ကိုရီးယားနိုင်ငံတွင်းနေထိုင်မှုလမ်းညွှန်

ဆေးရုံဆေးခန်းများသည် အရွယ်အစားနှင့် အသုံးပြုမှု အစဉ်အလိုက်၊ ဝန်ဆောင်မှု အကြောင်းအရာနှင့် နယ်ပယ်ပေါ် မူတည်ပြီး ခွဲထားပါသည်။ ဖျားနာခြင်း သို့မဟုတ် အစာခြေစနစ် ပြဿနာ စသည့် မပြင်းထန်သော ရောဂါများဖြစ်ပါက ဆေးခန်းသို့ သွားရောက် ဆေးကုသမှုခံယူပြီး၊ ရောဂါ မသက်သာခြင်း သို့မဟုတ် ပိုမို အသေးစိတ်ကျသော ဆေးစစ်မှုများ လိုအပ်ပါက ဆေးရုံ သို့မဟုတ် အထွေထွေရောဂါကုဆေးရုံ၊ တတိယအဆင့်အထွေထွေရောဂါကု အဆင့်မြင့်ဆေးရုံသို့ သွားပြီး ဆေးကုသမှု ခံယူနိုင်ပါသည်။

ဆေးဝါးများသည် ဆေးရုံမှ ဆရာဝန်၏ စမ်းသပ်ကုသမှု ခံယူပြီးနောက် ဆေးစာဖြင့်သာ ဆေးဆိုင်တွင် ဝယ်ခွင့်ပြုသော ဆေးဝါးများနှင့် ဆရာဝန် ဆေးစာမပါဘဲ ဝယ်ယူနိုင်သော ဆေးဝါးများဟူ၍ ရှိပါသည်။ ရိုးရိုးသာမန်ဆေးဝါးများမှာ အဖျားပျောက်ဆေး၊ အစာကြေဆေး၊ ကိုယ်အပူကျဆေး၊ အကိုက်အခဲပျောက်ဆေး ဒဏ်ရာလိမ်းဆေးအမျိုးမျိုး၊ ဝမ်းလျှောခြင်းအတွက် ဝမ်းပိတ်ဆေး စသဖြင့် အမျိုးအစားများ စုံလင်ပါသည်။
ထို့အပြင် ဆေးဝါး မဟုတ်သည့် ပိုးသတ်ဆေး၊ အမျိုးသမီး လစဉ်သုံးပစ္စည်း၊ ကျန်းမာရေးဖြည့်စွ အချိုရည်များ၊ ကွန်ဒုံး စသည်တို့ကို ရိုးရိုး24နာရီစတိုးဆိုင်များကဲ့သို့သော လက်လီဆိုင်များတွင်လည်း ဝယ်ယူနိုင်ပြီး၊ မဆိုးရွားသော ရောဂါလက္ခဏာများကို ကိုယ်တိုင် ဆုံးဖြတ်ပြီး အရေးတကြီး အသုံးပြုနိုင်စေရန် အခြေခံအားဖြင့် ကိုယ်ပူကျအကိုက်အခဲပျောက်ဆေး၊ အအေးမိပျောက်ဆေး၊ အစာကြေဆေး၊ အနာကပ်ပလာစတာတို့အထဲမှ ပစ္စည်း 13မျိုးကို 24နာရီစတိုးဆိုင်များတွင်လည်း ဝယ်ယူနိုင်ပါသည်။