာ အကြောင်းအရာများ စသည်
  5. 5ပိုင်ဆိုင်မှုဆိုင်ရာ အချက်အလက်
    လစာ၊ အတိုးဝင်ငွေ၊ လုပ်ငန်းဝင်ငွေ၊ အကြွေးဝယ်ကတ်နံပါတ်၊ ဘဏ်အကောင့်နံပါတ်၊ ခရက်ဒစ်အကဲဖြတ်မှု အချက်အလက်၊ အိမ်ပိုင်ဆိုင်မှု၊ မြေ၊ ကား၊ စျေးဆိုင်နှင့် အဆောက်အအုံ စသည်
  6. 6အခြားအချက်အလက်
    အီးမေးလ်လိပ်စာ၊ ဖုန်းခေါ်ဆိုမှုမှတ်တမ်း၊ ဂျီပီအက်စ်နှင့် မိုဘိုင်းလ်ဖုန်းမှတစ်ဆင့် လူတစ်ဦး၏ တည်နေရာအချက်အလက် အစရှိသည်​

(3)ပုဂ္ဂိုလ်ရေးအချက်အလက် ကာကွယ်ထိန်းသိမ်းနည်း လမ်းညွှန်

  1. 1လျှို့ဝှက်နံပါတ်ကို အခြားသူ မသိနိုင်အောင် သတ်မှတ်ပြီး ပုံမှန် မကြာခဏ ကြီးကြပ်ထိန်းသိမ်းရန်
    • မန်ဘာဝင်အကောင့်ဖွင့်သည့်အခါ လျှို့ဝှက်နံပါတ်ကို အခြားသူ မသိနိုင်သော စာလုံး၊ ဂဏန်း၊ အထူးသင်္ကတ စသည်တို့ကို 3မျိုးနှင့် အထက် ပေါင်းစပ်ပြီး 8လုံးနှင့်အထက် သတ်မှတ်ပါ။
    • လျှို့ဝှက်နံပါတ်ကို အနည်းဆုံး 3လ တစ်ကြိမ် ပုံမှန် ပြောင်းပေးရမည် ဖြစ်ပြီး ဝက်ဘ်ဆိုက် အမျိုးမျိုးတွင် တူညီသော လျှို့ဝှက်နံပါတ်များ အသုံးပြုခြင်းအား ရှောင်ကြဉ်ပါ။
  2. 2မိမိ၏ အချက်အလက်ကို အခြားသူထံ ပေးသိခြင်း သို့မဟုတ် SNS စသည်တို့တွင် လွန်ကဲစွာ ဖော်ပြခြင်းများ မပြုရန်။
    • မိမိ၏ အိုင်ဒီနှင့် လျှို့ဝှက်နံပါတ်၊ မှတ်ပုံတင်နံပါတ် စသည့် ပုဂ္ဂိုလ်ရေးအချက်အလက်များ မပေါက်ကြားစေရန် သတိထားထိန်းသိမ်းကာ မိတ်ဆွေသူငယ်ချင်း သို့မဟုတ် အခြားသူများထံ အသိပေးခြင်း မပြုပါနှင့်။
    • မိမိ၏ SNSပေါ်တွင် ဖုန်းနံပါတ်၊ တည်နေရာအချက်အလက်၊ လိပ်စာ စသည့် ပုဂ္ဂိုလ်ရေး အချက်အလက်များကို လိုအပ်သည်ထက် ပိုပြီး ဖော်ပြခြင်းမျိုးကို ရှောင်ကြဉ်ပါ။
    • အကယ်၍ အကောင့်ဖွင့်၍ လက်ဆောင်ပစ္စည်း ရယူလိုခြင်း စသည့် အကြောင်းပြချက်ဖြင့် ပုဂ္ဂိုလ်ရေးအချက်အလက်များ ပေးသည့်အခါမျိုးတွင် ပုဂ္ဂိုလ်ရေးအချက်အလက် ကောက်ခံခြင်း၊ ပုဂ္ဂိုလ်ရေး အချက်အလက် အသုံးပြုမည့် နေရာ၊ ကာလ၊ ရည်ရွယ်ချက် စသည့် အချက်များကို သတိကြီးစွာထား၍ ဖတ်ကြည့်ပါ။
  3. 3ဇာစ်မြစ် မသိနိုင်သော စာတိုမက်ဆေ့များ သို့မဟုတ် မေးလ်များ၏ အင်တာနက် လိပ်စာ(URL)များကို ကလစ်မနှိပ်ပါနှင့်။
    • စာတိုမက်ဆေ့ သို့မဟုတ် မေးလ်တွင် ပူးတွဲပါ ပရိုဂရမ်မှတစ်ဆင့် ပုဂ္ဂိုလ်ရေး အချက်အလက်များ ခိုးယူပြီး ရာဇဝတ်မှုများတွင် အသုံးပြုခြင်း ခံရနိုင်ပါသည်။ ဇာစ်မြစ် မသိရသော စာတိုမက်ဆေ့များ သို့မဟုတ် မေးလ်များ လက်ခံရရှိပါက လက်လွတ်စပယ် ပူးတွဲပါ ဖိုင်များကို ဒေါင်းလုတ်ဆွဲခြင်း သို့မဟုတ် URLကို ကလစ်နှိပ်ခြင်းအား ရှောင်ကြဉ်ပါ။
    • သံသယရှိသော စာတိုမက်ဆေ့များ သို့မဟုတ် မေးလ်များကို လုံးဝ ဝင်မကြည့်ဘဲ ချက်ချင်း ဖျက်ပစ်ပါ။
  4. 4ငွေကြေးလွှဲပြောင်းသည့်အခါ ပုဂ္ဂိုလ်ရေး အချက်အလက် ကာကွယ်ထိန်းသိမ်းမှုနှင့် ပတ်သက်ပြီး အထူး သတိထားရန်
    • ငွေကြေးလွှဲပြောင်းသည့်အခါ အင်တာနက်ဘဏ်ကင်း အကောင့်၊ ဒီဂျစ်တယ်ဆာတီဖီကိတ် စသည်တို့ အဟက်ခံရပြီး ငွေကြေးဆိုင်ရာ ဆုံးရှုံးနစ်နာမှုများ ကြုံရသော သာဓကများစွာ ရှိပါသည်။ ငွေရေးကြေးရေးဆိုင်ရာ ပုဂ္ဂိုလ်ရေး အချက်အလက်များ ပေးခြင်းနှင့် အသုံးပြုခြင်းများ လုပ်သည့်အခါ ပိုပြီး သတိထားရန် လိုအပ်ပါသည်။
    • ငွေကြေးလွှဲပြောင်းသည့်အခါ အကြွေးဝယ်ကတ်နံပါတ်ကဲ့သို့သော ငွေကြေးဆိုင်ရာ အချက်အလက်များ စသည်ကို သိမ်းဆည်းသည့်အခါ လျှို့ဝှက်နံပါတ် ထားပြီး၊ ဖြစ်နိုင်လျှင် PC ဆိင် စသည့် အများသုံး PCများကို အသုံးပြုခြင်းအား ရှောင်ကြဉ်ပါ။
  5. 5သားသမီး၏ ပုဂ္ဂိုလ်ရေး အချက်အလက်များကို ကာကွယ်ထိန်းသိမ်းရန်အတွက် အခြေခံအချက်များကို စစ်ဆေးရန်
    ကိုရီးယားနိုင်ငံ၏ ဥပဒေတွင် အသက် 14နှစ်အောက် ကလေး၏ ပုဂ္ဂိုလ်ရေး အချက်အလက်ကို အုပ်ထိန်းသူ၏ သဘောတူညီချက် ရှိမှသာလျှင် တောင်းခံနိုင်ပါသည်။ သားသမီး၏ ပုဂ္ဂိုလ်ရေး အချက်အလက်များ ပေးရသော ဝန်ဆောင်မှု၏ အကြောင်းအရာနှင့် ပုဂ္ဂိုလ်ရေး အချက်အလက်များ အသုံးပြုမည့် နေရာကို သေချာစွာ စစ်ဆေးကြည့်ရှုရမည် ဖြစ်ပါသည်။
  6. 6ပုဂ္ဂိုလ်ရေး အချက်အလက်ဆိုင်ရာများ စုံစမ်းရန် ☎ 118 ဆွေးနွေးမှုစင်တာအား အသုံးပြုရန်
    ဟက်ကင်း၊ ပုဂ္ဂိုလ်ရေး အချက်အလက်၊ spam စသည့် ဆိုက်ဘာ ပြဿနာ ဆွေးနွေးမှုများကို ကုဒ်နံပါတ် မလိုဘဲ ☎118သို့ ဆက်သွယ် မေးမြန်းနိုင်ပါသည်။(365ရက် 24နာရီ)

