ကိုရီးယားနိုင်ငံတွင်းနေထိုင်မှုလမ်းညွှန်

အလုပ်ရှင်သည် အလုပ်အလုပ်သမားစာချုပ်အား ချုပ်ဆိုသည့်အခါ လုပ်ခလစာ၊ သတ်မှတ်အလုပ်ချိန်၊ နားရက်၊ လုပ်သက်လစာပြည့်ခွင့်၊ အလုပ်လုပ်ရမည့် နေရာနှင့် လုပ်ငန်းတာဝန်၊ အလုပ်စတင်ချိန်နှင့် အလုပ်သိမ်းချိန်၊ နားချိန်၊ စသည်တို့ကို အတိအကျ ဖော်ပြထားရမည်ဖြစ်ပြီး၊ အထူးသဖြင့် လုပ်ခလစာ၊ သတ်မှတ်အလုပ်ချိန်၊ ပိတ်ရက်၊ လုပ်သက်လစာပြည့်ခွင့်နှင့် ပတ်သက်သော အကြောင်းအရာများ အတိအကျ ပါဝင်သည့် စာချုပ်စာတမ်းအား အလုပ်သမားထံ ပေးထားရမည်ဖြစ်ပါသည်။

အလုပ်ရှင်သည် အလုပ်သမားအား ခိုင်လုံသော အကြောင်းပြချက် မရှိဘဲ အလုပ်ဖြုတ်ခွင့် မရှိပါ။ အလုပ်ရှင်မှ အလုပ်သမားအား အကြောင်းပြချက် မရှိဘဲ အလုပ်ဖြတ်ပါက အလုပ်သမားသည် အလုပ်ဖြုတ်ခံရသည့် ရက်မှစပြီး 3လအတွင်း သက်ဆိုင်ရာ ဒေသ အလုပ်သမားရေးရာကော်မတီသို့ အကူအညီတောင်းခံနိုင်ပါသည်။

အလုပ်ရှင်သည် အလုပ်သမားက ဆက်တိုက် အလုပ်လုပ်နေသော ကာလသည် 3လအောက်ဖြစ်ပါက သဘာဝဘေးအန္တရာယ် ကျရောက်ပြီး မလွှဲသာသည့် အကြောင်းရင်းကြောင့် အလုပ်ငန်းဆက်လုပ်ရန် မဖြစ်နိုင်တော့သည့်အခါ၊ အလုပ်သမားဘက်မှ တမင်တကာ လုပ်ငန်းအပေါ် ကြီးမားသော အနှောင့်အယှက်ဖြစ်စေခြင်း၊ ဆုံးရှုံးနစ်နာမှု ဖြစ်ပေါ်စေသည့် အကြောင်းများဖြင့် အလုပ်ခန့်ထားရေးနှင့် အလုပ်သမားဝန်ကြီးဌာနအမိန့်ဖြင့် သတ်မှတ်ထားသော အကြောင်းရင်းများတွင် အကျုံးဝင်သည့် အချက်မှ လွဲပြီး၊ အလုပ်သမားအား အလုပ်ဖြုတ်လိုလျှင် အနည်းဆုံး ရက် 30ကြိုပြီး အသိပေးရမည် ဖြစ်ပြီး၊ ထိုကဲ့သို့ ရက် 30ကြိုပြီး မပြောပါက ရက် 30နှင့်အထက် ရှိသော ပုံမှန်လုပ်ခလစာအား ပေးရမည် ဖြစ်ပါသည်။

လုပ်သားများ၏ အနိမ့်ဆုံးအဆင့် နေထိုင်စားသောက်နိုင်ရေးအတွက် ဥပဒေဖြင့် သတ်မှတ်ထားသော လုပ်ခလစာရှိပြီး ၎င်းကို အနိမ့်ဆုံးလုပ်ခလစာဟု ခေါ်ပါသည်။

လုပ်သားသည် 1နှစ်အထက် ဆက်တိုက် အလုပ်လုပ်ခဲ့ပါက ပင်စင်ကြေး ရနိုင်ပါသည်။

လုပ်ငန်းရှင်၏ ဒေဝါလီခံခြင်း စသည့် အကြောင်းရင်းကြောင့် အလုပ်သမားမှ လုပ်ခလစာ၊ ပင်စင်လစာ စသည်တို့ကို မရနိုင်သည့် အခြေအနေတွင် နိုင်ငံတော်မှ အောက်ပါအတိုင်း အာမခံချက်များ ပေးပါသည်။