(4)ပုဂ္ဂိုလ်ရေး အချက်အလက် ကာကွယ်ထိန်းသိမ်းမှုအကြောင်း သင်တန်းလမ်းညွှန်

  • ကိုယ်ရေးအချက်အလက် အယူအဆနှင့် ၎င်းကိုကာကွယ်ပုံအကြောင်း ပညာပေးမှုကို လိုအပ်ပါက ကိုယ်ရေးအချက်အလက် သင်ယူမှုစင်တာ (Personal Information Learning Center) (edu.privacy.go.kr) ရှိ အွန်လိုင်းပညာပေးမှုတွင် ပါဝင်ပေးပါ။
အရင်းအမြစ်
အဆိုပါ လမ်းညွှန်စာအုပ်သည် “ဂုံးဂုံးနူရီ ပုံစံ 4 : အရင်းအမြစ်ဖော်ပြရန်+ကိုယ်ကျိုးအတွက် အသုံးပြုခြင်း မပြုရ+ပြောင်းလဲဖော်ပြခြင်း မပြုရ” သတ်မှတ်ချက်များပေါ် မူတည်ပြီး အသုံးပြုနိုင်ပါသည်။
အရင်အကြောင်းအရာ
ကိုရီးယားနိုင်ငံဆိုင်ရာ နိုင်ငံခြားသံရုံး ဖုန်းနံပါတ်များ